Loma 7:22 - Amazwi Yakwe Leza 2013

²² Kwene mwenzo wane onsi ukazumilizya Masunde yakwe Leza.

Loma 7:22 ပူးပေါင်းရင်းမြစ်များ

Yobo 23:12

Nemo lyonsi nkawaka amasunde yakwe yano akanena. Vino akalonda ali vino nkacita. Asi vino nemweneco njitemilwe.

Masamu 1:2

Lelo wene akazangila mu kuyela amazwi yakwe Yawe, nu kuyelenganya usiku nu musanya.

Masamu 119:111

Amalamulo yako ali vyuma vyane ivyakuyelelela. Ali luzango lwa mwenzo wane.

Masamu 119:113

Napata yayo andimi ziili kunuli, lelo natemwa amasunde inu.

Masamu 119:127

Ala natemwa amalamulo yako ukuluta Zaabu, ukuluta Zaabu wiya kwene umusuma cuze.

Masamu 119:16

Ivyeo vyako vikasansamusya, insiilila amazwi yako.

Masamu 119:167

Nkayela amasambilizyo yako, pano nayatemwa wakwe cimwi.

Masamu 119:174

Silola vino nkulukisya ufyusi wako, we Yawe! Nkazana uluzango umu masunde yako.

Masamu 119:24

Vyeo vyako vikansansamusya, vili vino vikampanzya amano.

Masamu 119:35

Umpeele ukuyela nu kuwaka amasunde yako, pano nemo ndazana uluzango.

Masamu 119:72

Amasunde yano wampile yaluta icuma icivule cakwe siluva na zaabu.

Masamu 119:92

Iciya cakuti amasunde yako yasi akunzanzya, ngano nafwa mpiti uku macuzi yane.

Masamu 40:8

Ala nemo pasi pakutemwa ukucita vino wemo ukalonda, we Leza wane! Endi amasunde yako, nemo nkayawaka umu mwenzo wane.”

Lwimbo lwakwe Solomoni 5:3

Nemo ninzula ivizwalo, uzye nzwale nupya? Nimfulala ingazo zyane, pacani cino ningazifisya nupya?

Ezaya 51:7

“Uvwini kunondi mwe muno mwamanya ulungami, mwemuno mukawaka Isunde lyane umu myenzo inu. Mutezya mwaoopa umusaalula wa antu, mutasakamala nu ku ntusi zyao.

Aina Levi 13:39

simapepo alinzile kuceceta umuntu wiyo. Ndi cakuti indwala iyo yakwe cisongo ikuloleka iiutuluke, ale acisongo sile watamufukuka pa nkanda. Muntu wiyo muswepe.

Yoane 4:34

Yesu nawe ayanena ati, “Cakulya cane, ukucita ukulonda kwakwe wino uwantumile, nu kumalila milimo yakwe ino wampeela kuti ncite.

Loma 2:29

Lelo Muyuda inkonko umuntu uwaya Muyuda mu mwenzo wakwe, wino mwenzo wakwe wasilamulwa. Kuu, kuli kuomba kwakwe Mupasi Wamuzilo, asi kuomba kwa Masunde yano yalembwa. Umuntu wa musango uu, asi antu akamutasya, lelo Leza akamutasya.

Loma 8:7

Pano umuntu akaya umwanisi wakwe Leza ndi akutungululwa ni vilondwa vya mwili wakwe, pano wene asyayela Masunde yakwe Leza, nupya atangayela.

2 Kolinto 4:16

Swemo tusyanenuka. Mili itu ikucucuka, lelo sweisikulu tukukomeleziwa mu myenzo cila wanda.

Efeso 3:16

Nkalenga ukuti Leza, kulingana nu kucindama kwa ukama wa cikuku cakwe, amukomye na Mupasi wakwe kuti muye akomeleke mu myenzo.

Kolose 3:9

Mutatumpokana pano mwemo mwafumako ku umi wa mpiti ni micitile yakweo yonsi,

Ayebulai 8:10

Lelo Mwene witu akuti, uu upangano uno ndacita na ina Izlaeli mu manda akwiza. Ndalemba masunde yane muli yakampingu yao nu mu myenzo yao. Ndaya Leza wao, nao yalaya antu yane.

1 Petulo 3:4

Lelo kuyemba kwinu kulinzile kuya ukwa mukasi kinu, ukwa kukwata myenzo ifuke nupya itekele manda pe. Pa manso yakwe Leza cii icili campomvu kuluta.