Loma 2:5 - Amazwi Yakwe Leza 2013

⁵ Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

Loma 2:5 ပူးပေါင်းရင်းမြစ်များ

2 Milandu 30:8

Ali cino fwandi namwe mutakwata imyenzo ino yaso yakweti. Mwemo mule mucimbe sile kuli Yawe. Izini tulumbanye Yawe uku ncende yamuzilo ino yazilizya calimwi nu kuipolelela. Mutumikile Yawe Leza winu nawe alafuntusya ukali ni cipyu cakwe kuno muli.

2 Milandu 36:13

Zedekiya wasangukile umwene Nebukadineza nanti walavile apa manso yakwe Leza ukuti alamuombela nu kumuyela. Wene wakanyile sana ukuswilila kukutontela Leza, wa ina Izlaeli.

Yobo 21:30

Pa wanda wa upinguzi, ndi muno antu yakavwangila, Leza atalavunuka aipe lelo yalikala sile ningo. Nu kupusuka alio yaliza yapusuke apa wanda uno Leza alasoka.

Masamu 110:5

Umwene waya nawe ukwi kasa lilunji. Alavyengola yamwene uwanda uno alasoka.

Masamu 95:8

Mutakomya imyenzo ndi vino mwacisile kuku uku Meliba, ndi vino cali uwanda ulya uku Masa umu lwanga.

Kufuma 14:17

Ndalenga aina Eguputo kuti yakome imyenzo cuze cakuti yalalondelela aina Izlaeli. Lulumbi lulapelwa kunondi pakucimvya Falao ni vita vyakwe vyamu maceleta kumwi ni vya pa mfwalasi.

Kufuma 32:34

Ndakai pitanga utungulule antu yayo ku mpanga ino nakunenyile. Waiusya ukuti mungeli wane akaakutungulula, lelo uwanda uliza uno ndavunuka antu yayo pamulandu wi iifyo lyao.”

Kufuma 8:15

Lelo lino Falao walola ukuti yacula yafwa, nupya kwene akoma umwenzo, wakwe vino Yawe wavwanzile ukuti Falao ataluvwa ku mazwi yakwe Mose na Aloni.

Mapinda 1:18

Antu amusango uo yakaiteyela sile aeneco kwene ulukose, lulo ululayalya aeneco kwene.

Mapinda 11:4

Vyuma vitalakucitila nanti cimwi pa wanda wa ukali wakwe Leza, lelo ukucita vyaololoke kungakutuula.

Mapinda 28:14

Wiyo akaopa Yawe insita zyonsi uwa longo. Lelo wiyo akaumalala umwenzo, alaponela umu ntazi.

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Kasambilizya 12:14

Endi, Leza alatupingula pa vintu vyonsi vino tukacita, cisi cimwi viye ivisuma nanti iviipe, nanti ivintu ivyacitwa mu nkama.

Ezaya 48:4

Namanya ukuti mwakoma imitwe, nupya yakoma wa cela. Mwaya aumalale wa cela ca mukuwa.

Yelemiya 40:3

nu kucita watacita cino wavwanzile ukuti alacita. Vyonsi vii vyativicitika pamulandu sile wakuti antu yako yaifya kuli Yawe, yakana nu kumuyela.

Ezekelo 11:19

Ndayapeela umwenzo upya, nga ndiika umi upya munoyali. Ndafumya umwenzo ukome wi we muno yali nu kuyapeela umwenzo utonte wa munyefu.

Ezekelo 3:7

Lelo aina Izlaeli yene awe, yasikuya yakakuvwe foo. Pano nani kwene yakana ukunguvwa. Yonsi pano yapela yaya atalame nupya aumalale.

Danieli 5:20

Lelo pamulandu wakuti wene wali ni cilumba, atalama, aya umunkalwe, ali cino yamufumizye apa wene nga yamupoka nu mucinzi wa cifulo cakwe.

Oseya 13:12

Iifyo nu mulandu wa ina Izlaeli vyalembwa mu lupapulo, nga ulupapulo lulo lwasungwa ningo.

