Loma 6:13 - Amazwi Yakwe Leza 2013

¹³ Mutapela vilundwa vya mili inu ku maka yi ifyo, kuti viye viombelo vya kucitilako ukakasi. Lelo muipele kuli Leza, wa antu yano azyukulwa kufuma ku afwe nu kuya nu umi. Mupele vilundwa vyonsi vya mili inu kuli Leza, kuti viye viombelo vya kucita vyawololoke.

Loma 6:13 ပူးပေါင်းရင်းမြစ်များ

2 Milandu 30:8

Ali cino fwandi namwe mutakwata imyenzo ino yaso yakweti. Mwemo mule mucimbe sile kuli Yawe. Izini tulumbanye Yawe uku ncende yamuzilo ino yazilizya calimwi nu kuipolelela. Mutumikile Yawe Leza winu nawe alafuntusya ukali ni cipyu cakwe kuno muli.

Masamu 37:30

Amazwi ya muntu musuma yakavwanga ivyamano, ni vikafuma pa lulimi lwakwe vikaya ivilungame.

Mapinda 12:18

Akacincila ukuvwanga, ivivwangwa vyakwe vikatota wa mupeni. Lelo amazwi ya muntu wa mano yali wa mulembo ku antu avule.

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Ezekelo 18:4

Pano umupasi wa mukwasi, cisi mulandu ndu monsi nanti umwanaci, yonsi iyakwane. Umuntu akaifya aliwe alafwa.

Danieli 3:28

Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.

Luka 15:24

Pano umwanane wii wafwile, lelo nupya ali nu umi. Waponzile, lelo ndakai watalondoka.’ Lyene yatandika kuzanga.

Luka 15:32

Cati cizipa kuti tuzevye nu kuzanga, pano munyonko wafwile, lelo nupya ali nu umi. Waponzile, lelo ndakai watalondoka.’”

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Loma 1:29

Myenzo yao yazulamo uyi wa misango yonsi wakwe vii, ukakasi, kuitemwa, lupato, uzuwa, utazi wa katwe, lwete, ufi, lufyengo, lwambo,

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Loma 6:11

Mu musango uli onga kwene namwe muipende kuya wa antu afwe, ku maka yano maifyo yakwata, lelo muye aumi mu utandano na Leza muli Yesu Klistu.

Loma 6:16

Na limwi mutamanyile vino ndi mwaipela mweisikulu kuya azya yakuyela umuntu umwi, ala mu cumi mwemwe azya yakwe wino mukayela. Acino ndi mwaipela ku maifyo ale mumaya azya ya maifyo, na maifyo yakaleta imfwa. Ndi mwaipela ku kuyela Leza, ale kuyela kwinu kumamulenga mwikale umi wakucita vyawololoke pa manso yakwe.

Loma 6:19

Nkuomvya cilangililo ca uzya lino nkulanda kunomuli kuti muvwikisye vintu vii. Apa nsita imwi mwaipelisye ku kuya azya amicitile ikowele nga nu ukakasi pamulandu wa melenganyo inu aukakasi. Vivyo kwene, ndakai muipelesye ku kuya azya akacita vyawololoke pakuti mwatumikila Leza mu vyamuzilo.

Loma 7:23

Lelo mu mwili wane mwene nkazana sunde lyuze ilikalwisya sunde lino melenganyo yane yakazumilizya. Isunde lii ilikantwala ku kwifya linteeka uzya kwi iifyo ilikuomba munondi.

Loma 7:5

Pano lino twikalanga mu untunze, Masunde yakatwisye vilondwa vya mili itu viipe nu kuleta imfwa.

1 Kolinto 6:15

Mwamanya vino mili inu ivilundwa vya mwili wakwe Klistu. Uzye icisuma ndi natola cilundwa ca mwili wakwe Klistu nu kuti ciye cilundwa ca mwili wakwe cizelele? Citangacitika!

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

1 Kolinto 6:9

Cumi mwamanya ukuti yakaifya yatalakumako ku Wene wakwe Leza. Mutaitumpoka! Antu akacita ulenzyo, nanti akapepa tuluwi, nanti akacita ivya winyi,

2 Kolinto 10:4

nanti kuomvya vyanzo vya muno nsi pa kulwa ulwi. Lelo mu cifulo cakwe cii, swemo tukaomvya maka yakwe Leza yano angonona malinga ya mwanisi. Swemo tukaonona kwelenganya kwa ntumpu

2 Kolinto 5:14

Kutemwa kwakwe Klistu ukukatupindulula pano twamanya kwaula kutwisika kuti muntu wenga wafwilile antu onsi, lyene swensi kwene twakuma ku mfwa yakwe.

2 Kolinto 5:15

Klistu watufwilile swensi. Wafwile pakuti tutaikala umi uwakuizanzya, lelo uwakuzanzya wino uwafwile nupya wazyukwike pamulandu witu.

2 Kolinto 8:5

Nao yacisile kuluta pali vino twapaalilanga. Inkolelo yene yaipile aisikulu ku Mwene nga pacisila kuno tuli, wakwe vino Leza walondanga kuti yacite.

Efeso 2:5

cakuti lino twali afwe ku mupasi pa kuntayela wene watulenzile kuya aumi muli Klistu. Mwatuuzilwe ni cikuku cakwe Leza.

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

Malango 25:16

Pano Yawe wapata umuntu ali wensi wino akacita ivintu vii, ali wensi wino akacita usomvi.

Filipi 1:20

Cintu cino nkalonda nu kupaalila icakuti ntacitisya Klistu insonyi, nkupaalila kuya muposye ndakai ndi vino naya lyonsi kuti Klistu acindikilwe munondi lino indi nu umi nanti mufwe.

Kolose 2:13

Pa nsita imwi mwemo mwali afwe ku mupasi pamulandu wa maifyo, inu na pamulandu wakuti mwemo mwali atasilamulwa mu myenzo inu, mwali Akulukuwa aula Masunde. Lelo Leza waleka kuti Klistu amucite kuya aumi, lilyo lino watwelezile maifyo itu yonsi.

Kolose 3:5

Mutaleka mili inu yamutungulula. Mulinzile kukoma vilondwa viipe vya mwili vino vikuomba munomuli, wakwe vii, kulongozya, vya winyi, nsuna, cipyu, lwiswa (pano lwiswa u musango wa upefi wa tuluwi.)

2 Tesalonika 2:12

Ni cilafumamo cakuti yao onsi atataila cumi, lelo yene yazangila mu kwifya, yalavunukwa.

2 Timoti 2:15

Cita cino ungacita kufikapo pakuti uvwangilwe visuma pa manso yakwe Leza, wa muomvi wino asi ni nsonyi pa mulimo wakwe, nupya wino akasambilizya ningo ilandwe lya cumi cakwe Leza.

Yakobo 4:1

Uzye pacani mukalwisyanya nu kupazyanya? Uzye asi pamulandu wakuti mukweti vilondwa vyakuitemwa vino vikalwisya kutungulula mili inu?

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

1 Petulo 4:2

Kufuma ndakai lino mucili muno nsi mulinzile kuleka umi winu watungululwa nu kulonda kwakwe Leza. Mutaleka vilondwa vya untunze vyamutungulula.

1 Yoane 1:9

Lelo ndi twailongwela maifyo itu kuli Leza, wene uwakutailwa nupya uwa cumi ku ulayo wakwe. Alatwelela maifyo itu nu kutusangulula ku kuluvyanya kwitu konsi.