Loma 7:23 - Amazwi Yakwe Leza 2013

²³ Lelo mu mwili wane mwene nkazana sunde lyuze ilikalwisya sunde lino melenganyo yane yakazumilizya. Isunde lii ilikantwala ku kwifya linteeka uzya kwi iifyo ilikuomba munondi.

Loma 7:23 ပူးပေါင်းရင်းမြစ်များ

Masamu 142:7

Sisya umwenzo wane umu munyololo, apakuti ntaizye izina lyako nupya, umwi uvi lyakwe yakacita ya vyaololoke, apamulandu wa visuma vino wancitila.”

Kasambilizya 7:20

Cumi cumi, mu nsi ii mutaya umuntu nanti umwi akacita vyaololoke lyonsi, nupya kutaya nanti umwi asitala aluvyanya.

Loma 6:13

Mutapela vilundwa vya mili inu ku maka yi ifyo, kuti viye viombelo vya kucitilako ukakasi. Lelo muipele kuli Leza, wa antu yano azyukulwa kufuma ku afwe nu kuya nu umi. Mupele vilundwa vyonsi vya mili inu kuli Leza, kuti viye viombelo vya kucita vyawololoke.

Loma 6:19

Nkuomvya cilangililo ca uzya lino nkulanda kunomuli kuti muvwikisye vintu vii. Apa nsita imwi mwaipelisye ku kuya azya amicitile ikowele nga nu ukakasi pamulandu wa melenganyo inu aukakasi. Vivyo kwene, ndakai muipelesye ku kuya azya akacita vyawololoke pakuti mwatumikila Leza mu vyamuzilo.

Loma 7:14

Twamanya vino Masunde yakwe Mose yapilwe na Leza, lelo nemo nene muntu ukufwa, nasumbwa ukuya muzya wa maifyo.

Loma 7:21

Acino Masunde yakandanga kuomba ukuti, lyonsi lino nkalonda kucita cisuma, icikacitika cakuti iciipe acino nkasolapo kucita.

Loma 7:25

Nkataizya Leza wino akacita cii muli Yesu Klistu Mwene witu! Avino canzana nene ne muntu ali umwi nkayela Masunde yakwe Leza mu mwenzo wane nanti angala mu untunze wane nkayela sunde li iifyo.

Loma 7:5

Pano lino twikalanga mu untunze, Masunde yakatwisye vilondwa vya mili itu viipe nu kuleta imfwa.

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

Galatiya 5:17

Pano vintu vino untunze witu ukalonda vyapusana na vino Mupasi Wamuzilo akalonda, nga ni vintu vino Mupasi Wamuzilo akalonda navyo vyapusana na vino untunze ukalonda. Vii vyoili vyaya pa wanisi na cii cikusenula ukuti mutangacita vino mukasi kucita.

Ayebulai 12:4

Pano mukulwisya maifyo lelo mwemo mutacili mulwisye kufika ku musinku wa kukomwa.

Yakobo 3:2

Lili lingi swensi kwene tukaluvyanya. Lelo ndi cakuti muntu umwi asyaluvyanya mu mazwi yano akalanda, ala umuntu wiyo umufumaluke nupya wene ali na maka akukanya mwili wakwe onsi.

Yakobo 4:1

Uzye pacani mukalwisyanya nu kupazyanya? Uzye asi pamulandu wakuti mukweti vilondwa vyakuitemwa vino vikalwisya kutungulula mili inu?

1 Petulo 2:11

Mwe yacuza yane, mwemwe enyi nupya mbutusi muno nsi. Acino nkumupapata kuti mutalondela nsuna zya mili, zino lyonsi zikalwisyanya nu mupasi winu.