Loma 8:28 - Amazwi Yakwe Leza 2013

²⁸ Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

Loma 8:28 ပူးပေါင်းရင်းမြစ်များ

Utandiko 50:20

Mumine akapi ukucita uyi kunondi, lelo Leza ausenula ukuya usuma, pakuti atuule umi wa antu avule yano ali nu umi pa wanda wilelo.

2 Samueli 16:12

Cingaya limwi Yawe angalola ulanda wane nu kundandwila ivisuma pa ntipu zino natipwilwa api lelo.”

Neemiya 1:5

Inti, “Owe mwe! Leza mukulu uwa kwiyulu, we wakoopa! Awewe ukawaka upangano wako kuli yayo yano yakutemwa nu kuyela amasunde yako.

Masamu 69:36

Na ana ya aomvi yakwe amayanga zili mpyanyi zya mwenemo, nga na yayo amutemwa yalikala mwenemo.

Kufuma 20:6

Lelo nkalanga kutemwa ku nkulo mazimbi zino zyantemwa nu kuyela amasunde yane.

Yelemiya 51:29

Alino lyene impanga ilatenta nu kusunkana, pano lyene umwene alafikilizya amapange yakwe, yano wapangile Babiloni, akusangula impanga ya Babiloni ulwanga, umutange mwikale umuntu.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Mako 12:30

Uwatemwa Mwene Leza wako nu mwenzo wako onsi, nu umi wako onsi, na mano yako yonsi, na maka yako yonsi.’

Milimo 13:48

Lino Akulukuwa yuvwa cii, yazanga nu kutasya ilandwe lya Mwene. Na yao yonsi yano Leza wasolwile kuti yaye nu umi wape, yataila mu Mwene.

Loma 11:29

Pano Leza asyasenuka pali wino wasolola nu kupolelela.

Loma 8:30

Caleka yano Leza wasolwile, ali yano waama. Na yao yano waama ayano wacita kuya aololoke pa manso yakwe, nga nu kuyapelako lulumbi lwakwe.

Loma 9:11

Lelo lino ana yaa yatali kuti yavyalwe nanti kucita cisuma nanti ciipe, Leza wanenyile Labeka ati, “Silenzi alatumikila muto.”

1 Kolinto 1:2

Kwi uvi lyakwe Leza ilili mu Kolinto, na kuli yonsi yano aamwa kuti yaye antu yakwe Leza amuzilo, ali akwakwe mu kutaila kwao muli Klistu Yesu, pali pamwi na antu yonsi konsikonsi yano akapepa Mwene witu Yesu Klistu, Mwene witu nupya wakwao.

1 Kolinto 1:24

Lelo kuli yao yano Leza waama, Ayuda na Akulukuwa kwene, yonsi yaa iiluka ukuti Klistu ali maka nga na mano yakwe Leza.

1 Kolinto 1:9

Leza uwakutailwa, nupya aliwe wamwamile kuti muye mu utandano nu Mwana wakwe Yesu Klistu, Mwene witu.

1 Kolinto 2:9

Lelo cili ndi vino calembwa mu malembelo cati, “Cintu cino umuntu ataweni nanti kuvwa, cintu cino umuntu atatazile aelenganye ukuti cingacitika, cili cintu cino Leza wateyanyizizya yao amutemwa.”

2 Kolinto 5:1

Umwili uno twakwata pano pansi waya wa mutanda. Twamanya vino umutanda ndi waca ononeka tukweti ng'anda yuze kwi yulu, yene itakulwa na makasa ya antu nupya iyape na pe.

Galatiya 1:15

Lelo Leza mu cikuku cakwe wene wansolwile na lino ntali kuti mvyalwe. Wene wangamile kwiza mutumikila.

Galatiya 1:6

Nkuzunguka pamulandu wa miyele inu! Kwaula kusumba insita mwemo mukufutatila Leza wiyo uwamusolwile kupitila mu cikuku cakwe Klistu, nga nupya mukutaila ilandwe lyuze.

Galatiya 5:8

Leza, wino akamwama asi aliwe uwacita cii.

Efeso 3:11

Leza wacita cii, kulingana nu kuteyanya kwa mwi pange lyakwe manda pe, lino wafikilizya muli Klistu Yesu, Mwene witu.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Malango 6:5

Uwatemwa Yawe umwene Leza wako nu mwenzo wako onsi, nu umi wako onsi, na maka yako yonsi.

Malango 8:16

Wene wamupeezile mana mu lwanga kuti mulye, ivyakulya vino ivikolwe vinu vitatazile vilye. Wene wamuletile intazi kuti amwezye, pakuti lino zyasila amupeele ulongo nga na vyonsi vimuzipile.

Filipi 3:14

Caleka nkasimwila ulunga ni cikongwani kuti ince mpelwe cilambu kwiyulu, icili ulwamo lwakwe Leza muli Klistu Yesu.

1 Tesalonika 5:9

Leza atasolola kutuvunuka, lelo wene wasolola kuti Klistu Mwene witu atutuule.

2 Timoti 1:9

Wene watutuula nupya watwama kuti tuye antu yakwe, asi pamulandu wa vintu vino twacita. Lelo apamulandu wi pange ni cikuku cakwe. Wene wali ni cikuku kwene cii kunotuli muli Klistu Yesu lino kutali kuye kutandika kwa nsita.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

Ayebulai 9:15

Pamulandu kwene uu, Klistu ali muntu wakukundanya antu na Leza mu upangano upya pakuti yao yano Leza waama yangapokelela upolelelo wape uno Leza walavile. Cii cingacitwa pamulandu wakuti Klistu wafwile, ni mfwa yakwe ikakulula antu ku maifyo yano yacisile lino upangano wankolelo waombanga.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

1 Petulo 3:9

Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

1 Yoane 4:10

Kuu kuli kutemwa kwakuti asi sweswe twatemwa Leza, lelo pano wene uwatutemilwe nga atuma Mwana wakwe kuti aye impolelwa ya pa maifyo itu.

1 Yoane 4:19

Swemo tukatemwa pano Leza uwatandike ukututemwa.

Umbwilo 3:19

Nkanenola nu kuvunuka yonsi yano natemwa. Lyene ikako mano nu kuzenzuka.