Loma 2:3 - Amazwi Yakwe Leza 2013

³ Lelo yame ndu kacita viipe nga ala ukupingula auzo pali vino nawe kwene ukacita, uzye ukwelenganya vino ulaleuka upinguzi wakwe Leza?

Loma 2:3 ပူးပေါင်းရင်းမြစ်များ

2 Samueli 10:3

intunguluzi zya ina Amoni izinena Hanuni iziti, “Uzye ukwelenganya ukuti Davidi watatuma inkombe zii kunuli ku kwizalosya so pakuti alange umucinzi kuli aliwe nga nu ulanda kunuli? Awe cisi vivyo! Wene watayatuma kuno wa nengu ku kwizaendezya umusumba uu, pakuti angaucimvya!”

Yobo 35:2

“Uzye icisuma kuti wemo uvwange ukuti wewe mulungame nu kuti wewe wakaele kuli Leza?

Masamu 50:21

Ee, avino mukacita. Uzye mukulonda ukuti nani nsule sile? Uzye mukuti nani naya wakwe mwemwe? Ee, mwalola! Ilelo namunenelapo, namutotwela tonsi pyu.

Masamu 56:7

We Leza, siyavunuke pa uyi wao. We Leza antu yanko zyuze yacimvye ukali ukali.

Mapinda 11:21

Cumi kwene, antu aipe yalavunukwa, lelo yayo akacita vyaololoke Leza alayatuula.

Mapinda 16:5

Yawe wapata umwenzo wacilumba, tutangatwisika palwa kupeziwa kwakwe.

Ezekelo 17:15

Lelo umwene waku Yuda wene wasangukile umwene waku Babiloni, watumile inkombe uku Eguputo, apakuyalengako imfwalasi ni vita ivivule. Uzye umuntu wamusango ndi uo angasyuka? Uzye ndi wacita vivyo yatange yamucitepo cimwi? Uzye angonona upangano ukwaula kuti yamufulwilepo?’

Ezekelo 17:18

Pano umwene wiyo wasuula umulapo, nupya wonona upangano. Ala wene atange apusuke foo pamulandu wakucita ivintu vivyo.

Danieli 10:19

Wene avwanga ati, “We Danieli, Leza wakutemwa, acino utaleka icintu icili consi cikusakamike nanti kukoofya.” Lino wene wavwanzile cii, nemo inkomelekako nga mvwanga inti, “Musambazi, unene cino ukasi kuvwanga. Wemo watundenga ukuvwa ningo ukuluta.”

Mateo 23:33

“Mwe nzoka mwe! Mwe ana ya nzoka mwe! Uzye mulapusuka uli ku uvunuko uwamu Gehena?

Mateo 26:53

Uzye ukwelenganya vino nemo ntangandenge kuli Tata, kuti ndakai kwene antumile maumba akulu ikumi na yaili avita vya angeli?

Luka 12:14

Yesu nawe aasuka ati, “Muntu we, aweni wampeela maka akupingula nanti kwankanya ivyuma panomuli mweili?”

Luka 22:58

Lino papita kasita kanono umuntu namuze anena Petulo ati, “Nawe kwene wewe uwa munoyali.” Lelo Petulo avwanga ati, “We muntu we, ala asi nene.”

Luka 22:60

Lelo Petulo amunena ati, “We muntu we, nemo ntamanyile cino ukuvwanga.” Lilyo kwene lino acili akuvwanga, mukolwe alamula.

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

Loma 2:1

We muntu we muno ukapingula auzo, utangaleuka mulandu. Pano ndu kupingula auzo lino nawe ukacita viipe ala nawe ukuivunuka wemwisikulu.

Loma 2:2

Lyene twamanya vino upinguzi wakwe Leza kuli yakacita ya viipe uwa cumi.

Loma 9:20

Uzye wemo, wewe weni uwakupazyanya na Leza? Uzye inyungu inguzya nakamata iti, “Uzye pacani wamatile mu mwata uu?”

1 Tesalonika 5:3

Lino antu yalelenganya ukuti vyonsi vili ningo nupya mu mutende, alino lyene ulovyo ulayaponela mu kupumikizya. Wene ulayaponela wa kunyunguluka kwa mwanaci wino ali mu umbuza. Nupya yene yatalutuka.

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.