Loma 3:28 - Amazwi Yakwe Leza 2013

²⁸ Pano twasininkizya ukuti Leza akacita umuntu kuya mololoke pa manso yakwe kupitila sile mu utailo, lelo asi pamulandu wa kuyela sile Masunde.

Loma 3:28 ပူးပေါင်းရင်းမြစ်များ

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Yoane 6:40

Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”

Loma 3:26

Lelo Leza wimika Yesu pakuti alange kuti wene mololoke. Avino Leza umwine akailanga vino wene mololoke nu kucita muntu wensi kuya mololoke uwataila muli Yesu.

Loma 4:5

Umuntu wino wemelela pa utailo, asi pali vino akaomba, lelo wataila muli Leza wino akataka umuntu wa mulandu kuya uwakaele, wene pa utailo wakwe auno Leza akalola pa kumutaka kuya mololoke pamanso yakwe.

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

Galatiya 2:16

Lelo twamanya vino umuntu akacitwa kuya mololoke pa manso yakwe Leza pa utailo wakwe muli Yesu Klistu, lelo asi mu kuyela Masunde. Pano kusi umwi angacitwa kuya mololoke pa manso yakwe Leza mu kuyela Masunde.

Galatiya 3:24

Acino Masunde yali wa mwangalizi witu. Yene yali akutwangalila kufika nu ku kwiza kwakwe Klistu, pakuti tungacitwa aololoke pa manso yakwe Leza pa kutaila munoli.

Galatiya 3:8

Malembelo yasowile ukuti Leza alacita Akulukuwa kuya aololoke pa manso yakwe umwisikulu kupitila mu utailo wao. Acino Leza wanenyile Abulaamu Ilandwe Lisuma lyakuti antu amu nko zyonsi yalapolelelwa pamulandu na aliwe.

Efeso 2:9

Citali uku maka inu nanti kuombesya, lelo uwila wakwe Leza pakuti kutaya umwi uwakuitumika pali cico.

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

Tito 3:7

Leza wacisile cii pakuti mu cikuku cakwe amuno tungacitwa kuya aololoke pa manso yakwe na kuti tukwate umi wape uno tukapaalila.

Yakobo 2:18

Ndi cali umuntu umwi avwange ati, “Muntu wenga wakwata utailo, lino muze wakwata milimo.” Kulanda kwane kukuti, “Mundange vino umuntu angakwata utailo kwaula milimo isuma. Namamulanga utailo wane vino uli kupitila mu milimo yane.”

Yakobo 2:20

Ciwelewele we! Uzye ukulonda kuti yakulange vino utailo uno usyatungulula ku kucita milimo isuma ala wene uwasilesile?

Yakobo 2:24

Lyene mwalola ukuti muntu akacitwa kuya mololoke pa manso yakwe Leza kupitila mu milimo yakwe isuma, asi sile mu utailo wakwe.