Loma 4:20 - Amazwi Yakwe Leza 2013

²⁰ Lelo pa kuvwa vino Leza wamulavile atali na kutentengana mu utailo wakwe, nanti kutwisika ulayo wakwe Leza. Utailo wakwe wamukomelizye nga alumbanya Leza.

Loma 4:20 ပူးပေါင်းရင်းမြစ်များ

Utandiko 15:6

Abulamu ataila Yawe, nga pamulandu wa utailo wakwe Yawe azangila munoli amuzumila ukuya mololoke.

2 Yamwene 7:19

Ali papa pano inkombe ya mwene yene yakanyile iti, “Awe cumi cico cene citange citale cicitike, nanti sile Yawe angaleka imvula itonye!” Elisya nawe ali pano wamwaswike ati, “Kwene wemo uli nu kuilolela na manso yako ntontonto kuno cilacitika. Lelo wemo utalalya kweneko vyakulya vivyo, foo.”

2 Yamwene 7:2

Lyene inkombe iyasukilile umwene inena kasema wilya iti, “Cico citange citale cicitike nanti panono, nanti sile Yawe umwisikulu angatuponyezya imvula.” Lelo Elisya aasuka ati, “Wemo ulailolela na manso yako kuno icintu cii cikucitika, lelo utalalya nanti kamwi apa cakulya cico!”

Ezaya 35:4

Nenini atovoke umu mwenzo muti, “Posyini mutaoopa! Lolini Leza winu akwiza. Akwiza ku kumulandwila. Wene akwiza ku kumukulula.”

Ezaya 7:9

Impanga yakwe Efulemu yaluta Samaliya, nga Samaliya atalusile umwene Peka. Ndi mutakomile mu utailo winu, cumi mutalazizimizya.’”

Danieli 10:19

Wene avwanga ati, “We Danieli, Leza wakutemwa, acino utaleka icintu icili consi cikusakamike nanti kukoofya.” Lino wene wavwanzile cii, nemo inkomelekako nga mvwanga inti, “Musambazi, unene cino ukasi kuvwanga. Wemo watundenga ukuvwa ningo ukuluta.”

Danieli 11:32

Umu usomvi amuno umwene wilya alakoopola yayo afutatila mpiti upefi wao, lelo yayo akalondela Leza yalamukanya.

Hagai 2:4

Lelo nanti cingaya vivyo kwene ne Yawe nkuti, uposye mwine Zelubabeli, uposye mwine Yoswa we mwana monsi wakwe Yeozadaki, we simapepo mukalamba, muposye mwe antu mwensi kwene, mwe ikazi amu mpanga. Acino tandikini umulimo pano nene ne Yawe namayanga namwe lyonsi pe.

Zakaliya 8:13

Mwe antu amu Yuda mwe, na mwe ina Izlaeli mwe! Mpiti ainamasi yatolanga izina linu, alino iyalumbula pakutipwila antu yauze, ala yakuti, ‘Mwe anisi mwe, cakumulya caula, wakwe cici calile Ayuda na ina Izlaeli!’ Lelo nemo ndamutuula, na inamasi lyene yamamoopanga. Si mungala mwalukupolelewa ndi vikwene ivyapolelelwa Ayuda na ina Izlaeli! Caleka mwemo posyini sile, mutaoopa foo.”

Zakaliya 8:9

“Posyini! Pali ndakai mwemo mukuuvwa amazwi ali yonga sile yano yakasema yalandanga, lilyo lino umufula wa kukuulilapo cipya cipya Ng'anda yane ikulu wafukwilwe.

Mateo 9:8

Lelo lino maumba yacilola yuvwa intete, yalumbanya Leza, pa kupeela antu amaka ali ndi yaa.

Luka 1:18

Zakaliya auzya mungeli ati, “Uzye namamanya uli cintu cico kuti ca cumi? Pano nakota, nu muci wane nawe kwene wakota.”

Luka 1:45

Walongo awewe wemuno wataila ukuti vino Mwene wakunenyile vilafikiliziwa!”

1 Kolinto 16:13

Pempulini nu kukomeleka mu utailo, posyini, muye na maka.

2 Kolinto 12:10

Endi, nemo ndi nu luzango lwa kuya nu utonte, kutukwa, kuzunyiwa, nu kukwata ntazi na macuzi, ndi vyonsi vili pamulandu wakwe Klistu. Pano lino ndi mu utonte, ale lyene nene mukome.

Efeso 6:10

Mukusyalikizya, lekini maka yakwe Leza yamukomelezya.

2 Timoti 2:1

Timoti, we mwanane mu utailo. Komeleka mu cikuku cino twakwata muli Klistu Yesu.

1 Samueli 30:6

Davidi wali umu ntazi ikulu sana, pamulandu wakuti antu yakwe yonsi imyenzo yali iwaye pa kuponzya ana na aci yao. Iyatandika nu kupanga kuti yakomole Davidi na mawe. Lelo Yawe Leza wakwe amupa ukuposya.