Loma 8:1 - Amazwi Yakwe Leza 2013

¹ Ndakai pasi kuvunukwa kuli yano ailundanya kuli Klistu Yesu.

Loma 8:1 ပူးပေါင်းရင်းမြစ်များ

Ezaya 54:17

Kuu kuli kulanda kwakwe Yawe.

Ezekelo 18:9

Akalondela amasunde yane nu kuwaka vipope vyane, pakuti apite nu ufumacumi. Ala wiyo ali mulungami wampomvu, vii ivyalanda ne Yawe.

Yoane 14:20

Mu wanda ulya, mulamanya vino nemo na Tata twaya wenga, nga namwe kwene pamwi nani twaya wenga.

Yoane 15:4

Ikalini munondi nani munomuli. Musambo utangaseeka vizao onga ndi utailundinye ku mutingi. Mu musango uli onga namwe kwene mutangaseeka vizao suka ndi mwikala munondi.

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Loma 16:3

Natuma ulau kuli Pulisila na Akwila, aomvi yanji mu kutumikila Yesu Klistu.

Loma 16:7

Natuma ulau kuli Andolonika nga na Yuniasi, Ayuda yanji yano ali pamwi nani mu ng'anda yaminyololo. Yamanyikwa cuze mu atumwa, nupya yali ankolelo pali nene kuya aina Klistu.

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

Loma 5:16

Pali kupusana pa wila wakwe Leza ni iifyo lya muntu wenga. Pano iifyo lya muntu wenga lyalesile kuvunukwa kwa antu aingi. Lelo uwila wa luse lwakwe Leza waleta kwelelwa kwa maifyo yao aingi.

Loma 7:17

Acino asi nene nkucita vintu vii viipe, lelo iifyo lino likaikala munondi.

Loma 7:20

Acino ndi nkacita cino ntakasi kucita, asi nene nkacita, lelo iifyo lino likaikala munondi.

Loma 8:11

Ndi Mupasi wakwe Leza, wino uwazyukwile Yesu kufuma ku afwe, akaikala munomuli, ale Leza wino uwazyukwile Klistu kufuma ku afwe alapeela umi ku mili inu iikafwa.

Loma 8:14

Yano onsi akatungululwa na Mupasi Wamuzilo yene ana yakwe Leza.

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

Loma 8:34

Uzye lyene aweni angayavunuka? Vino Leza umwisikulu wati yasi na mulandu. Klistu Yesu wino uwafwile, nupya uwazyukwike kufuma ku mfwa, wino ndakai wikala kwi kasa lilunji lyakwe Leza, akutupapatila kunoli.

Loma 8:39

Kusi cintu icaya mwiyulu nanti pano pa nsi icingatupaatukanya ku kutemwa kwakwe Leza muli Klistu Yesu Mwene witu.

Loma 8:4

Leza wacisile cico pakuti vino Masunde yalondanga ukuti antu yacite vifikiliziwe ningo munotuli swe muno tusyalondela ivya untunze lelo tukatungululwa na Mupasi Wamuzilo.

Loma 8:9

Lelo musilondela vino mwili ukamunena kucita lelo mukalondela vino Mupasi Wamuzilo akamunena kucita pano Mupasi Wamuzilo akaikala munomuli. Lelo umuntu wino atakweti Mupasi wakwe Klistu, wene asi wakwe Klistu.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

1 Kolinto 15:22

Ndi vino Adamu walesile imfwa kunotuli swensi, avino Klistu nawe waleta umi kunotuli swensi.

2 Kolinto 12:2

Namanya muntu umwi umwina Klistu wino pa myaka ikumi na ini ino yapita wasenzilwe kupela kwi yulu lyalenga yatatu. Ntamanyile ndi wasenzilwe mu mwili nanti foo. Leza sile awino amanyile ningo.

2 Kolinto 5:17

Lino umuntu wailundanya kuli Klistu, wene akaya ciumbwa cipya. Vyampiti vyasila, vyonsi vikaya vipya.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Galatiya 3:26

Mwensi kwene mwemwe ana yakwe Leza pa kutaila muli Klistu Yesu.

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.

Galatiya 5:16

Nemo nkumunena ukuti, lekini Mupasi Wamuzilo atungulule umi winu, nga lyene mutalazanzya vilondwa vya untunze.

Galatiya 5:25

Mupasi Wamuzilo aliwe watupeela umi. Acino tulinzile kumuyela kuti atungulule umi witu.

Efeso 1:1

Kalata kufuma kuli ne Paulo, ne muno nasolwa kuti nje mutumwa wakwe Klistu Yesu. Ku antu yakwe Leza yonsi yao akaikala mu Efeso nupya alondezi ataila muli Klistu.

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.