Loma 5:8 - Amazwi Yakwe Leza 2013

⁸ Lelo Leza watulanga vino watutemwa, pano lino twali tucili yakaifya Klistu watufwilile.

Loma 5:8 ပူးပေါင်းရင်းမြစ်များ

Ezaya 53:6

Swensi pyu pano twapela, twazeulukanga wa mfwele, swensi twapulupuntanga sile. Yawe nawe ali pakumutwika uyi witu swensi, uno twali nu kuculilamo.

Yoane 15:13

Pasi kutemwa kwa muntu ukwaluta kuu, ukuti umuntu aipeele kufwila yacuza yakwe.

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Loma 3:5

Ndi twacita viipe ala cikulanga ukuti Leza wene mololoke, uzye lyene tungati uli? Uzye tungati Leza asyalungika lilyo lino akatuvunuka? Nkulanda ndi vino antu yakalanda

Loma 4:25

Leza wapile Yesu kuti afwe pamulandu wa maifyo itu, nupya uwamuzyukwile kuti aye nu umi, pakuti atucite kuya aololoke pa manso yakwe.

Loma 5:20

Masunde yapilwe pakuti antu yalole kuvula kwa maifyo. Lelo kuno maifyo yavula, cikuku cakwe Leza cavulilako kuluta.

Loma 5:6

Lino twali aula maka akucita cimwi, Klistu watufwilile swe yakaifya, pa nsita ino Leza wateinye.

Loma 5:7

Pano caya icitale kuti umuntu afwile umuntu musuma. Manye umwi angaposya kufwila umuntu musuma.

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?

Loma 8:39

Kusi cintu icaya mwiyulu nanti pano pa nsi icingatupaatukanya ku kutemwa kwakwe Leza muli Klistu Yesu Mwene witu.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

Efeso 2:7

Wene wacisile cii kuti mu myaka ikwiza alange ukama wa cikuku cakwe uiyele uno waya mu kutemwa kuno watulanga muli Klistu Yesu.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

1 Timoti 1:16

Lelo Leza wali na mizu kunondi pakuti Klistu Yesu alange kuteeka mwenzo kunondi ne kaifya uwaluta onsi, nupya ciye icilangililo kuli yao onsi, yano alataila munoli nu kupokelela umi wape.

Ayebulai 8:3

Simapepo Mukulu wensi akasontwa kuti apeela mawila nga ni mpolelwa zya nyama kuli Leza. Caleka Simapepo witu Mukulu nawe alinzile akwate cimwi cakupeela.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Yoane 3:16

Twamanya vino kutemwa kwaya pano Klistu wapile umi wakwe pamulandu witu. Uli mulandu uno naswe kwene tulinzile kupeela umi witu pamulandu wa antu yauze.