Loma 6:4 - Amazwi Yakwe Leza 2013

⁴ Caleka lino twawatiziwe, cali ungati twafwa nu kuzikwa pamwi na Klistu, pakuti, ndi vino Klistu wazyukwilwe kufuma ku afwe mu maka yalulumbi yakwe Isi, avino naswe kwene tulinzile kuya nu umi upya.

Loma 6:4 ပူးပေါင်းရင်းမြစ်များ

Yoane 11:40

Yesu amuuzya ati, “Uzye ntakunenyile vino ndi wataila umalola lulumbi lwakwe Leza?”

Yoane 2:11

Yesu wacisile cilangililo cii cakutandika mu Kana, muzi uwaku Galile. Muli cii amuno wasokolwile lulumbi lwakwe, nga na alondezi yakwe yataile munoli.

Milimo 2:24

Lelo Leza wamusapwile ku kuwaika kwa mfwa, wamuzyukwile kufuma ku afwe, pano imfwa yaposiwe kumucimvya.

Milimo 2:32

Lelo Leza wazyukwile Yesu kufuma ku afwe, naswe sweswe yakambone ya vintu vii.

Loma 6:19

Nkuomvya cilangililo ca uzya lino nkulanda kunomuli kuti muvwikisye vintu vii. Apa nsita imwi mwaipelisye ku kuya azya amicitile ikowele nga nu ukakasi pamulandu wa melenganyo inu aukakasi. Vivyo kwene, ndakai muipelesye ku kuya azya akacita vyawololoke pakuti mwatumikila Leza mu vyamuzilo.

Loma 6:3

Na limwi mutamanyile vino swe muno twawatiziwa muli Klistu Yesu, twawatiziwa nu mu mfwa yakwe kwene?

Loma 6:8

Lelo ndi twafwa pamwi na Klistu tukutaila vino tulaya aumi pamwi nawe.

Loma 6:9

Pano tumanyile vino Klistu wene wazyukwilwe kufuma ku afwe, nga atalafwa nupya. Imfwa itacili na maka panoli.

Loma 7:6

Lelo pali ndakai, sweswe antungwa kufuma ku kuteekwa na Masunde, pamulandu wakuti tukoline wa afwe kuli cino icatutesile uzya. Lyene tusyakutumikila Leza mu musango wakulondela Masunde, lelo mu musango upya wakulondela Mupasi Wamuzilo.

Loma 8:11

Ndi Mupasi wakwe Leza, wino uwazyukwile Yesu kufuma ku afwe, akaikala munomuli, ale Leza wino uwazyukwile Klistu kufuma ku afwe alapeela umi ku mili inu iikafwa.

1 Kolinto 6:14

Leza wazyukwile Mwene kufuma ku afwe, nga naswe kwene alatuzyukula kupitila mu maka yakwe.

2 Kolinto 13:4

Nanti angala wali umutonte lino yamutanyile pa lupanda, ndakai ali nu umi kupitila mu maka yakwe Leza. Swemo tuli atonte ndi vino Klistu wali. Lelo mulalola ukuti swemo tulaya nu umi kupitila mu maka yakwe Leza, ndi vino Klistu ali.

2 Kolinto 5:17

Lino umuntu wailundanya kuli Klistu, wene akaya ciumbwa cipya. Vyampiti vyasila, vyonsi vikaya vipya.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

Efeso 5:8

Mpiti mwali wa antu akaikala mu mfinzi, lelo ndakai mwemwe antu amu luswepo pano mwemwe antu ya Mwene. Acino mwacita vintu wa antu amu luswepo

Kolose 3:10

nupya mwati mwingila mu umi upya. Ndakai mukulunduluka mu kulolana na kaumba winu pakuti mumumanyikisye ningo mu ufumaluke.

Kolose 4:1

Mwe yasambazi, mutaya nu lufyengo ku yaomvi inu nupya muye acumi kunoyali. Mutailila ukuti namwe kwene mukweti musambazi mwiyulu.

1 Petulo 3:21

Manzi yaya yali icilangililo casontelelanga ku luwatizyo luno lukumutuula ndakai. Lwene lusi wa kufulwa kwa mwili, lelo kupapatila Leza kuti yakampingu itu yaswefiwe kupitila mu kuzyukuka kwakwe Yesu Klistu kufuma ku afwe.

1 Yoane 2:6

Wino wensi akalanda ukuti wikala muli Leza wene alinzile kucita vino Klistu wacitanga.