Loma 15:5 - Amazwi Yakwe Leza 2013

⁵ Leza, wino akatupeela maka akuteeka myenzo nu kukomeleka, amwazwe mwikale ni lango lyonga lino mukulondela mwata wakwe Klistu Yesu.

Loma 15:5 ပူးပေါင်းရင်းမြစ်များ

2 Milandu 30:12

Ikasa lyakwe Yawe lyali na pa antu aku Yuda, kuti aleke ukuti yonsi yakwate amapange na kampingu wa mpomvu umu kulondela iceo cakwe na mazwi ya malombwe yakwe.

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

Kufuma 34:6

Apita ku nkolelo yakwe Mose nga apunda ati, “Nene Yawe, Yawe, Leza wa luse na mizu, asisoka zuwa, uwazula nu kutemwa kwa manda pe, uwatailwa na antu yakwe.

Yelemiya 32:39

Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.

Ezekelo 11:19

Ndayapeela umwenzo upya, nga ndiika umi upya munoyali. Ndafumya umwenzo ukome wi we muno yali nu kuyapeela umwenzo utonte wa munyefu.

Milimo 4:32

Iumba lya antu azumile lyali nu mwenzo onga ni lango lyonga. Kutali wakuti ati vintu vii ivyakwane nenga sile, lelo yonsi yankananga vintu vyao vyonsi.

Loma 12:16

Mwasakamalana, mutaitumika lelo mwazumila ukuombela na antu yasilesile. Mutailola kuya a mano.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Loma 15:3

Pano Klistu nawe kwene ataizanzyanga umwisikulu. Lelo cili ndi vino calembwa mu malembelo cati, “Antu amutuka ala nani kwene yantuka.”

1 Kolinto 1:10

Inane mwi zina lya Mwene witu Yesu Klistu nkumupapata mwensi, kuti, mwazumilizyanya muli vino mwalanda, pakuti kutaya kupaatukana munomuli. Muye alemane cuze a mwenzo onga na melenganyo ali yamwi.

2 Kolinto 13:11

Ndakai, inane, nkuti tukateni! Mupikintike kuya afumaluke. Uvwini kupapata kwane. Ezyini kuzumilizyanya nga nu kwikala mu mutende pakasi kinu. Leza ali ntulo ya kutemwa nu mutende, aye namwe.

2 Kolinto 7:6

Lelo Leza akakomelezya antu atonte myenzo nupya watukomelizye lino watumile Tito kuno tuli.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Filipi 2:2

lyene mukafikilizya nsansa zyane. Mwikale mukusakamalana pa kulanga kutemwana. Mulemane mukwelenganya kwati limwi ukwelenganya kwa muntu wenga.

Filipi 3:16

Nanti cingaya vivyo, lekini swemo twaya nkolelo kulingana nu utantiko uno twalondela kufika na ndakai.

Filipi 4:2

We, Yuodia na Sintinke, nkumupapata kuti mwauvwana pano mwemwe yamangu aina mu Mwene.

1 Petulo 3:20

Ii yali mipasi yakwe yao atayelanga Leza mu manda yano Nowa wapanganga cange. Lelo Leza waitekelile. Antu yanono sile kulingana na cinani, yano ali mu cange, alio yatuuzilwe ku manzi.

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

2 Petulo 3:15

Mutailila ukuti Leza wateka mwenzo pano wene akalonda kuti antu yatuulwe. Cikwene acino Paulo, cuza witu mukundwe wavwanzile lino wamulembile kulingana na mano yano Leza wamupile.

2 Petulo 3:9

Leza atazingota pa kucita cino walaya, ndi vino yamwi yakaelenganya. Lelo Wene akateeka mwenzo kunomuli, pamulandu wakuti wene asyalonda kuti muntu umwi akononwe. Wene akalonda kuti antu yonsi yazenzuke.