Loma 3:31 - Amazwi Yakwe Leza 2013

³¹ Uzye lyene tungati pa utailo kwene uu twafutatila Masunde? Awe, cisi vivyo! Mu cifulo cakwe cii, tukakomelezya kuyela Masunde.

Loma 3:31 ပူးပေါင်းရင်းမြစ်များ

Masamu 119:126

We Yawe, insita yatifika yakuti ucitepo cimwi, pamulandu wakuti antu yasikuyela amasunde yako.

Masamu 40:8

Ala nemo pasi pakutemwa ukucita vino wemo ukalonda, we Leza wane! Endi amasunde yako, nemo nkayawaka umu mwenzo wane.”

Ezaya 42:21

Apamulandu wa wololoke wakwe, Yawe akalondesya ukuti amasunde yakwe yakuziwe nu kucindamikwa.

Mateo 15:6

Mu nzila ii mukalenga antu kusula masunde yakwe Leza pamulandu wa ntambi zinu.

Mateo 3:15

Lelo Yesu amunena ati, “Ndakai leka cicitike vikwene, pano catuzipila kuti tucite ivyawololoke vyonsi vino Leza akalonda.” Alino Yoane azumila.

Mateo 5:17

“Mutaelenganya vino niza ku konona ivyalembwa mu mpapulo zyakwe Mose na yakasema. Ntiza ku konona vii, lelo niza kuti mfikilizye.

Mateo 5:20

Lyene namunena vino mulaposiwa kwingila mu Wene wa mwiyulu, suka sile ndi mukucita ivyawololoke pa manso yakwe Leza kuluta yakasambilizya ya masunde na Afaliseo.

Luka 20:16

Aliza akome alimi yao, nu kupeela icalo ca matingi ku alimi yauze.” Lino antu yuvwile cii, yavwanga yati, “Citanga ciye vii awe!”

Loma 10:4

Klistu ali kufikilizya kumalilike kwa Masunde yakwe Mose, pakuti wensi uwataila munoli, Leza akamucita kuya mololoke pa manso yakwe.

Loma 2:20

mulangilizi wa viwelewele na kasambilizya wa antu atutu. Wemo wasininkizya ukuti mu Masunde mwaya ivya kupanda mano ni vya cumi vyonsi.

Loma 3:4

Mucumi citangaya! Lelo Leza wene akalanda vya cumi. Nanti angala antu yonsi yaya antumpu. Cili wakwe vino calembwa mu malembelo cati, “We Leza, leka antu yamanye ukuti vino ukalanda ivya cumi, nu kuti ukayasinda ndi yakulolwesya mulandu.”

Loma 3:6

Awe citangaya! Ndi Leza asi mololoke, uzye lyene angapingula uli amu nsi?

Loma 4:14

Pano ndi cintu cino Leza walaya cili nu kupelwa kuli yao akayela Masunde, ale lyene nu utailo utakusenula cimwi, nupya ale nu ulayo wakwe Leza uwasilesile.

Loma 7:22

Kwene mwenzo wane onsi ukazumilizya Masunde yakwe Leza.

Loma 7:25

Nkataizya Leza wino akacita cii muli Yesu Klistu Mwene witu! Avino canzana nene ne muntu ali umwi nkayela Masunde yakwe Leza mu mwenzo wane nanti angala mu untunze wane nkayela sunde li iifyo.

Loma 8:4

Leza wacisile cico pakuti vino Masunde yalondanga ukuti antu yacite vifikiliziwe ningo munotuli swe muno tusyalondela ivya untunze lelo tukatungululwa na Mupasi Wamuzilo.

1 Kolinto 9:21

Mu musango uli onga kwene, lino nkuomba pamwi na Akulukuwa, nemo nkaikala wa Mukulukuwa, kwaula kulondela Masunde ya Ciyuda, pakuti ndonke Akulukuwa. Cii cisyakusenula ukuti nsyayela Masunde yakwe Leza. Mucumi nemo nkateekwa na Masunde yakwe Klistu.

Galatiya 2:19

Nafwile ku masunde, pano Masunde a nkoma. Nata kwikalilila mu masunde pakuti mu umi wane onsi naombela Leza. Nemo natanwa pa lupanda pamwi na Yesu.

Galatiya 2:21

Nemo nsizumila kukana cikuku cakwe Leza, lelo ndu muntu akacitwa kuya mololoke pa manso yakwe Leza pakuyela sile Masunde ale lyene cikusenula ukuti cali icasilesile ukuti Klistu afwe.