Loma 8:3 - Amazwi Yakwe Leza 2013

³ Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

Loma 8:3 ပူးပေါင်းရင်းမြစ်များ

Mpendwa 21:9

Acino Mose apanga inzoka ya mukuwa nga aikoweka na pa mulongoti. Lyene umuntu ali wensi ndi walumika ni nzoka, nga aiza alolekesya pa nzoka ya mukuwa, wene aya nu umi.

Mpendwa 28:22

Kuye kweneko na sawe wenga uwa wila wa kwelela amaifyo kuti yacite ulutambi lwa kufuta amaifyo inu.

Mako 15:27

Lyene yatana vipondo viili pali pamwi na Yesu, conga kwi kasa lilunji ni cuze kwi mani lyakwe. [

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Yoane 9:24

Afaliseo nupya yaama umuntu iila lyakwe ciili, wino uwali impafu, alino yamunena yati, “Lumbanya Leza! Twati tumanya vino umuntu wino watakupozya wene akaifya.”

Milimo 13:39

Mulinzile kumanya vino wensi uwataila munoli wene alaya uwakaele kufuma ku maifyo yonsi yano masunde yakwe Mose yatange yamukulule.

Loma 3:20

Pano kusi umuntu nanti wenga wino angaya mololoke pa manso yakwe Leza pa kuyela sile Masunde. Mulimo wa Masunde ukulanga vino umuntu wifya.

Loma 6:6

Twamanya vino untu witu wa mpiti watanyilwe pamwi na Klistu pa lupanda, kuti myenzo ya ukakasi ifumiwepo, nu kuti maifyo yatatuteeka uzya.

Loma 7:18

Namanya na vino usuma utaya munondi, kuli kuti mu untunze wane. Pano nanti angala nkulonda kucita cisuma, nkaposiwa kucicita.

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?

Loma 9:3

Pano ningatemwa kuti intipwilwe pamulandu wao, mpaatulwe na kuli Klistu.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Galatiya 3:21

Uzye cii cikusenula vino Masunde yasyazumilizyanya na malayo yakwe Leza? Awe, cisi vivyo! Pano antu ndi yapokelela Masunde angayapeela umi, ale lyene umuntu ali wensi angacitwa kuya mololoke pa manso yakwe Leza pakuyela Masunde.

Filipi 2:7

Lelo waicefizye, nu mukuitemelwa wasile vyonsi vino wakweti, atoola mwata wa muzya. Wene wizile aya umuntu nu kuloleka wa muntu.

Ayebulai 10:12

Lelo Klistu wapile impolelwa yonga yakufumya maifyo, ni mpolelwa ii ikaomba manda pe. Lyene waile aikala kwi kasa lilunji lyakwe Leza.

Ayebulai 10:14

Mu mpolelwa yonga kwene amuno wene walenga ukuti antu yano aswefiwa kufuma ku maifyo yaye afumaluke manda pe.

Ayebulai 2:14

Twazana ukuti yano akwamwa ana, antu akwata munyefu nu wazi. Acino Yesu umwisikulu wizile akolana nayo ku mwili wa untu. Wene wacisile cii kuti mu mfwa yakwe amuno aonone Ciwa, wino uwakwata maka pa mfwa.

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.