Loma 7:14 - Amazwi Yakwe Leza 2013

¹⁴ Twamanya vino Masunde yakwe Mose yapilwe na Leza, lelo nemo nene muntu ukufwa, nasumbwa ukuya muzya wa maifyo.

Loma 7:14 ပူးပေါင်းရင်းမြစ်များ

Utandiko 37:27

Lekini tumukazye ku ina Isumeli. Wi umwina witu nupya uwazi witu. Acino tutamukoma.” Aina yakwe yazumila.

Utandiko 37:36

Insita iyo, mu Eguputo aina Midyani yalanga yakazya Yosefu kuli Potifa, wenga wamuli yacilolo yakwe Falao. Potifa wali intunguluzi yakwe yakalolela ya kwisano kwakwe Falao.

Utandiko 40:15

Pasi pano nemo yansenzile ku maka ukufuma ku mpanga ya Ayebulai, na munondi kwene nemo ntacita umwi mulandu awe uwakulenga kuti yanyepe.”

1 Yamwene 21:20

Lino Aabu walola Eliya, avwanga ati, “Uzye wanzanikizya we mwanisi wane we?” Eliya aasuka ati, “Ee, natinkuzanikizya, watuyelezya sana ukucita vya winyi pa manso yakwe Yawe.

1 Yamwene 21:25

(Kutatazile kuya umuntu nanti wenga uwayembwike pa manso yakwe Yawe umu kucita ivintu viipe kuluta pali Aabu, pano wene watunkwangwa na Yezebele, umuci wakwe.

2 Yamwene 17:17

Yocanga wa mpolelwa ana yao aonsi na akazyana ku mileza yankandawa. Yasapolanga nu kupendola kuli yakalola na yakamucape. Alino yaipelesyanga wensi pyu, umu kucita iviipe pa manso yakwe Yawe, iyamulenga ukusoka.

Yobo 42:6

Ali cino fwandi nawezya umuvwango wane onsi. Naiswela ulukungu ni itwi, apakulanga ndi vino lyene nazenzuka.”

Masamu 119:25

Umwenzo wane walematila uku lukungu. Kanzula umwenzo wane ndi muno wavwangile.

Masamu 51:6

Pamulandu wakuti watemwisya ulungi uwamu mwenzo, sokolola kunondi uwile wamano yako.

Kufuma 22:3

Lelo ndi cacitika musanya, umuntu wiyo angapeelwa mulandu wakutala katwe. “Icumi kwene umwivi alinzile alipile pali cino wiya. Lelo ndi cakuti atakweti icakulipa, lyene yalinzile kumukazya kuti alipile pali vino wiya.

Mapinda 30:2

Endi, nemo ntakweti amano ukuluta antu yonsi. Nemo insi na mano wa antu yanji.

Mapinda 30:5

Amazwi yonsi yakwe Leza acumi. Wene ali cisyangu, cakucingilila yao akuzina munoli.

Ezaya 50:1

Yawe wavwanga wati, “Uzye kalata wakutaana wino natelilepo mayo winu ali kwi? Nanti uzye akuli weni uwankongwesizye, kuno nakazizye mwemwe? Awe, mwemo yamukazizye uku uzya pamulandu wa maifyo inu, nga nyoko nawe yamusenzile pamulandu wa nkota zinu.

Ezaya 52:3

Yawe Simwandalali akuti, “Mwemuno yamukazizye ukwaula umuzano mulakululwa sile ukwaula kusumbapo ulupiya.

Ezaya 6:5

Nga alino nani ne Ezaya imvwanga inti, “Kalanda kunondi! Awe icumi ilelo lyene ali mpela yane! Pano kwene amazwi yonsi yano nkalanda yangaya aipe, nupya nikala na antu ya mazwi akanyengula umwenzo. Ilelo lyene casila nafwa, pano lyene nailolela na manso yane Yawe Wamaka yonsi.”

Aina Levi 13:12

Ndi cakuti indwala yalimba inkanda umwili onsi, ukufuma ku mutwe kufika nu kutukando,

Aina Levi 13:16

Lelo lino icilonda capola, caya icitiswe nupya, mulwale wiyo alinzile ukuya kuli simapepo nupya.

Aina Levi 19:18

Utalandula uyi wa muntu umwi nanti kutwalilila kupata umuntu umwi. Lelo uwatemwa muzo ndi vino waitemwa. Nene indi Yawe.

Amosi 2:6

Yawe wavwanga wati, “Pamulandu wakuti antu aku Izlaeli yakutwalilila ukwifya, nemo ntalaposiwa ukuyavunuka. Yene yakakauzya antu aololoke nu lupiya lwakwe siluva, iyakazya na antu apina uku kukauzya ni ndyatu.

Mateo 16:23

Lelo Yesu aseleuka, asinkola Petulo ati, “Fuma pano, Ciwa! Kunondi ukoline wa cisiki mu nzila, pano amelenganyo yako yatafumile kuli Leza, lelo auntunze.”

Mateo 18:25

Pamulandu wakuti muomvi atakweti cakuti alipe, mwene apeela ilamulo kuti yamukazye. Alino yakazye umuci, ana nga na vyonsi vino wakwata pakuti alipe impiya zyonsi zino wakofile.

Mateo 5:22

Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

Mateo 5:28

Lelo nemo namunena nati wino wensi uwalolekesya umwanaci nu kumukumbwa, wene ala walongozya nawe mu mwenzo.

Luka 5:8

Lino Simoni walola cati cicitika, afukama pa ngazo zyakwe Yesu amunena ati, “Ntaluke, Mwene, pano nene mwipe.”

Luka 7:6

Lyene Yesu apita nao. Lino wali pipi ni ng'anda, musika atuma yacuza yakwe ku kumunena ati, “Mwene, utaicuzya, pano nemo ntalinzile kuti wize mu ng'anda yane.

Loma 3:9

Uzye lyene caya uli? Uzye swe Ayuda twaluta antu yauze? Awe cisi vivyo! Twati tulondolola mpiti ukuti Ayuda pamwi na Akulukuwa yonsi kwene yatekwa uzya na maifyo.

Loma 6:6

Twamanya vino untu witu wa mpiti watanyilwe pamwi na Klistu pa lupanda, kuti myenzo ya ukakasi ifumiwepo, nu kuti maifyo yatatuteeka uzya.

Loma 7:18

Namanya na vino usuma utaya munondi, kuli kuti mu untunze wane. Pano nanti angala nkulonda kucita cisuma, nkaposiwa kucicita.

Galatiya 4:3

Vii, avino cali na kuli sweswe. Twali wa ana atungululwanga na masambilizyo ya ntambi zya nsi.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Malango 6:5

Uwatemwa Yawe umwene Leza wako nu mwenzo wako onsi, nu umi wako onsi, na maka yako yonsi.

Ayebulai 4:12

Izwi lyakwe Leza ilya umi nupya likuomba. Lyene lyakalipa kuluta lupanga luno lwanyolwa konsi koili. Lyene likaputula nu kupenka monsi, kufika pano umi nu mupasi vyakomana, na muno yanamfyumfyu ni mimfyompo vyakomana lyene likapingula vilondwa, nu kwelenganya kwa mu mwenzo wa muntu.