Loma 9:20 - Amazwi Yakwe Leza 2013

²⁰ Uzye wemo, wewe weni uwakupazyanya na Leza? Uzye inyungu inguzya nakamata iti, “Uzye pacani wamatile mu mwata uu?”

Loma 9:20 ပူးပေါင်းရင်းမြစ်များ

2 Samueli 16:10

Lelo umwene anena Abisyai na Yoabu umwina wakwe, ati, “Icintu cii citamupazi, mwe ana yakwe Zeluya. Ndi wene akuntipwila pamulandu wakuti Yawe watamunena ukucita cico, uzye lyene aweni akweti insambu zya kuuzya umulandu cino akucitila cico?”

Yobo 16:3

Mulata lilaci ukuvwanga ivyakuzailazaila? Uzye cikamupamvya uli ukulanda amazwi yakanyengula mwenzo?

Yobo 33:13

Uzye pacani cino ukunenolela Leza, apakukana kwasuka?

Yobo 36:23

Aweni angamulangilila ivyakucita? Aweni angapama nu kumunena ukuti cico waluvwanya?

Yobo 40:2

“Uzye ukulonda ukuti uwampazya nene ne Leza Wamaka yonsi vwile? Uzye watukwata ivya kunjasuka ne Leza nanti foo?”

Yobo 40:5

Natimvwanga mpiti caticisila, intange nswilizye nupya, awe.”

Yobo 40:8

Uzye kwene Yobo wewe ukunena ukuti vino nemo inkapingula vitalola mwenemo, vwile?

Yobo 9:32

Ica cumi Leza asi muntu unji, uwakuti twapazyanya nawe nu kutwalana numu vilye.

Ezaya 10:15

Lelo nemo ne Yawe nkuvwanga inti, ‘Uzye impasa ingalanda ukuti yaluta wino akaiomvya? Nanti uzye mukalalu wacindama ukuluta wino akamuomvya? Insonzo isisenda umuntu, foo. Lelo umuntu aliwe akasenda insonzo.’”

Ezaya 29:16

Yene vyonsi yakavilozya muze muze sile. Uzye pali nakamata nga ni mbulo kwene icacindamapo icani? Uzye icintu cino umuntu wapanga ali cino cingamunena citi, “Asi wewe wampanga.” Nanti uzye inyungu inganena nakamata iti, “Pasi vino wamanya!”

Ezaya 64:8

Lelo kwene we Yawe, ala wewe uli Tata. Swemo twaya sile wa mbuulo, nawe wakwe nakamata. Umucumi awewe watuumba.

Yelemiya 18:6

“Mwe ina Izlaeli mwe, uzye nemo ntakwata insambu zyakucita kunomuli vino nakamata akacita ku mbulo? Silolini ivyaya imbulo mu minwe yakwe nakamata, ali vino namwe mwaya mu minwe yane.

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Mateo 20:15

Uzye ntakweti nsambu yakucita cisuma cino nkasi pa mpiya zyane? Uzye pacani wanzuwila pa nsambu yane.’ ”

Luka 12:14

Yesu nawe aasuka ati, “Muntu we, aweni wampeela maka akupingula nanti kwankanya ivyuma panomuli mweili?”

Loma 14:4

Uzye wewe weni uwakupingula muomvi wa muntu umwi? Musambazi wakwe aliwe alinzile kulola ndi akuomba ningo nanti akuposiwa. Wene alaomba ningo, pano Mwene waya na maka akuti aleke aombe ningo.

Loma 2:1

We muntu we muno ukapingula auzo, utangaleuka mulandu. Pano ndu kupingula auzo lino nawe ukacita viipe ala nawe ukuivunuka wemwisikulu.

Loma 2:3

Lelo yame ndu kacita viipe nga ala ukupingula auzo pali vino nawe kwene ukacita, uzye ukwelenganya vino ulaleuka upinguzi wakwe Leza?

Loma 9:21

Uzye nakamata asi ni nsambu zya pa mbulo iya kucita mukanya onga civiya conga cicindame nu mukanya uze civiya cuze cisaluke?

Loma 9:22

Na Leza kwene avino waya. Akalonda kuti alange ukali wakwe nu kulanga maka yakwe kuli yao angaloviwa. Lelo mu cifulo cakwe cii Leza akayatekela mwenzo.

1 Kolinto 1:20

Caleka, uzye lyene yalikwi antu yamano? Nanti nkonkotela zyakwe yakasambilizya ya Masunde? Nanti yao akaitumika mu kwasuka mauzyo ya muno nsi? Leza walanga vino mano amuno nsi yene uwelewele!

1 Kolinto 7:16

Uzye lyene wamanya uli, we muci we mwina Klistu, ukuti utangatuula iya wako? Nanti we iya we mwina Klistu, uzye ungasininkizya uli ukuti utangatuula muci wako?

1 Timoti 6:5

nga na lyonsi vikanza vikufuma ku antu yano myenzo yao isi ya mpomvu nupya yatakwata cumi. Yene yakaelenganya ukuti amapepo ili nzila yakuzanilamo ukama.

2 Timoti 2:20

Mu ng'anda ikulu mwaya iviya vya misango ipusanepusane. Vimwi vyapangilwa na siluva nga na vimwi na zaabu, vyuze navyo vyapangilwa ni mbao nga ni ivu. Vimwi vikaomviwa pa mulimo ucindame, nga vimwi navyo pa mulimo uwasilesile.

Tito 2:9

Azya yalinzile kutontela asambazi yao nu kuyazanzya muli vyonsi. Yene yatalinzile kuya na kasa kunoyali.

Yakobo 2:20

Ciwelewele we! Uzye ukulonda kuti yakulange vino utailo uno usyatungulula ku kucita milimo isuma ala wene uwasilesile?