Loma 8:24 - Amazwi Yakwe Leza 2013

²⁴ Pano twatuulwa mu upaalilo. Lelo ndi tukulola cino tukupaalila, ale lyene usi upaalilo. Uzye pali umuntu angapaalila cino akulola?

Loma 8:24 ပူးပေါင်းရင်းမြစ်များ

Masamu 146:5

Alongo antu yano Leza wakwe Yakobo ali kazwa wao, yano yakapaalila muli Yawe Leza wao,

Masamu 33:18

Lelo Yawe akawaka yayo akamuyela, yayo ataila mu kutemwa kwakwe ukwa pe.

Masamu 33:22

Mwene, sangala sile ukutemwa kwako ukwa muyayaya kwalukuya sile naswe, ndi muno twatailila.

Mapinda 14:32

Umuntu mwipe uyi wakwe uli uno ukamuwisya, lelo wiyo akacita vyaololoke wene akazina mu vicitwa vyakwe ivisuma.

Yelemiya 17:7

“Lelo walongo awiyo uwataila mu Mwene Leza, wino Yawe waya utailo wakwe.

Zakaliya 9:12

Swililinimo mwe azya mwemuno mukalolela ukukululwa, swililini ku mwinu kwa kwikalilila umutende. Ilelo kwene namunena ukuti ndamulambula amaila yaili, pali vyonsi sile vino mwaculile.

Loma 12:12

Lekini upaalilo winu umuletele luzango. Tekini myenzo mu ntazi zinu, nga nu kupepa nsita zyonsi.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Loma 15:4

Vyonsi ivyalembwa mu malembelo vyalemvilwe ukutusambilizya, pakuti tuye nu upaalilo kupitila mu kutekeziwa nu kukomeleziwa kuno malembelo yakutupela.

Loma 4:18

Abulaamu wataile nu kupaalila kuti cilacitika nanti angala ataweni cino wapaalilanga. Acino wizile aya cikolwe ca antu amu nko zyonsi, wakwe vino calembwa mu malembelo cati, “Vizikulula vyako vilavula.”

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

Loma 8:20

Uumbo nanti wavulungana, lelo kusi ukulonda kwakweo kuti uvulungane. Leza wakasi kuti ciye vivyo mu

1 Kolinto 13:13

Pa ndakai kuli vintu vii vitatu, utailo, upaalilo nga nu kutemwa. Lelo pali vyotatu kutemwa ukukulu kuluta vyonsi.

2 Kolinto 4:18

Uli mulandu uno swemo tukaika mano pa vintu vino vikaloleka asi pa vintu vino visyaloleka. Vintu vino vikaloleka vyene visyaikalilila lelo vintu vino visyaloleka vyene ivya manda pe.

2 Kolinto 5:7

Lelo tukaikala umi wakutaila, usi uwa pali vino tukalola.

Galatiya 5:5

Lelo swemo, upaalilo witu uwakuti Leza alatucita kuya aololoke pa manso yakwe. Na cii, acino tukulolela nu kusininkizya mukuomba kwakwe Mupasi Wamuzilo mu utailo witu.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

Kolose 1:5

Utailo nu kutemwa vyoili vimikwa pali cino mukapaalila cino Leza wamusungila kwiyulu. Muvwile pa upaalilo lino Ilandwe lya cumi, Ilandwe Lisuma lyakosozilwe nkolelo kuno muli.

1 Tesalonika 5:8

Lelo swemo sweswe antu amu luswepo, nupya tutalinzile kukoleka. Tulinzile kukwata utailo nu kutemwa kuno kukoline wa cela ca kucingilila cisao. Alino upaalilo witu uwa kutuulwa nao ulinzile kukolana wa cimpompo.

2 Tesalonika 2:16

Mwene witu Yesu Klistu, na Leza Tata wino watutemwa, nupya mu cikuku cakwe watupeela ukomelezyo nu upaalilo,

Tito 3:7

Leza wacisile cii pakuti mu cikuku cakwe amuno tungacitwa kuya aololoke pa manso yakwe na kuti tukwate umi wape uno tukapaalila.

Ayebulai 11:1

Utailo ukapeela maka akuntatwisika vintu vino tukupaalila, nupya ukasininkizya vintu vino tusyalola.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

1 Yoane 3:3

Muntu ali wensi wino uwakwata upaalilo uu muli Klistu, ala wene akaikala mu muzilo ndi vino Klistu wikala.