Amosi 3:10

“Yene yatamanya ukucita vyaololoke yayo akazuuzya ivisampwe vino yapokolola mu kwiya.” Avino Yawe wavwanga.

Loma 1:18

Lyene ukali wakwe Leza wati usokoloka kufuma kwiyulu pamulandu wankota na maifyo ya antu, pano inkota zyao ziipe zikacilikizya icumi kuti citamanyika.

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

Loma 9:22

Na Leza kwene avino waya. Akalonda kuti alange ukali wakwe nu kulanga maka yakwe kuli yao angaloviwa. Lelo mu cifulo cakwe cii Leza akayatekela mwenzo.

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

Malango 2:30

“Lelo Siooni umwene waku Hesyiboni atatuzumilizye ukupita ukusalala mu mpanga yakwe. Yawe Leza winu walenzile umwenzo wakwe uumalale nu kutalama pakuti amupeele mu makasa itu kuti tumucimvye nu kupoka impanga yakwe, ino napilelo tucili tukwikala mwenemo.

Malango 32:34

“Yawe akaiusya vino anisi yao yacita, nu kuvisunga mukulolela insita isuma iya kuyavunuka.

2 Tesalonika 1:5

Vii vyonsi vikalanga ukuti upinguzi wakwe Leza usi wa lufyengo, nga nu kuti wene akumucita kuya alinge kukuma ku Wene wakwe.

Ayebulai 3:13

Lelo mwakomelezyanya amanda onsi lino insita iciliko ino mazwi yakwe Leza akati, “Ilelo” yatusoka pakuti kutaya umwi wino, iifyo lingamukomya mwenzo.

Ayebulai 3:15

Vii avino malembelo yalanda yati, “Ilelo ndi muvwa izwi lyakwe Leza, mutakomya imyenzo inu ndi vino vikolwe vinu vyacisile lino vyakatukile Leza.”

Ayebulai 4:7

Uli mulandu uno Leza wasonta uwanda nauze uno ukaamwa ukuti “Ilelo.” Pacisila ca myaka iingi iyapisile, wavwanzile kupitila muli Davidi, vya wanda ndi vino calembwa mu malembelo yano yakuti, “Ndi muuvwa izwi lyakwe Leza, mutakomya myenzo.”

Yakobo 5:3

Zaabu pamwi na siluva winu kwene vyonsi vikweti ngalawa, nga ngalawa kwene zii zilaya a kambone wa kumusinila nu konona mili inu ndi vino moto ukaonona. Mwemo mwaitulikila cuma mu manda kwene yaa a mpelelekezyo.

Yoswa 11:20

Cali ipange lyakwe Yawe kuti antu yalya yakomye imyenzo yao yacite ulwi na ina Izlaeli, pakuti wene ayalovye yonsi pyu ukwaula uluse, wakwe vino Yawe wapeezile ilamulo kuli Mose.

2 Petulo 2:9

Cii cikalanga ukuti Leza wamanya ivya kutuula antu asuma ku kweziwa kwao, nga ni vya kuvunuka antu aipe lino yacili yakulolela Wanda wa upinguzi.

2 Petulo 3:7

Lelo izwi lyakwe Leza ilyasunga mayulu nga ni nsi ino ilipo ilelo, kufika lino vilononwa nu moto. Vyene vyasungwa kufika pa wanda uno yakaifya yalapingulwa nu kononwa.

Yuda 1:6

Iusyini angeli yano asile vifulo vyao vya ulasi, nu kuvifutatila. Yene yanyepwa mu minyololo ya manda pe, mu kanda nu mu ulanda kufika pa Wanda ukulu wa upinguzi uno yalavunukwamo.

Umbwilo 2:21

Namupeela kasita kuti azenzuke, lelo wene asyalonda kufuma ku ulongozyo wakwe.

Umbwilo 6:17

Pano wanda wa ukali wao wati wiza, uzye lyene aweni angimilila?”

1 Samueli 6:6

Uzye pacani cino mukukomya imyenzo inu wakwe vino aina Eguputo na Falao kwene yacisile? Ale lyene mutale mulole, nanti wene wayacuzizye iciipisye, uzye yene yatatile aina Izlaeli kuti yapita?