Loma 2:29 - Amazwi Yakwe Leza 2013

²⁹ Lelo Muyuda inkonko umuntu uwaya Muyuda mu mwenzo wakwe, wino mwenzo wakwe wasilamulwa. Kuu, kuli kuomba kwakwe Mupasi Wamuzilo, asi kuomba kwa Masunde yano yalembwa. Umuntu wa musango uu, asi antu akamutasya, lelo Leza akamutasya.

Loma 2:29 ပူးပေါင်းရင်းမြစ်များ

1 Milandu 29:17

We leza wane, imanyile ukuti wemo ukaezya umwenzo wa muntu ali wensi, nu kuti ukazangila mu muntu akacita ivisuma. Ndakai nailolela ni nsansa kuno antu yako yakupeela kunuli mu kuitemelwa.

Masamu 45:13

Umwi sano kwene, ali muno mwaya umwana wa mwene umwanaci, nawe pasi pakuzipa! Ilaya lyakwe lyasumwa nu usavu wakwe zaabu.

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Yelemiya 4:4

Sungini upangano uno ne Yawe napangine namwe. Mutuule imyenzo inu kunondi mwe antu amu Yuda na amu Yelusalemu. Ndi cakuti mwakana ukucita cico, ale lyene ukali wane ulalunkuma wa moto pamulandu wa vintu viipe vino mwacita. Wene ulalunkuma wa moto, nupya kusi nanti umwi alauzimya.”

Yelemiya 9:25

Yawe nupya avwanga ati, “Insita imwi iliiza lino nemo ndavunuka antu yonsi, yano yasilamulwa sile uku mwili. Antu yaa yonsi yasilamulwa, lelo ukwaula kusunga upangano uno cimililanga.

Luka 11:39

Lyene Mwene amunena ati, “Mwe Afaliseo mukafula ingako ni mbale kunzi, lelo mu myenzo inu mwazula ukakasi ni nkota.

Luka 17:21

Nupya antu yatalati, ‘Lolini, auu kuno!’ Nanti, ‘Lolini, auwa kuku!’ Pano Uwene wakwe Leza uli pakasi kinu.”

Yoane 12:43

Yene yatemilwe kulumbanyiwa na antu kuluta kutasiwa na Leza.

Yoane 4:23

Lelo kasita kakwiza, nupya kati kafika, lilyo lino yakapepa acumi yalapepa Tata mu Mupasi nu mu cumi, pano ali ndi yaa, ayano Tata watemwa kuti yamupepa.

Yoane 5:44

Uzye mungantaila uli, mwe muno mukacindikana mweisikulu, lelo mucinzi uno wafuma kuli Leza wenga, musyakuulonda?

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

Loma 2:27

Acino mwe Ayuda mulavunukwa nu muntu wensi atasilamulwa ku mwili, wino akayela Masunde yakwe Leza. Pano musyayela Masunde nanti angala mwasilamulwa ni sunde mukwetu.

Loma 3:1

Uzye lyene Ayuda yaluta Akulukuwa? Nanti uzye muzano cii uwaya mu kusilamulwa?

Loma 7:6

Lelo pali ndakai, sweswe antungwa kufuma ku kuteekwa na Masunde, pamulandu wakuti tukoline wa afwe kuli cino icatutesile uzya. Lyene tusyakutumikila Leza mu musango wakulondela Masunde, lelo mu musango upya wakulondela Mupasi Wamuzilo.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

1 Kolinto 7:19

Pano muntu ndi wasilamulwa nanti foo, cisyakusenula nanti cimwi. Cikalamba ukuyela masunde yakwe Leza.

2 Kolinto 10:18

Pano asi muntu wino akaitasya umwisikulu angazumiliziwa, lelo suka wino Mwene watasya.

2 Kolinto 3:6

Aliwe kwene akatupeela maka akutumikila mu upangano upya. Upangano uu usi pa masunde yano alembwa, lelo pa Mupasi Wamuzilo. Masunde yano alembwa yene yakaleta imfwa, lelo Mupasi Wamuzilo wene akapela umi.

Malango 10:16

Ali cino fwandi ukufuma ndakai cingazipa mwayela Yawe nupya mute kumutalamila.

Malango 30:6

Nga alino Yawe Leza winu alapeela kunomuli nu ku amu mupanda winu imyenzo iyacuvwilo, pakuti mwamutemwa ni myenzo inu yonsi nu umi winu onsi. Lyene mulikalilila mu mpanga iya manda pe.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

1 Tesalonika 2:4

Mu cifulo cakwe cii, swemo lyonsi tukalanda wakwe vino Leza akalonda kuti tucite, pano wene walola ukuti twati tulinga kupelwa mulimo wa kukosola Ilandwe Lisuma. Tusyaezya kuzanzya antu, lelo tukaezya kuzanzya Leza, wino akaezya melenganyo itu.

1 Petulo 3:4

Lelo kuyemba kwinu kulinzile kuya ukwa mukasi kinu, ukwa kukwata myenzo ifuke nupya itekele manda pe. Pa manso yakwe Leza cii icili campomvu kuluta.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”