Loma 9:23 - Amazwi Yakwe Leza 2013

²³ Leza wacita cii pa kulanga lulumbi lwakwe lukulu kunotuli, swe muno watuyela mizu nu kutusolola kuti tukume ku lulumbi lwakwe lukulu,

Loma 9:23 ပူးပေါင်းရင်းမြစ်များ

1 Milandu 29:18

We Yawe, Leza wakwe Abulaamu, Isaki na Izlaeli, si ule walukwika umuzonda uu mu myenzo ya antu yako, nga yaye nu mwenzo wakukuyela mpaka umuyayaya.

Luka 1:17

Nupya wene alakolelela Mwene, mu kuposya kwa mwenzo nu mu maka wakwe vino kasema Eliya wali. Nupya alakundanya ana na ya isi, nu kusenula yacipote kuti yatandike kulondela inzila zyawololoke, pakuti ateyanyizizye antu ku kwiza kwa Mwene.”

Milimo 9:15

Mwene anena Ananiya ati, “Pitanga, pano nati musola kuya muomvi wane, kuti aleke imanyike ku Akulukuwa nu ku ene nga nu ku ina Izlaeli.

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

Loma 8:29

Pano yano Leza wasolwile calimwi ayano wapaatula kuti yaye wa Mwana wakwe, pakuti Mwana aye iyeli lya ina aingi.

Loma 8:30

Caleka yano Leza wasolwile, ali yano waama. Na yao yano waama ayano wacita kuya aololoke pa manso yakwe, nga nu kuyapelako lulumbi lwakwe.

Efeso 1:18

Nkulenga kuti Leza akozya luswepo mu myenzo inu na kuti mumanyikisye upaalilo uno wamwamilako nga nu kumanya ukama wa lulumbi lwa kupyana vintu vino Leza walaya antu yakwe,

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Efeso 2:7

Wene wacisile cii kuti mu myaka ikwiza alange ukama wa cikuku cakwe uiyele uno waya mu kutemwa kuno watulanga muli Klistu Yesu.

Efeso 3:16

Nkalenga ukuti Leza, kulingana nu kucindama kwa ukama wa cikuku cakwe, amukomye na Mupasi wakwe kuti muye akomeleke mu myenzo.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Kolose 1:12

taizyini Leza Tata, wino uwamucita kuya alinge kukumako ku wankanyo wa upolelelo uno Leza wasungila antu yakwe mu nsi ya luswepo.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

1 Tesalonika 5:9

Leza atasolola kutuvunuka, lelo wene wasolola kuti Klistu Mwene witu atutuule.

2 Timoti 2:21

Muntu umwi ndi waisangulula ku vintu viipe vyonsi, wene alaomviwa mu mulimo ucindame, pano wene waipelesya kuya uwa mulimo ukulu ku musambazi wakwe. Wene waiteyanya kucita visuma vyonsi.