Loma 3:11 - Amazwi Yakwe Leza 2013

¹¹ Kusi umuntu nanti wenga akauvwikisya, nanti akalonda Leza.

Loma 3:11 ပူးပေါင်းရင်းမြစ်များ

Masamu 53:2

Ukwiyulu Leza akalolekesya apa ana ya antu, nu kulolekesya ndi cakuti pano nsi palipo wenga uwamano akalonda Leza.

Masamu 53:4

Leza akuuzya akuti, “Uzye yonsi akacita iviipe, umulandu wakuntamanya acino yakaifizya? Yene yikalila sile ukwiyila antu yane nu kumpepa yasimpepa foo.”

Masamu 94:8

Mwe viwelewele vya antu mwe, icani cino mungacitila ivintu kwene ivyamusango uo? Uzye mwemo mulasambilila lilaci?

Mapinda 1:22

“Mwe mbulwamano mwe! Mulasya umbulamano winu ukufika lilaci? Mulata lilaci ukusuula ne malango? Uzye mulasyalilila awelewele vivyo kwene?

Mapinda 1:7

Ukoopa Yawe ili ntendekelo ya malango. Iviwelewele ivikasuula amano nu kusundwa.

Ezaya 27:11

Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.

Ezaya 31:1

Kalanda kuli yayo akasimwilila ku Eguputo, ku wazwilizyo. Yao akaika amano umu kutaila imfwalasi. Yao ataila amaceleta, ni vita ivikasimuzya amaceleta kwene ukwaula kutaila muli Yawe, Wamuzilo wakwe Izlaeli.

Ezaya 55:6

Londini Yawe apa nsita ino angazanwa, mwamini lino ali mupipi.

Ezaya 65:1

Yawe nawe aasuka ati, “Nemo nali umuiteyanye ukuvwa ukupapata kwa antu, lelo yatapefile umucumi. Nali umwi uwalondesyanga ukuti yangandondela, lelo yene kutali nanti uwakwezya nanti panono. Antu amutundu yasindonda foo, nanti angala nemo nali umuiteyanye ukuyaasuka inti, ‘Apano ndi namamwazwa.’”

Ezaya 9:13

Aina Izlaeli yatacili yazenzuke, yatacili yaweluluke kuli Yawe Wamaka yonsi, nanti angala wene watazile ayapezya.

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Oseya 7:10

Icilumba ca ina Izlaeli cikuyalilila aisikulu. Lelo nanti cingaya vivyo yene yatawela kuli Yawe Leza wao, nanti ukumulondalonda konsi.

Mateo 13:19

Yao akauvwa mazwi yano yakalanda vya pa Wene wakwe Leza kwaula kuyamanyikisya, yakoline wa mbezu izyaponile umu mbali ya nzila. Lelo mwanisi wakwe Leza aiiza afumya mazwi yano atewa mu myenzo yao.

Loma 1:22

Yakaitaka kuya antu yamano, lelo yene iviwelewele.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Loma 3:10

Ndi vino malembelo yakati, “Kusi umuntu nanti wenga mololoke!

Loma 3:12

Antu yonsi yafutatila Leza. Antu yonsi aponge, kusi umuntu nanti wenga akacita visuma, awe kusi nanti wenga.

Loma 8:7

Pano umuntu akaya umwanisi wakwe Leza ndi akutungululwa ni vilondwa vya mwili wakwe, pano wene asyayela Masunde yakwe Leza, nupya atangayela.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.