Loma 2:1 - Amazwi Yakwe Leza 2013

¹ We muntu we muno ukapingula auzo, utangaleuka mulandu. Pano ndu kupingula auzo lino nawe ukacita viipe ala nawe ukuivunuka wemwisikulu.

Loma 2:1 ပူးပေါင်းရင်းမြစ်များ

Luka 12:14

Yesu nawe aasuka ati, “Muntu we, aweni wampeela maka akupingula nanti kwankanya ivyuma panomuli mweili?”

Luka 19:22

Mwene wakwe amunena ati, ‘We muomvi mwipe! Namakupingula pa mazwi yako! Wamanya vino nene muntu mutale, nkatola cino ntika nupya nkazombola pano ntakomile.

Luka 6:37

“Mutapingula auzo, nga Leza nawe atalamupingula. Mutavunuka auzo, Leza nawe atalamuvunuka. Mwaelela auzo, namwe Leza alamwelela.

Loma 14:22

Leka vino wataila pali cii, viye sile pakasi kako na Leza. Walongo umuntu wino asyailola kuya uwa mulandu lino akucita cimwi cino waipingula ukuti icisuma!

Loma 2:2

Lyene twamanya vino upinguzi wakwe Leza kuli yakacita ya viipe uwa cumi.

Loma 2:3

Lelo yame ndu kacita viipe nga ala ukupingula auzo pali vino nawe kwene ukacita, uzye ukwelenganya vino ulaleuka upinguzi wakwe Leza?

Loma 3:9

Uzye lyene caya uli? Uzye swe Ayuda twaluta antu yauze? Awe cisi vivyo! Twati tulondolola mpiti ukuti Ayuda pamwi na Akulukuwa yonsi kwene yatekwa uzya na maifyo.

Loma 9:20

Uzye wemo, wewe weni uwakupazyanya na Leza? Uzye inyungu inguzya nakamata iti, “Uzye pacani wamatile mu mwata uu?”

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

1 Kolinto 7:16

Uzye lyene wamanya uli, we muci we mwina Klistu, ukuti utangatuula iya wako? Nanti we iya we mwina Klistu, uzye ungasininkizya uli ukuti utangatuula muci wako?

Yakobo 2:20

Ciwelewele we! Uzye ukulonda kuti yakulange vino utailo uno usyatungulula ku kucita milimo isuma ala wene uwasilesile?

Yakobo 4:11

Mutapelana milandu, inane. Wino wensi akapeela mwina Klistu muze mulandu nanti kumupingula, ala wene akusula masunde nu kwezya kuyapingula.