Loma 8:17 - Amazwi Yakwe Leza 2013

¹⁷ Lyene pano twaya ana yakwe Leza tulapokelela upolelelo uno walaya antu yakwe nu kwiza pokelela pamwi na Klistu vino Leza wamuteyanyizizya. Pano ndi twakuma ku kucula pamwi na Klistu ale tulakumako nu kululumbi lwakwe kwene.

Loma 8:17 ပူးပေါင်းရင်းမြစ်များ

Mateo 16:24

Lyene Yesu anena alondezi yakwe ati, “Muntu umwi ndi akasi kundondela, aikanye, aisendele ulupanda nga andondele.

Mateo 25:21

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Luka 24:26

Uzye citalondekwanga ukuti Katuula uwalavilwe acule mu vintu vii nga alino aingile mu lulumbi lwakwe?”

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Milimo 20:32

“Lyene ndakai namwika mu makasa yakwe Leza, mwikale nu mwi Landwe lya cikuku cakwe, ilili nu kumukuula nu kumupeela upolelelo uno Leza wasungila antu yakwe onsi.

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Loma 5:17

Mu cumi kwifya kwa muntu wenga ukwalenga kuti maka ya mfwa yatandike kuteeka antu onsi. Lelo cino Yesu Klistu wacita cilusile pali cii. Antu yonsi akapokelela cikuku cikulu cuze cakwe Leza, nu kucitwa ukuya aololoke pa manso yakwe Leza yalaya nu umi nu kuteeka wa ene pamulandu wa muntu wenga Yesu Klistu.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

1 Kolinto 2:9

Lelo cili ndi vino calembwa mu malembelo cati, “Cintu cino umuntu ataweni nanti kuvwa, cintu cino umuntu atatazile aelenganye ukuti cingacitika, cili cintu cino Leza wateyanyizizya yao amutemwa.”

2 Kolinto 1:5

Wakwe vino twakumako ku macuzi aingi yakwe Klistu, vivyo kwene tukakumako ku kutekeziwa kukulu kuno Leza akatupeela kupitila muli Klistu.

2 Kolinto 1:7

Caleka upaalilo witu muno muli usi uwasilesile. Twamanya ukuti wakwe vino mukakumako ku macuzi itu, vivyo kwene mukakumako nu ku wazwilizyo kwene uno Leza akatupeela.

Galatiya 3:29

Ndi mwemwe yakwe Klistu, lyene ale mwemwe vizikulula vyakwe Abulaamu nga mulapelwa vino Leza walaya.

Galatiya 4:7

Caleka, utacili muzya lelo wewe mwana. Nga ndi wewe mwana wakwe Leza, ale wene alakupeela vyonsi vino walaya ana yakwe.

Efeso 3:6

Nkama ii, iyakuti Ilandwe Lisuma lyapali Klistu lyalenga kuti Akulukuwa yakume ku malayo yano Leza walavile Ayuda. Nupya Leza wazumilizye Akulukuwa kuya vilundwa vya mwili onga.

Filipi 1:29

nupya wene wamupeela isyuko lya kutumikila Klistu asi kukwata sile utailo munoli, lelo nu kumuculila.

Filipi 3:10

Cino nkulonda ukumanya Klistu na maka yano amulenzile kuzyukuka kufuma ku afwe. Nkulonda kukuma ku macuzi yakwe nga nu kufwa ndi vino wene wafwile.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

Tito 3:7

Leza wacisile cii pakuti mu cikuku cakwe amuno tungacitwa kuya aololoke pa manso yakwe na kuti tukwate umi wape uno tukapaalila.

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Ayebulai 1:2

Lelo mu manda yaa akusyalikizya wene wavwanga kunotuli mu Mwana wakwe. Muli wikwene amuno Leza waumvile uumbo onsi, nupya wene wamusolwile kuti aye umweneco wa vintu vyonsi.

Ayebulai 6:17

Nakuli yao ali nukupokelela vino Leza walavile, umwisikulu walondanga kulanga paswe ukuti atalatala asenule pange lyakwe. Caleka waomvizye mulapo pa kulaya.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

1 Petulo 1:4

Caleka tukulolela kupokelela ukama wa upolelelo uno Leza wasungila antu yakwe. Kupolelelwa kuu konsi kwasungwa na aliwe mwiyulu, nupya kutangaola nanti kononeka nanti kulowa.

1 Petulo 4:13

Lelo zangini pano mukukumako ku macuzi yakwe Klistu, kuti muce muye nu luzango cuze lino alaloleka mu lulumbi.

Umbwilo 21:7

Wino wensi alacimvya nemo ndaya Leza wakwe nawe alaya umwana wane.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.