Loma 2:27 - Amazwi Yakwe Leza 2013

²⁷ Acino mwe Ayuda mulavunukwa nu muntu wensi atasilamulwa ku mwili, wino akayela Masunde yakwe Leza. Pano musyayela Masunde nanti angala mwasilamulwa ni sunde mukwetu.

Loma 2:27 ပူးပေါင်းရင်းမြစ်များ

Mateo 3:15

Lelo Yesu amunena ati, “Ndakai leka cicitike vikwene, pano catuzipila kuti tucite ivyawololoke vyonsi vino Leza akalonda.” Alino Yoane azumila.

Milimo 13:22

“Pacisila lino wamusisya, Leza acita Davidi kuya mwene wao. Vii avino Leza wavwanzile pamulandu na aliwe, ati, ‘Nati nzana vino Davidi mwana wakwe Yese, ali muntu wino umwenzo wane watemwa, wino alacita vyonsi vino nemo nkalonda kuti acite.’

Loma 13:10

Umwi ndi watemwa umuze ale wene atalamucitila ciipe. Caleka kutemwa kuli kuyela Masunde.

Loma 2:15

Pano micitile yao ikulanga ukuti vino Masunde yakataka ivyalembwa mu myenzo yao. Ni myenzo yao kwene ikasininkizya ukuti vino Masunde yataka ivya cumi, pano limwi melenganyo yao yakayavunuka limwi yakayazumilizya mu kuluvyanya kwao.

Loma 2:20

mulangilizi wa viwelewele na kasambilizya wa antu atutu. Wemo wasininkizya ukuti mu Masunde mwaya ivya kupanda mano ni vya cumi vyonsi.

Loma 2:25

Wemo ndi ukayela Masunde yakwe Leza ale kusilamulwa kwako kungakuzipila. Lelo ndi usyayela Masunde, ale kusilamulwa kwako ukwasilesile.

Loma 2:26

Mukulukuwa wino atasilamulwa ndi akayela Masunde, uzye Leza wene atalamulola wa muntu wiya uwasilamulwa?

Loma 2:29

Lelo Muyuda inkonko umuntu uwaya Muyuda mu mwenzo wakwe, wino mwenzo wakwe wasilamulwa. Kuu, kuli kuomba kwakwe Mupasi Wamuzilo, asi kuomba kwa Masunde yano yalembwa. Umuntu wa musango uu, asi antu akamutasya, lelo Leza akamutasya.

Loma 3:30

Leza a wenga, nupya alacita Ayuda kuya aololoke pa manso yakwe kupitila mu utailo wao. Na Akulukuwa nao kwene alayacita kuya aololoke pa manso yakwe kupitila mu utailo wao.

Loma 8:4

Leza wacisile cico pakuti vino Masunde yalondanga ukuti antu yacite vifikiliziwe ningo munotuli swe muno tusyalondela ivya untunze lelo tukatungululwa na Mupasi Wamuzilo.

1 Kolinto 7:19

Pano muntu ndi wasilamulwa nanti foo, cisyakusenula nanti cimwi. Cikalamba ukuyela masunde yakwe Leza.

2 Kolinto 3:6

Aliwe kwene akatupeela maka akutumikila mu upangano upya. Upangano uu usi pa masunde yano alembwa, lelo pa Mupasi Wamuzilo. Masunde yano alembwa yene yakaleta imfwa, lelo Mupasi Wamuzilo wene akapela umi.

Galatiya 5:14

Pano Masunde yonsi iimikwa mwi lamulo lii likati, “Uwatemwa umuzo ndi vino waitemwa.”

Efeso 2:11

Caleka mwiusye vino mwemo mpiti mwali Akulukuwa. Nupya Ayuda yano akaitumika pano yasilamulwa yene yamanga mwemwe ukuti “Atasilamulwa.”

2 Timoti 3:15

nupya ukaiusya ukuti kufuma lino wali mwana munono, wemo wamanya Malembelo Amuzilo, yano yangakupeela mano akukutungulula ku kukwata utailo muli Klistu Yesu kuti akutuule.

Ayebulai 11:3

Mu utailo amuno twamanya ukuti uumbo onsi waumvilwe kwi zwi lyakwe Leza, cakuti vikaloleka vyacisilwe kufuma mu vintu vino vitangaloleka.