Loma 14:9 - Amazwi Yakwe Leza 2013

⁹ Pamulandu kwene uu Klistu wafwile nu kuzyukuka kufuma ku mfwa, kuti aye Mwene wa afwe na aumi.

Loma 14:9 ပူးပေါင်းရင်းမြစ်များ

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Luka 24:26

Uzye citalondekwanga ukuti Katuula uwalavilwe acule mu vintu vii nga alino aingile mu lulumbi lwakwe?”

Yoane 12:24

Cumi namunena vino lupece lwa ngano luno lwaponela mu musili lutanga sanduluka, suka ndi lwatala lwafwa. Lelo ndi lwafwa, lyene lumaleta mpece zyuze zingi lino lwaseeka.

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Milimo 10:42

Wene watupile ilamulo kuti twakosola ilandwe ku antu, nga nu kupeela umboni vino wene ali wino Leza wasonta kuya kapingula wa antu, aumi na afwe kwene.

Loma 10:9

Pano ndi walanda pa kanwa kako ukuti Yesu Klistu u Mwene, nu kutaila mu mwenzo wako vino Leza wamuzyukwile kufuma ku afwe, lyene ulatuulwa.

2 Kolinto 5:14

Kutemwa kwakwe Klistu ukukatupindulula pano twamanya kwaula kutwisika kuti muntu wenga wafwilile antu onsi, lyene swensi kwene twakuma ku mfwa yakwe.

1 Tesalonika 4:14

Swemo twataila ukuti Yesu wafwile nga nupya wazyukwike. Caleka twataila ukuti cilaya cili cimwi kwene na kuli yao afwa nu utailo muli Yesu. Leza alayazyukula nu kayaleta pamwi na Yesu.

1 Tesalonika 5:10

Klistu watufwilile, pakuti tungikala pamwi nawe nanti angala tulaya afwe nanti apuma pa kwiza kwakwe.

2 Timoti 4:1

Pa manso yakwe Leza nga na Klistu Yesu, wino alapingula antu aumi na afwe, nga nu kwiza ku kuteeka, nkukupeela ilamulo nu kukupapata cuze,

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

1 Petulo 4:5

Lelo yalalondolola kuli Leza wino waiteyanya kupingula antu aumi na afwe kwene.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Umbwilo 2:8

“Lemba ku ntunguluzi yakwi uvi ku Similina uti, “Lii ilandwe kufuma kuli wino uwakutandika nupya uwakusyalikizya. Wene wafwile nupya ali nu umi.