Loma 7:15 - Amazwi Yakwe Leza 2013

¹⁵ Na cino nkacita ntacimanya ningo pano nsicita cino nkasi kucita, lelo cino napata acino incita.

Loma 7:15 ပူးပေါင်းရင်းမြစ်များ

1 Yamwene 8:46

“Ndi cakuti yiifya kunuli, pano kutaya umuntu nanti wenga wino asitala aifya, nga alino nawe wayasokela nu kuyatazyela, nga na anisi yao yayacimvya yayasenda nu ku uzya ku mpanga yuze, nanti kungala kutalimpe uli,

Masamu 1:6

Pano Yawe wasakamala antu akacita vyaololoke, lelo yakaifya yene yalalowelela sile.

Masamu 101:3

Intalatala indolekesye apa viipe. Nemo napata ivicitwa vya antu akakusangukila we Leza, nsivisumbako namano foo.

Masamu 119:104

Inkalonka amano ukufuma uku masunde yako, ali cino fwandi napata ni misango iipe yonsi.

Masamu 119:113

Napata yayo andimi ziili kunuli, lelo natemwa amasunde inu.

Masamu 119:128

Acino pamulandu wakuti nkalondela amasambilizyo yako yonsi, nemo napata imisango iipe yonsi.

Masamu 119:163

Napata nu kusoka intumpu, lelo natemwa amasunde yako.

Masamu 119:32

Ndasimwilila uku kuyela amalamulo yako, pano ulampeelela kweneko ukwiluka.

Masamu 119:40

Nkulonda ukuyela amasunde yako, umpeele umi upya pano wewe mulungami.

Masamu 19:12

Kusi umwi angailolela ukuluvyanya kwakwe. Fwandi ungala umfule uyi wane uno wafisama!

Masamu 36:4

Lino aizi pa musanzi wakwe, ala akwelenganya sile inzila zya lufyengo zitupu. Imisango yakwe isi yampomvu. Wene asifuntuka ku uyi nanti lyonga.

Masamu 65:3

Apa mulandu wa kwifya kwitu nanti tungifya uli, wemo ukatwelela apa kuluvyanya kwitu.

Masamu 97:10

Yawe watemwa antu yano yapata iviipe, akasungilila imyenzo ya antu yakwe, nu kuyapususya umu minwe ya aipe.

Mapinda 13:5

Uwatemwa Leza wapata ufi, lelo ivicitwa vyakwe kaifya ivyawinyi ni nsonyi.

Mapinda 8:13

Icoopo kuli Yawe kuli kupata uyi. Napata icilumba, imitumfyo, imiyele iipe ni ntumpu.

Kasambilizya 7:20

Cumi cumi, mu nsi ii mutaya umuntu nanti umwi akacita vyaololoke lyonsi, nupya kutaya nanti umwi asitala aluvyanya.

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.

Naumi 1:7

Yawe umusuma, wene akacingilila antu yakwe mu nsita ya ntazi. Aliwe akawaka yao amutaila.

Luka 11:48

Mwemwe yakambone, nupya mwasininkizya vino vikolwe vinu vyacisile, pano vyakomile yakasema. Lyene namwe muyakuulila vipilala vya pa malindi.

Yoane 15:15

Ntalamwama wa yaomvi nupya pano muomvi asimanya cino mwene wakwe akucita. Lelo nkamwama yacuza, pano nati munena vintu vyonsi vino nuvwile kuli Tata.

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Loma 14:22

Leka vino wataila pali cii, viye sile pakasi kako na Leza. Walongo umuntu wino asyailola kuya uwa mulandu lino akucita cimwi cino waipingula ukuti icisuma!

Loma 7:16

Lino nacita cino ntali nkasi kucita, ala cii cikulanga kuti nkazumilizya vino Masunde asuma.

Galatiya 5:17

Pano vintu vino untunze witu ukalonda vyapusana na vino Mupasi Wamuzilo akalonda, nga ni vintu vino Mupasi Wamuzilo akalonda navyo vyapusana na vino untunze ukalonda. Vii vyoili vyaya pa wanisi na cii cikusenula ukuti mutangacita vino mukasi kucita.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

Ayebulai 1:9

Wemo watemwa ulungami wapata lufyengo. Caleka Leza, Leza wako, watakupaka na mafuta ya kuzanga kuluta auzo.”

Yakobo 3:2

Lili lingi swensi kwene tukaluvyanya. Lelo ndi cakuti muntu umwi asyaluvyanya mu mazwi yano akalanda, ala umuntu wiyo umufumaluke nupya wene ali na maka akukanya mwili wakwe onsi.

Yuda 1:23

Tuulini nu kusompola yamwi yataponela mu moto. Na kuli yamwi Muye na mizu nga ni ntetepo. Lelo sokini miyele yao ni vizwalo vyao kwene ivyakoweziwa ni vya lunkumbwa lwao lwipe.