Loma 7:24 - Amazwi Yakwe Leza 2013

²⁴ Owee! Ne mulanda! Uzye aweni amankulula ku mwili uno ukuntwala ku mfwa?

Loma 7:24 ပူးပေါင်းရင်းမြစ်များ

1 Yamwene 8:38

wemo uwauvwa amapepo yao nu kuyazwa. Ndi cakuti umuntu wako umwi umwina Izlaeli wazenzuka nu mwenzo wakwe onsi, icakuti pakupepa wakatusya amakasa yakwe umupela, walozya uku Ng'anda ikulu ii,

Masamu 102:20

apa kuvwa vino azya yakuteta, na pakutuula yayo yano walanga yapingwilwa ukufwa.

Masamu 119:131

Umukulukisya amalamulo yako, nemo naasama akanwa nu kwasela.

Masamu 119:143

Ucuzi nukunyongoloka vyati vindema ivintitikizya, lelo amasunde yako yakundetela uluzango

Masamu 119:176

Inkululumba wa mfwele iponge, lelo ndanga undondole ne muzya wako, pano nemo ntapumbuka umu masunde yako.

Masamu 119:20

Umwenzo wane lyene ukukafila, pamulandu waciluka ca upinguzi wako.

Masamu 38:2

Pano inceto zyako zyati zindasola. Watumfwanta na pansi.

Masamu 6:6

Ukuteta kwati kuntonsya. Cila usiku nkulukusya sile aminsozi suka umusanzi wane iutipata na minsozi.

Masamu 71:11

Yene yakati, “Leza watamutazyela, katukalaufye uleke tumuleme, pano kusi nanti wenga uwakuti amupokolole kweneko!”

Masamu 72:12

Ali wino amapokololanga antu aulilwa akupunda iyati, “Tutuulwe!” Ukwika penepo na alanda, atakwata akuyasunga.

Masamu 88:5

Yatiyansya nenga umu afwe. Indi wakwe yano yakoma, alaala umu malindi yao, yano wemo wililila, yano watazyela.

Ezekelo 9:4

nga amunena ati, “Yanga kapitane mu musumba onsi wa Yelusalemu, uye ukalembe icimanyililo pa mausyu ya antu yonsi aakuteta nu kulila pamulandu wa vintu vyawinyi vii vyonsi ivikucitika mu musumba uu.”

Mika 7:19

Nupya kwene ulaya ni nkunkunsi kunotuli. Ulalyatola amaifyo itu, nu kuvwintila ukakasi witu mu maziya pali yemba.

Mateo 5:4

Alongo antu yano yakauvwa ulanda. Pano Leza alayasansamusya.

Mateo 5:6

Alongo antu yano yakalondesya kucita ivyawololoke vyakwe Leza ni myenzo yao yonsi. Pano Leza alayapeela vyonsi vino yakulonda.

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Loma 6:6

Twamanya vino untu witu wa mpiti watanyilwe pamwi na Klistu pa lupanda, kuti myenzo ya ukakasi ifumiwepo, nu kuti maifyo yatatuteeka uzya.

Loma 8:13

Pano ndi mukwikala mu untunze, mulafwa. Lelo ndi mwacimvya vilondwa vya mili inu, ku maka yakwe Mupasi Wamuzilo, ale lyene mulaya nu umi.

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

Loma 8:23

Lelo usi uumbo utupu ukateta. Naswe kwene swe muno twapokelela uwila wa Mupasi Wamuzilo uno Leza watalike ukutupela uwa pa mawila yakwe, tukateta cimyamya, ala tukulolela Leza ukutucita ana yakwe nu kukulula mili itu.

Loma 8:26

Mu musango uli onga kwene Mupasi Wamuzilo nawe akatwazwa, swe muno tuli atonte. Pano tutamanyile vino tulinzile kupepa. Lelo Mupasi Wamuzilo umwisikulu akatupapatila kuli Leza mu musango uno utangalondololwa.

Kolose 2:11

Muli aliwe mwaya kwati mwasilamulwa kusi kusilamulwa, kwa untu, lelo kuzula mikalile iipe kuli kusilamulwa kuno Klistu akacita.

2 Timoti 4:18

Mwene alankulula ku viipe vyonsi nga nu kunsenda mu Wene wakwe uwa mwiyulu. Aliwe kwene apelwe lulumbi manda pe! Ameni.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 2:15

Lyene mu musango uu, amuno yayo yano umi wao wayateeka uzya pamulandu wa koopa imfwa, yaye antungwa.

Umbwilo 21:4

Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vyampiti vyati vipita.”