Loma 16:18 - Amazwi Yakwe Leza 2013

¹⁸ Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

Loma 16:18 ပူးပေါင်းရင်းမြစ်များ

2 Samueli 15:6

Fwandi vivyo avili vino Abusalomu wacitanga ku mwina Izlaeli ali wensi uwiza ku mwene ku kupingulwa. Vii, avino walenzile aonsi amu Izlaeli yamutemwe.

2 Milandu 18:5

Fwandi Aabu nawe ali vino wakonganike yakasema yano yali manye imyanda ini ni mpuzyo, nga ayuzya ati, “Uzye tuce tuye ku kulwisya umusumba wa Lamoti umu mpanga yaku Gileadi nanti foo?” Nayo yamwasuka yati, “Muce muye, pasi pano Yawe aliwe alamupeela amaka ya kucimvya.”

Masamu 119:130

Ulondolozi wa mazwi yako uli wa luswepo, wene ukaletela imbutuma amano.

Masamu 12:2

Yonsi yakatumpwilana. Yakalyongofya apa tunwa twao, nupya yaya ni ndimi ziili.

Masamu 19:7

Amasunde yakwe Yawe yaya alungame. Yakapeela umi upya. Upinguzi wakwe Yawe uwa cumi. Ukapela amano kuli yao akayalonda.

Mapinda 14:15

Umuntu iciwelewele wene akataila muli vyonsi kwene, lelo uwa mano wene akawaka imipitile yakwe.

Mapinda 22:3

Umuntu wamano akacevya uzanzo ungamuzana nu kuutuka autuka, lelo iciwelewele cene cikaitwala sile umu mazanzo.

Mapinda 8:5

Mwe mbutuma mwe, ala sambililini ukucenjela kunondi, vipuwa mwe, kopini amalango.

Yelemiya 23:17

Yene yalayuumilila sile mu kunena yano yasuula Leza ukuti yalaya nu longo. Na wiyo wensi wino akalondelela ulunkumbwa lwa mwenzo wakwe uumalale ala yakumunena ndi vino uzanzo utalamuponela foo.”

Ezekelo 13:16

yakasema ya ina Izlaeli yano yasesemelanga Yelusalemu nu kumulolela ivilolwa vya longo, lino kutali nu longo. Ivyalanda ne Yawe Simwandalali.’ ”

Ezekelo 13:19

Mukanzewanya apa manso ya antu yane, apakuti mulole utungano twakwe baale tumwi utwa pikufi, nga nu tumokolwa twa mukate. Pasi pano mukakoma antu atalinzile nu kufwa, nu kupususya atalinzile nu kwikala muno nsi. Mukasomba antu yane yano yatemwa ukuuvwa vyaufi.’”

Danieli 11:34

Lino ukukomwa kucili kukutwalilila, antu yakwe Leza yalaazwiliziwa panono, nanti angala aingi ailundanya kuno yali yalacita cico pamulandu sile wakwe ukaitemwe.

Mika 3:5

Yawe wavwanga wati, “Antu yane yasombwa na yakasema yamwi, yano yakapumbola antu. Ndi umwi wayimula, yene yakamulaya umutende, lelo ndi atacisile vivyo, yene yakamunena amazwi ya misindicila a nkondo.”

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Mateo 24:11

Na yakasema yaufi aingi yalaloleka nu kusomba antu aingi.

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

Mateo 7:15

“Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali.

Yoane 12:26

Wino wensi akulonda kuntumikila alinzile kundondela, kuti kuno naya, nu muomvi wane kwene aye nani. Tata alacindamika wensi akantumikila

Loma 14:18

Umwi ndi akutumikila Klistu mu musango uu, ale lyene amazanzya Leza, na antu nayo yamamucindika.

Loma 16:19

Antu yonsi yuvwa vino mwaya acumi kwi Landwe Lisuma nga pamulandu kwene uu, nemo ndi nu luzango pali mwemwe. Nkulonda muye a mano pali cino icili cisuma, lelo muye akaele mutakumako ku viipe.

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.

2 Kolinto 4:2

Swemo tusyacita vintu vya nsonyi vino vikacitwa mu nkama. Caleka tusyacita vya usomvi nanti kupililika Ilandwe lyakwe Leza. Leza ali kambone witu ukuti vino tukulanda vyene ivya cumi. Caleka antu yauze muli yakampingu yao yangasininkizya ukuti sweswe yakutailwa.

Galatiya 1:10

Uzye pakulanda vii nkwezya kuzanzya antu nanti Leza? Awe cisi vivyo! Nemo nkasi kuzanzya Leza! Uzye nkwezya kuti ndumbuke ku antu! Ndi avino nkwezya kucita, lyene ntangaya muomvi wakwe Klistu.

Filipi 2:21

Cila muntu akasakamala pa vintu vyakwe umwisikulu, kwaula kusakamala mulimo wakwe Yesu Klistu.

Filipi 3:19

ukuti antu yaa yalasumbwa kuzimo! Yene yakapepa inda zyao nu kuitumika pa vintu vino yalinzile ukuuvwa insonyi. Yene yakaelenganya sile pa vintu vya muno nsi.

Kolose 2:4

Nkumunena, lyene, mutaleka umuntu umwi amutumpoke na mazwi antumpu, nanti angala yanguvwika kuya acumi.

Kolose 3:24

Mwiusye ukuti Mwene alamupeela icilambu, na cico upolelelo uno wasungila antu yakwe. Pano mucumi Klistu ali Musambazi wino mukatumikila.

2 Tesalonika 2:10

Wene alaomvya inkota pa kusomba yao yano yalalowa. Antu yao yalalowa pamulandu wakuti yatazumile nu kutemwa cumi pakuti yatuulwe.

1 Timoti 6:5

nga na lyonsi vikanza vikufuma ku antu yano myenzo yao isi ya mpomvu nupya yatakwata cumi. Yene yakaelenganya ukuti amapepo ili nzila yakuzanilamo ukama.

Yakobo 1:1

Kalata kufuma kuli ne Yakobo, muomvi wakwe Leza nu wa Mwene Yesu Klistu. Nkulamuka antu yakwe Leza yonsi mitundu ikumi na ili asalangana konsi mu nsi.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.

Yuda 1:12

Antu yaa, mu vicitwa vyao vyansonyi yakolana na maala akowele lino mu kulya nao vimulo vinu vya utandano. Yakaisakamala sile aisikulu. Yakolana na makumbi akaululwa nu muza, lelo yatangaleta imvula. Yakolana ni miti isyaseeka vizao pa nsita yakweyo, ino yuuma, yatukulwa kumwi na masinte.

Yuda 1:16

Antu yaa, yakailizyanya lyonsi nu kutwika auze milandu. Yene yakalondela vya lunkumbwa vyao viipe. Yakaitutumula nga nu kucindika auze mwi syente kuti yazanilemo muzano.

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.

1 Samueli 2:29

Nga nupya pacani cino ungatumbwila amanso nu kuzazila amawila yano nanenyile antu ukundetela? Uzye pacani cino ungacindikila ana yako aonsi ukuluta pali nene pa kuyata yiine pa kuilyokezya ukulya amawila asuma wakwe cimwi yano antu yane aina Izlaeli yapeela?