Loma 16:12 - Amazwi Yakwe Leza 2013

¹² Natuma ulau wane na kuli Tulafaeni na Tulafosa, akatumikila Mwene, nga na kuli cuza wane mukundwe Pesisi, uwaomba mulimo ukulu cuze uwa Mwene.

Loma 16:12 ပူးပေါင်းရင်းမြစ်များ

Mateo 5:47

Ndi mwalamuka aina inu sile, ale pasi cimwi cino mukucita kuluta pali cino yauze yakacita. Uzye Akulukuwa yasyacita cili conga kwene?

Mateo 9:38

Caleka pepini ku mwine wa uzombozi kuti atume aomvi nayauze ku uzombozi wakwe.”

Loma 16:11

Ulau kuli Helodioni, Muyuda unji nga nu ku ina Klistu, aina yane amu ng'anda yakwe Nakisosi

Loma 16:13

Natuma ulau kuli Lufusi, muomvi wa kuzunguka mu kutumikila Mwene, nga na kuli nyina wino akansunga lyonsi wa mwana wakwe.

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

1 Kolinto 16:16

londelini utunguluzi uwa antu ali ndi yaa, nga nayauze yano akaomba nu kutumikila pamwi nao.

Kolose 1:29

Pakuti cii cicitwe nemo nkuomba nu kulwisya, ala nkuomvya maka yano Klistu akampeela, nupya yano yakuomba munondi.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

1 Timoti 4:10

Acino swemo tukalwisya nu kuombesya, nu kwezya kucimvya pamulandu wakuti twika upaalilo witu muli Leza wa cumi. Wene ali Katuula wakwe onsi, maka maka yao yonsi ataila.