Loma 14:6 - Amazwi Yakwe Leza 2013

⁶ Wino wensi akacindikisya uwanda umwi, wene akacita cii mu kucindikilamo Mwene. Na wino wensi akalya cilyo cili consi wene akacita cii mukucindikilamo Mwene, pano akataizya Leza pa cilyo. Na wino wensi akakana kulya vintu vimwi, wene akacita cii mukucindikilamo Mwene nga nu kutaizya Leza.

Loma 14:6 ပူးပေါင်းရင်းမြစ်များ

Kufuma 12:14

Uwanda uu, uwa ciusizyo. Mulinzile kuzevya pa wanda wakucindikilapo Nene ne Yawe. Mwazevya uwanda uu mu mikulo inu yonsi.”

Kufuma 12:42

Mu usiku wa wanda kwene ulya alino Yawe wacesizye nu kuyatungulula pa kuyafumya mu Eguputo. Acino usiku wa wanda uu Yawe waipaatwila ku nkulo zyonsi. Usiku wa wanda uu aina Izlaeli yonsi yakacesya pa kucindika Yawe.

Kufuma 16:25

Mose anena antu ati, “Ilelo lini vikwene, pano ilelo uwanda wi Sabata, uwanda wakupuza uwapaatulwa kuli Yawe. Ilelo mutakuyazana cakulya kunzi ya nsakwe.

Ezaya 58:5

Lino mukuta ukulya, mukaicuzya sile mwe eneco, mukakontamika imitwe inu kwati amusanze wino watakunga ulumi, nu kulala pa visakati nu mwitwi, uzye mwemo mukuti ali kuta ukulya? Uzye uli wanda uno Yawe angatemwa, vwile?

Zakaliya 14:21

Intendo ili yonsi mu Yelusalemu nu mpanga yakwe Yuda ilasanguka icuma camuzilo cakwe Yawe Wamaka yonsi. Yonsi alalonda ukoca impolelwa, yalazitoola nu kuziomvya apakwelekela inyama wa mpolelwa kuli Yawe. Pa wanda ulya mutalayamo aculuzi mu Ng'anda ikulu yakwe Yawe Wamaka yonsi.

Mateo 14:19

Alino apeela ilamulo ku antu kuti ikale pa masote. Alino Yesu atoola mikate isano ni nswi ziili, alingamila kwiyulu, ataizya kuli Leza. Lyene amokoola mikate, nga apeela alondezi yakwe nga nao yapela antu.

Mateo 15:36

Lyene atoola mikate cinimbali nu tuswi, nga pacisila ca kutaizya kuli Leza, aimokoola, apeela alondezi yakwe, nao yapela kwi iumba.

Yoane 6:28

Nao yamuzya yati, “Uzye lyene tulinzile kucita cani kuti tucite vino Leza akalonda?”

Galatiya 4:10

Mwemo mukazevya nu kucindika manda, myezi, tusita nga ni myaka imwi.