Loma 9:32 - Amazwi Yakwe Leza 2013

³² Uzye pacani? Apamulandu wakuti yatemelile ku utailo, lelo pa visuma vino yacitanga. Caleka yapumike “Kwi we lya kuipumako.”

Loma 9:32 ပူးပေါင်းရင်းမြစ်များ

Ezaya 8:14

Apamulandu nu kucindama kwane ukwa cipezya amano, nemo naya wi we lino antu yakapumika kweneko. Naya wa lukose luno antu yakalemya mwenemo, yayo atekwa umu Yuda nu mu Yelusalemu. Icikalemwako nu ku ina Yelusalemu kwene.

Ezaya 8:15

Ali cino fwandi antu anyanya, yayo yano yamapumikanga kweneko, nu kupona yamaponanga. Yene yamaponanga nu kuvunika yamavunikanga. Yamaivyongelekezyanga nu kulemwa!”

Mateo 13:57

Alino yamukana. Yesu ayanena ati, “Kasema asyacindikwa ku mpanga ya kumwao nu ku amu ng'anda yakwe, suka kusi kumwao.”

Luka 2:34

Lyene Simeoni ayapolelela anena Maliya nyina wa mwana ati, “Lola umwana wii waikwa na Leza kuti aye cakuponya nu kukatusya aingi mu Izlaeli, nupya kuti aye wa cilangililo kufuma kuli Leza cino aingi yalakana.

Luka 7:23

Alongo ayao asikuntwisika.”

Loma 10:3

Pano yatamanya inzila ino Leza akacitilamo antu kuya aololoke pa manso yakwe. Lelo mu cifulo cakwe cico, yene yezya kuya aololoke umu nzila yao aisikulu. Nupya yatazumila nzila yakwe Leza ino akacitilamo antu kuya aololoke pa manso yakwe.

Loma 11:11

Lyene nkuuzya nti, uzye ukupempezyoka kwa Ayuda ukwakuti yapone kwaula kukatuka? Awe cumi kwene citangaya vivyo! Lelo pamulandu wa kwifya kwa Ayuda, kutuulwa kwaya ku Akulukuwa kuti Ayuda yayazuwila.

Loma 4:16

Acino ulayo wemelela pa kutaila Leza, pakuti Leza afikilizye ulayo pa kuya nu luse ku vizikulula vyakwe Abulaamu vyonsi. Asi sile kuli yao akuyela Masunde, lelo na kuli yao akataila ndi vino Abulaamu wataile. Pano Abulaamu ali cikolwe citu swensi,

1 Kolinto 1:23

Lelo swemo tukakosola Klistu uwatanyilwe pa lupanda, ilandwe lyaya icisiki cakupumikako Ayuda nupya utumpe ku Akulukuwa.

1 Petulo 2:6

Pano calembwa mu malembelo cati, “Nasolwile iwe lyamutengo cuze, lino nkwika mu Zioni liye iwe lya pitungi, na wino wensi uwataila munoli atalacitwa insonyi.”

1 Petulo 2:8

Nupya cili ndi vino malembelo yauze yakati, “Lii, lili iwe ililalenga kuti antu yapumike nu kupona.” Yene yaipumileko pano yatataile mu mazwi ya Mwene. Cii cali ukulonda kwakwe Leza kunoyali.