Loma 8:36 - Amazwi Yakwe Leza 2013

³⁶ Wakwe vino malembelo yakati, “Pamulandu wako tuli mu uzanzo wa kukomwa musanya nu usiku. Tukoline wa mfwele zino zyasendwa ku kukomwa.”

Loma 8:36 ပူးပေါင်းရင်းမြစ်များ

Masamu 141:7

Yalavwanga yati, “Amafupa itu yasansantikila pa milomo yi lindi, ungati umuntu akalima nu kukomola umusili.”

Masamu 44:11

Watuleka lyene yatukomola wa mfwele, lyene twatitusalanganila nu mu mpanga zyuze.

Masamu 44:22

We Leza ala apamulandu sile wakwe wewe, ali pano swemo yakatukomolela insita zyonsi, nu kutucita wa mfwele zino yakutwala uku kufyula.

Ezaya 53:7

“Yamutakanyanga, ala yakumucuzya. Lelo wene atatazile azyansye, wayelanga sile, atatazile amamule akanwa. Wali wa mwana wa mfwele wino yakutwala ku kufyula ungati imfwele ino yakupela amavumbu, isiasamula akanwa.

Yelemiya 11:19

Nemo natontelile wa kana ka mfwele kano yakutwala ku kufyula. Nemo ntamanyile ukuti anene yakupangila ukuncita cimwi ala yakuti, “Mwe, lekini tukome Yelemiya, tumusinde wa cimuti cino cafikila apa nsita ya kulemba. Katumukome pakuti kutaca kuye nanti umwi uwa kumwiusya nupya.”

Yelemiya 12:3

Lelo wemo Yawe wamanya, nupya ukalola vino nkacita na vino nakutemwa. Antu yaa aipe, wemo uyatintanye wa mfwele zino yakutwala ku kukomwa. Yawakilile mpaka uwanda wa kukomwa uce usuke ufike.

Yelemiya 51:40

Ndayasenda wa mfwele, wakwe yasuuku, wakwe yasawe, nkayatwale nu ku kuyafyula.”

Yoane 16:2

Yalamuzinga mu mang'anda ya mapepo, endi, na kasita kakwiza lino wino wensi wamukoma alelenganya vino pa kucita cii, akutumikila Leza.

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Milimo 8:32

Iciputulwa ca malembelo pano wawelenganga cikati, “Wakoline wa mfwele iyasenzilwe ku kukomwa, wa kana ka mfwele akasiikavya lino yakukasenya amavumbu. Avino atamamwile mulomo.

1 Kolinto 15:30

Uzye naswe, ndi avino cili, tungaikala uli mu uzanzo nsita zyonsi?

1 Kolinto 15:31

Inane cila wanda nemo nkalolenkana ni mfwa. Kuitakizya kuno nkweti munomuli pamulandu wakwe vino Klistu wacita ukwalenga kuti ndande vii.

1 Kolinto 4:9

Pano kunondi caloleka ukuti Leza wapela cifulo cakusyalikizya kuli sweswe swe atumwa. Tuli wa antu avunukwa ku kukomwa pa swe, nupya tuli akutambwa ni viumbwa, asi antu yatupu, lelo na angeli kwene.

2 Kolinto 1:9

Nupya twaisininkizye ukuti twali nu kufwa. Lelo cii cacitike kuti tutemelela muno tuli sweisikulu, lelo twemelele sile muli Leza, wino akaleka kuti afwe yazyukuke.

2 Kolinto 11:23

Uzye yene aomvi yakwe Klistu? Nemo nkuvwanga wakwe cipena, lelo nemo nene muomvi wino alusile yaya. Naombesya kuluta alio, nupya nayalilwe mu ng'anda ya minyololo maila aingi kuluta alio. Nanyambozilwe maila aingi kuluta alio nga lyonsi nali mu uzanzo wa kufwa.

2 Kolinto 6:9

Swemo tutamanyikwa kuli yauze, lelo twamanyikwa ningo kuno muli. Yakati tuli nu kufwa, lelo tucili nu umi. Antu yatuvunuka, lelo yatatukoma.

Filipi 3:10

Cino nkulonda ukumanya Klistu na maka yano amulenzile kuzyukuka kufuma ku afwe. Nkulonda kukuma ku macuzi yakwe nga nu kufwa ndi vino wene wafwile.