Loma 3:4 - Amazwi Yakwe Leza 2013

⁴ Mucumi citangaya! Lelo Leza wene akalanda vya cumi. Nanti angala antu yonsi yaya antumpu. Cili wakwe vino calembwa mu malembelo cati, “We Leza, leka antu yamanye ukuti vino ukalanda ivya cumi, nu kuti ukayasinda ndi yakulolwesya mulandu.”

Loma 3:4 ပူးပေါင်းရင်းမြစ်များ

Yobo 36:3

Amano yonsi nemo yaya avunguluke, namanya ivyakuvwangila kaumba wane pano wene akalungika.

Yobo 40:8

Uzye kwene Yobo wewe ukunena ukuti vino nemo inkapingula vitalola mwenemo, vwile?

Masamu 100:5

Pano Yawe umusuma, ukutemwa kwakwe ukwa muyayaya, na ucisinka wakwe, nawo kwene uwa manda yonsi.

Masamu 116:11

Walanga amano yatala yampela, navwanzile inti, “Awe cumi antu yonsi aufi.”

Masamu 119:160

Amazwi yako yonsi acumi, nu upinguzi wako onsi uwa ulungi pe na pee!

Masamu 138:2

Nkukupepa umu kulola uku Ng'anda yako ikulu. Namatakola izina lyako, pamulandu wa citemwiko cako, ni cisinka cako. Ulayo wako wakula ukuluta apa lulumbi lonsi.

Masamu 51:4

Nemo naifya kunuli awewe sile wenga, awewe naifya, nu kucita ivintu iviipe kuli wewe. Icacumi walungika wakwe cimwi apakunkalipila, walungika apa kumpingula nu kumpela umulandu. Usifyenga umuntu mu upinguzi wako.

Masamu 62:9

Antu yonsi kwene yaya wa muza. Akama nayo yaya wa ufi, ndi cakuti kwali ukuyapima pali sikelo, yatange yanyome nanti panono, yali sile wa muza.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Mateo 11:19

Mwana wa Muntu wiza, akalya nu kumwa, namwe mukuti, ‘Lolini umuntu wii! Wene wapunuka nupya umukolesi. Wene acuza wakwe yakasonkesya na yakaifya.’ Lelo antu yalalola ukuti amano yakwe Leza alungame ndi yalola milimo yakweyo.”

Luka 20:16

Aliza akome alimi yao, nu kupeela icalo ca matingi ku alimi yauze.” Lino antu yuvwile cii, yavwanga yati, “Citanga ciye vii awe!”

Yoane 3:33

Lelo wino wensi akataila umboni wakwe, wene akasininkizya vino umboni wakwe Leza uwa cumi.

Loma 11:1

Lyene nuzye, uzye Leza wafutatila antu yakwe? Awe, cumi kwene citangaya vivyo. Pano nani kwene nene mwina Izlaeli, wamu mupanda wakwe Abulaamu, nupya nene uwamu mutundu wakwe Benjamini.

Loma 11:11

Lyene nkuuzya nti, uzye ukupempezyoka kwa Ayuda ukwakuti yapone kwaula kukatuka? Awe cumi kwene citangaya vivyo! Lelo pamulandu wa kwifya kwa Ayuda, kutuulwa kwaya ku Akulukuwa kuti Ayuda yayazuwila.

Loma 3:31

Uzye lyene tungati pa utailo kwene uu twafutatila Masunde? Awe, cisi vivyo! Mu cifulo cakwe cii, tukakomelezya kuyela Masunde.

Loma 6:15

Uzye lyene icani? Uzye twaifya, pamulandu wakuti tukateekwa ni cikuku cakwe Leza, nga tusyateekwa na masunde? Citangaya vivyo!

Loma 6:2

Awe citangaya! Ndi twafwa nu kufuma mu maifyo, uzye lyene tungatwalilila kwifya uli?

Loma 7:13

Uzye lyene cii cikusenula ukuti icintu cisuma icandenga kuya mufwe? Awe, asi vivyo! Lelo iifyo ilyacisile vii. Pa kuomvya icintu cisuma, iifyo lyandetela imfwa pakuti mucumi umwata wakwelyo uwa kwifya usokololwe. Acino kupitila mu Masunde, iifyo likaloleka kuya lipisye.

Loma 7:7

Uzye lyene tumati kulondela Masunde yakwe Mose kuli kwifya? Awe, citangaya! Lelo kwene Masunde alenzile kuti imanye vino maifyo yaya. Pano Masunde yatakana kunena yati, “Utakumbwa ca muzo,” nga ntamanya na vino ulunkumbwa lwaya.

Loma 9:14

Uzye lyene tumati uli? Uzye Leza uwa lufyengo? Awe cipelele kutali.

1 Kolinto 6:15

Mwamanya vino mili inu ivilundwa vya mwili wakwe Klistu. Uzye icisuma ndi natola cilundwa ca mwili wakwe Klistu nu kuti ciye cilundwa ca mwili wakwe cizelele? Citangacitika!

2 Kolinto 1:18

Leza angatailwa, nga nani kwene ningatailwa, lino nalanda ukuti kwasuka kwitu kuno muli lyonsi ukwakuti “Ee” lelo asi “Awe”.

Galatiya 2:17

Lyene ndi swe Ayuda, lino tukwezya kuya aololoke pa manso yakwe Leza, twazanwa kuya yakaifya ndi vino Akulukuwa yaya, uzye ale cikusenula ukuti Klistu uwatucita kuya yakaifya? Awe cipelele kutali!

Galatiya 2:21

Nemo nsizumila kukana cikuku cakwe Leza, lelo ndu muntu akacitwa kuya mololoke pa manso yakwe Leza pakuyela sile Masunde ale lyene cikusenula ukuti cali icasilesile ukuti Klistu afwe.

Galatiya 6:14

Lelo nemo ntalatala njilumbe pa cintu cili consi suka sile lupanda lwakwe Klistu. Pano wene wafwile pa lupanda, lyene kunondi vya munsi vili wa vifwe nga nani ku vyamu nsi indi kwati nafwa.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

Ayebulai 6:18

Lyene vintu vii viili, ulayo nu mulapo, vitangasenulwa nupya Leza pa kuviomvya atange atumpoke. Caleka swe muno twacingililwa na aliwe tukakomeleziwa cuze nu kulemasya na maka ku upaalilo uno uli nkolelo itu.

1 Yoane 5:10

Wino wensi uwataila Mwana wakwe Leza, wene wakwata umboni uu mu mwenzo wakwe. Lelo wino wensi asyataila Leza, ala wene akulanda ukuti Leza uwa ntumpu pano wene atataila vino Leza walanda vya pa Mwana wakwe.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.