Loma 15:32 - Amazwi Yakwe Leza 2013

³² Acino lyene Leza ndi akasi ndiza kunomuli nu luzango cuze, nga ndatemwa pa kumutandalila nupya.

Loma 15:32 ပူးပေါင်းရင်းမြစ်များ

Mapinda 25:13

Ivyaya ukuzuka kwakwe cuma umu nsita yakusinza, ali vino inkombe yacisinka yaya kuli wiyo aitumile. Pano ikakolopezya umwenzo wa musambazi wakwe.

Milimo 18:21

Apa kupita lino akuyapakasya, ayanena ati, “Ndawela nupya kunomuli, ndi Leza akasi.” Alino apatama mu wato, afuma ku Efeso.

Milimo 27:1

Lino yapingula ukuti tuli nu kuya ku Italya mu wato, Yapela Paulo na anyepwe yauze kuli Juliasi musika wa asilika, uwali uwamu mpuka ya vita ino yatangi Impuka yakwe kateeka Agostino.

Loma 15:29

Lino ndiza kunomuli, manyile vino ndiza mu kuvulilwa kwa upolelelo wakwe Klistu.

1 Kolinto 16:18

Yene yandenzile kuvwa ningo kuluta, wakwe vino namwe yamulenzile kuvwa ningo. Antu ali ndi yaa mulinzile kuyataizya.

1 Kolinto 4:19

Ndi cakuti Mwene akasi, ndiza zuwazuwa kunomuli, nga lyene nemwisikulu ndalondelezya milimo ya antu yaa amataki ndi yakuomba nanti kuvwanga sile.

2 Kolinto 7:13

Acino naswe twakomeleziwe cuze. Nu kuluta pa kukomeleziwa, catuzanzizye cuze pakulola vino Tito wali nu luzango pano mwensi mwamupile nsansa lino wali namwe.

2 Timoti 1:16

Mwene aye na mizu ku amu ng'anda yakwe Onesifolasi, pano wene wansansamusyanga maila aingi. Wene atali ni nsonyi pamulandu wakuti nemo nali mu ng'anda yaminyololo.

Filimoni 1:20

Caleka mwinane, nakupapata uncitile uwazwilizyo pamulandu wa Mwene. Wa mwina muli Klistu, wemo ulinzile kunsansamusya!

Filimoni 1:7

We mwinane mukundwe, kutemwa kuno wakwata kwatuletela luzango lukulu nu ukomelezyo cuze! Wemo wasansamusya myenzo ya antu yakwe Leza onsi.

Yakobo 4:15

Mulinzile kulanda muti, “Ndi cakuti Mwene akasi, swemo tulaya nu umi nu kucita cii nanti cica.”