Loma 7:7 - Amazwi Yakwe Leza 2013

⁷ Uzye lyene tumati kulondela Masunde yakwe Mose kuli kwifya? Awe, citangaya! Lelo kwene Masunde alenzile kuti imanye vino maifyo yaya. Pano Masunde yatakana kunena yati, “Utakumbwa ca muzo,” nga ntamanya na vino ulunkumbwa lwaya.

Loma 7:7 ပူးပေါင်းရင်းမြစ်များ

Utandiko 3:6

Caleka umwanaci alola usuma wa muti ni viseekwa vyakweo vino vyalolekanga nu mulyo. Alino aelenganya usuma wa kuya na mano. Lyene atoola iviseekwa vimwi alya, nga atoola iviseekwa vimwi apeela iya nga nawe kwene alya.

2 Samueli 11:2

Uwanda umwi ku manguzi, Davidi akatuka pa musanzi wakwe afuma akulyatoka apipaala li sano lyakwe. Lino ali apipaala, alola umwanaci akufulala. Umwanaci wilya wali umuyembe wakwe cimwi.

Masamu 119:96

Natinsambilila ukuti ivintu vyonsi vili ni mpelelekezyo, lelo amasunde yako yene yaya afumaluke.

Kufuma 20:17

“Utakumbwa ng'anda ya muzo. Utakumbwa umuci wa muzo, nanti muomvi wakwe umonsi, nanti muomvi wakwe umwanaci, nanti masaye wakwe, nanti punda wakwe, nanti icili consi cino wakwata.”

Mika 2:2

Yene yakakumbwa ivyalo nga yavipokolola. Lino yakwata ulwiswa lwa ng'anda, iyaipoka. Kusi umuntu na ang'anda yakwe nanti vino yakwata ivyacingililwa.

Mateo 5:28

Lelo nemo namunena nati wino wensi uwalolekesya umwanaci nu kumukumbwa, wene ala walongozya nawe mu mwenzo.

Luka 12:15

Lyene watwalilile kuvwanga kuli onsi ati, “Mucenjele nu kuicingilila ku lwiswa lonsi. Pano umi wa muntu utaya mu wingi wa vintu vino wakwata, usi mulandu nanti angaya ni vyuma vingi.”

Luka 20:16

Aliza akome alimi yao, nu kupeela icalo ca matingi ku alimi yauze.” Lino antu yuvwile cii, yavwanga yati, “Citanga ciye vii awe!”

Milimo 20:33

Ntakumbwike impiya nanti vyakuzwala vya muntu ali wensi.

Loma 13:9

Pano mwaya Masunde wakwe yaa, “Utalongozya, utakoma, utaiya, utakumbwa vya muzo.” Masunde yaa yonsi pamwi nayauze asyala, yonsi yasintilila mwi sunde lyonga likati, “uwatemwa umuzo ndi vino waitemwa.”

Loma 3:20

Pano kusi umuntu nanti wenga wino angaya mololoke pa manso yakwe Leza pa kuyela sile Masunde. Mulimo wa Masunde ukulanga vino umuntu wifya.

Loma 3:5

Ndi twacita viipe ala cikulanga ukuti Leza wene mololoke, uzye lyene tungati uli? Uzye tungati Leza asyalungika lilyo lino akatuvunuka? Nkulanda ndi vino antu yakalanda

Loma 4:1

Uzye lyene tumati uli pali Abulaamu cikolwe citu? Uzye wazanyile cani pa lwakwe?

Loma 4:15

Kuntayela Masunde kukaleta ukali wakwe Leza! Lelo ukusi Masunde kutangaya kuntayela.

Loma 5:20

Masunde yapilwe pakuti antu yalole kuvula kwa maifyo. Lelo kuno maifyo yavula, cikuku cakwe Leza cavulilako kuluta.

Loma 6:15

Uzye lyene icani? Uzye twaifya, pamulandu wakuti tukateekwa ni cikuku cakwe Leza, nga tusyateekwa na masunde? Citangaya vivyo!

Loma 7:11

Pano iifyo lyazanyile apa kwingilila, nga linsomba nu kunkoma.

Loma 7:13

Uzye lyene cii cikusenula ukuti icintu cisuma icandenga kuya mufwe? Awe, asi vivyo! Lelo iifyo ilyacisile vii. Pa kuomvya icintu cisuma, iifyo lyandetela imfwa pakuti mucumi umwata wakwelyo uwa kwifya usokololwe. Acino kupitila mu Masunde, iifyo likaloleka kuya lipisye.

Loma 7:5

Pano lino twikalanga mu untunze, Masunde yakatwisye vilondwa vya mili itu viipe nu kuleta imfwa.

Loma 7:8

Lelo kupitila mwi sunde kwene lii amuno iifyo lyazana umweko nu kukatusya ulunkumbwa lwa misango yonsi munondi. Pano kwaula Masunde, ale ni iifyo kwene litangacita cimwi.

1 Kolinto 15:56

Luoya lwa mfwa iifyo, na maka yi iifyo Masunde.

Efeso 5:3

Mwemwe antu yakwe Leza. Acino ulenzyo nanti vya winyi nanti lwiswa vitatakwa munomuli.

Malango 5:21

“‘Utakumbwa umuci wa muzo. Utakumbwa ng'anda nanti mpanga ya muzo, nanti umuomvi wakwe umonsi, nanti umuomvi wakwe umwanaci, masaye wakwe nanti punda wakwe, nanti icili consi cino wakwata.’

Kolose 3:5

Mutaleka mili inu yamutungulula. Mulinzile kukoma vilondwa viipe vya mwili vino vikuomba munomuli, wakwe vii, kulongozya, vya winyi, nsuna, cipyu, lwiswa (pano lwiswa u musango wa upefi wa tuluwi.)

1 Tesalonika 4:5

Mutaya azya ku mbunu zinu nanti kwikala wa antu atataila.

Ayebulai 7:19

Pano Masunde yakwe Mose yatalenzile muntu kuya mufumaluke. Ndakai twapelwa upaalilo usuma cuze nupya wene ungatupalamika kuli Leza.

Yoswa 7:21

Pali vino twasamfile naweni ikoti ilisuma sana ilyaku Babiloni, na siluva angalingana impiya zya masyekele amakilogalamu yaili, ni ciulungwa cakwe zaabu icinyome ukucizya pali citika wakwe kilogalamu. Nakumvilwe ivintu vii nu kuvitola. Vyonsi vii mumavizana umwi taalu lyane amuno navifisa, kumwi na siluva umwisika lyaviko.”