Loma 16:7 - Amazwi Yakwe Leza 2013

⁷ Natuma ulau kuli Andolonika nga na Yuniasi, Ayuda yanji yano ali pamwi nani mu ng'anda yaminyololo. Yamanyikwa cuze mu atumwa, nupya yali ankolelo pali nene kuya aina Klistu.

Loma 16:7 ပူးပေါင်းရင်းမြစ်များ

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Ezaya 45:25

Lelo muli Yawe amuno yonsi amu mupanda wakwe Yakobo yalacimvya nga yamulumbanye.’ ”

Yoane 14:20

Mu wanda ulya, mulamanya vino nemo na Tata twaya wenga, nga namwe kwene pamwi nani twaya wenga.

Yoane 15:2

Tata akasisya misambo yonsi muli nene ino isyaseeka vizao, nga yonsi ino ikaseeka, yene akaitungwila kuti izifiwe nu kuseeka vizao vingi.

Yoane 6:56

Wino wensi akulya umwili wane nu kumwa uwazi wane wene akaikala munondi, nga nani nkaikala munoli.

Loma 16:10

Natuma ulau kuli Apele wino wasininkiziwa kuya uwa cumi kuli Klistu. Natuma ulau ku amu ng'anda yakwe Alistobulusi,

Loma 16:11

Ulau kuli Helodioni, Muyuda unji nga nu ku ina Klistu, aina yane amu ng'anda yakwe Nakisosi

Loma 16:21

Timoti muomvi unji, watuma ulau wakwe kunomuli. Vivyo kwene na Lusio, Yasoni na Sosipata, Ayuda yanji, nao yatuma ulau wao.

Loma 16:3

Natuma ulau kuli Pulisila na Akwila, aomvi yanji mu kutumikila Yesu Klistu.

Loma 16:6

Natuma ulau kuli Maliya wino akatumikila cuze apamulandu winu.

Loma 16:8

Natuma ulau wane kuli Ampiliatosi cuza wane mukundwe mu Mwene.

Loma 16:9

Natuma ulau na kuli Ubanusi kwene muomvi pamwi naswe mu mulimo wakwe Klistu, nga na kuli Sitakisi mukundwe wane.

Loma 8:1

Ndakai pasi kuvunukwa kuli yano ailundanya kuli Klistu Yesu.

Loma 8:11

Ndi Mupasi wakwe Leza, wino uwazyukwile Yesu kufuma ku afwe, akaikala munomuli, ale Leza wino uwazyukwile Klistu kufuma ku afwe alapeela umi ku mili inu iikafwa.

Loma 9:3

Pano ningatemwa kuti intipwilwe pamulandu wao, mpaatulwe na kuli Klistu.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

2 Kolinto 11:23

Uzye yene aomvi yakwe Klistu? Nemo nkuvwanga wakwe cipena, lelo nemo nene muomvi wino alusile yaya. Naombesya kuluta alio, nupya nayalilwe mu ng'anda ya minyololo maila aingi kuluta alio. Nanyambozilwe maila aingi kuluta alio nga lyonsi nali mu uzanzo wa kufwa.

2 Kolinto 12:2

Namanya muntu umwi umwina Klistu wino pa myaka ikumi na ini ino yapita wasenzilwe kupela kwi yulu lyalenga yatatu. Ntamanyile ndi wasenzilwe mu mwili nanti foo. Leza sile awino amanyile ningo.

2 Kolinto 5:17

Lino umuntu wailundanya kuli Klistu, wene akaya ciumbwa cipya. Vyampiti vyasila, vyonsi vikaya vipya.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Galatiya 1:22

Pa nsita ilya vilundwa vyamu mauvi amu Yudeya vitatazile vindole nu kumanya.

Galatiya 2:2

Napisile pamulandu wakuti Leza wasokolwile kunondi ukuti ndinzile mpite. Lino twakomenkine ni ntunguluzi mu nkama nalondolwile Ilandwe lino nakosozile ku Akulukuwa. Nalondanga kusininkizya vino mulimo wane pa mpiti nga nu mu nsita ikwiza utaya uwasilesile.

Galatiya 2:6

Lelo yao alolekanga kwati intunguluzi, nkulanda cii kunoyali pano kunondi ntasakamile vino yali. Leza asyapingula umuntu ku milolekele ya kunzi. Intunguluzi zizyo zitalunda cimwi cipya kwi Landwe.

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Galatiya 6:15

Cisi cimwi ndu muntu angasilamulwa nanti foo. Cikalamba ukuya nu umi upya.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Kolose 4:10

Alisitako ali pamwi nani mu ng'anda yaminyololo. Wene watuma ulau kunomuli, vivyo kwene na Mako, muvyala wakwe Banaba. (Mwemo mwapokelela utunguluzi pali vino mungapokelela Mako ndi cakuti angiza kunomuli.)

Filimoni 1:23

Epafula, wino ali pamwi nani mu ng'anda yaminyololo pamulandu wa kutumikila Klistu Yesu, akukulamuka.

1 Yoane 4:13

Twasininkizya ukuti tukaikala muli Leza nawe akaikala munotuli, pano wene watupeela Mupasi wakwe.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.