Loma 5:17 - Amazwi Yakwe Leza 2013

¹⁷ Mu cumi kwifya kwa muntu wenga ukwalenga kuti maka ya mfwa yatandike kuteeka antu onsi. Lelo cino Yesu Klistu wacita cilusile pali cii. Antu yonsi akapokelela cikuku cikulu cuze cakwe Leza, nu kucitwa ukuya aololoke pa manso yakwe Leza yalaya nu umi nu kuteeka wa ene pamulandu wa muntu wenga Yesu Klistu.

Loma 5:17 ပူးပေါင်းရင်းမြစ်များ

Utandiko 2:17

lelo utakalye iviseekwa vyaku muti uno ukapeela amano akumanya visuma ni viipe. Pano uwanda kwene uno ulalyako, ulafwa.”

Utandiko 3:19

Ulakailwa pa kuzana ivyakulya kufika lino ulaswilila ku musili kuno waumvilwe. Waumvilwe ukufuma ku musili, nupya ku musili akuno ulaswilila.”

Utandiko 3:6

Caleka umwanaci alola usuma wa muti ni viseekwa vyakweo vino vyalolekanga nu mulyo. Alino aelenganya usuma wa kuya na mano. Lyene atoola iviseekwa vimwi alya, nga atoola iviseekwa vimwi apeela iya nga nawe kwene alya.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Yoane 10:10

Mwivi akaizila sile kwiya, kukoma, nu konona. Nemo nizile kuti muye nu umi, umusi ukuulilwa.

Loma 5:12

Iifyo lingile muno nsi pamulandu wa muntu wenga, nga ni iifyo lyakwe ilyaleta imfwa. Caleka, imfwa nayo yasalangine mu antu yonsi pano antu yonsi iifizye.

Loma 5:15

Lelo ya yaili yasi ali yamwi, pano uwila wakwe Leza utangakolana ni iifyo lyakwe Adamu. Iifyo lya muntu wenga ilyaleta imfwa pa antu aingi. Lelo cikuku nu wila wakwe Leza ivikulu cuze, pano vyaleta upolelelo ku antu aingi. Nu wila uno Leza wapela, umuntu wenga sile Yesu Klistu.

Loma 5:20

Masunde yapilwe pakuti antu yalole kuvula kwa maifyo. Lelo kuno maifyo yavula, cikuku cakwe Leza cavulilako kuluta.

Loma 6:14

Iifyo litalinzile kuteeka mwemwe pano mwemo Masunde yakwe Mose yasyamuteeka, lelo mukateekwa ni cikuku cakwe Leza.

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

Loma 8:39

Kusi cintu icaya mwiyulu nanti pano pa nsi icingatupaatukanya ku kutemwa kwakwe Leza muli Klistu Yesu Mwene witu.

1 Kolinto 15:49

Wakwe vino twakolana na Adamu, wino uwaumvilwe kufuma kwi vu, vivyo kwene tulakolana na Klistu, wino uwafumile kwiyulu.

1 Kolinto 4:8

Uzye mukweti vyonsi vino mukalonda? Uzye mwati muya akama? Uzye mwati muya yakateeka kwaula sweswe? Nanti swemo tusivivyo? Endi, vino nalondesya kuti muye yakateeka, pakuti naswe kwene tungaya yakateeka pamwi namwe.

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

1 Timoti 1:14

Mwene witu wanguvwilile luse cuze. Nu luse kwene luu lusanda cuze nu kundetela utailo nu kutemwa muli Klistu.

2 Timoti 2:12

Ndi twatwalilila kuposya, ale lyene tulateeka pamwi nawe. Ndi twamukana, ale nawe kwene alatukana.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

Umbwilo 1:6

nupya watucita kuya yakateeka na yasimapepo mu kutumikila Leza Isi wakwe. Lulumbi na maka vipelwe kuli Yesu Klistu manda pe! Ameni.

Umbwilo 20:4

Nupya ndola vilimba vya wene na yao atenzipo yapilwe maka akupingula. Alino ndola mipasi yakwe yao akomilwe pamulandu wa kukosola cumi cino Yesu wasokolwile nga na mazwi yakwe Leza. Yene yatapefile cilyanyi nanti unkolanya wakweco, nanti ukwikilwa cimanyililo caciko pa mausyu nanti pa makasa yao. Yene yaya nu umi nu kuteeka pamwi na Klistu kulingana ni myaka izimbi lyonga.

Umbwilo 20:6

Alongo nupya apolelelwe cuze ayao alakumako ku kuzyukuka kuu kwa nkolelo. Imfwa yakwe ciili italaya na maka pano yali. Yene yalaya yasimapepo yakwe Leza na yakwe Yesu Klistu, nupya yalateeka pamwi na Klistu kulingana ni myaka izimbi lyonga.

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.