Loma 14:19 - Amazwi Yakwe Leza 2013

¹⁹ Caleka tulinzile kwezya kwikala mutende nu kwazwana kukwata utailo ukome.

Loma 14:19 ပူးပေါင်းရင်းမြစ်များ

Masamu 133:1

Lolini vino cazipa navino cazanzya antu yakwe Leza, ukwikala pamwi wa cina nyina!

Masamu 34:14

Tiini ukucita iviipe, mwacita sile ivisuma. Mwatemwa ukwikala umu longo, nu kwikala kwene avino mwikale.

Mateo 5:9

Alongo antu akaelezyanya. Pano yalaamwa ana yakwe Leza.

Mako 9:50

“Umusilya uusuma, lelo ndi wazunduka uzye nupya ungaukalifya uli? Uwikazi winu uye kwati ucemekwe nu musilya nga muye nu mutende pakasi kinu.”

Loma 12:18

Citini vyonsi vingacitwa pakuti mwikale mu mutende na antu onsi.

Loma 15:2

Lelo cila muntu aezya kuzanzya mwina atali akome pakuti akomelezye utailo wakwe.

1 Kolinto 10:23

Swemo tungati, “Vintu vyonsi vyazumiliziwa kunotuli,” lelo asi vyonsi vingatwazwa. Vintu vyonsi vyazumiliziwa, lelo asi vyonsi vili nu muzano.

1 Kolinto 10:33

Mwacita sile ndi vino nani nkacita, kwezya kuzanzya antu yonsi muli vyonsi vino nkacita, kwaula kuyelenganyizizya visuma nemwisikulu, lelo visuma vya kwazwa yauze pakuti yangatuulwa.

1 Kolinto 14:26

Inane, lino mwakongana ku kupepa, vii avino cilinzile kuya, umuntu umwi akwimba umwi asambilizya, umwi aumbula vino Leza wamunena, umwi alanda mu ndimi zitamanyika umwi nawe alondolola vino mazwi amu cilimi cico yakusenula.

1 Kolinto 14:3

Lelo umuntu wino akasema ilandwe kufuma kuli Leza wene akalanda ku antu ala akuyazwa, akuyakomelezya, nga nu kuyatekezya.

1 Kolinto 14:4

Umuntu wino akalandila mu ndimi zitamanyika wene akayazwa umwisikulu sile, lelo wino akasema ilandwe kufuma kuli Leza wene akaazwa iuvi lyonsi.

1 Kolinto 14:5

Ningatemwa kuti mwensi kwene mwalandila mu ndimi zitamanyika. Lelo cingazipisya ndi mwakweti uwila wa kusema ilandwe kufuma kuli Leza. Pano umuntu wino akusema ilandwe kufuma kuli Leza, waluta wiyo akalandila mu ndimi zitamanyika, suka ndi pali umwi pipi uwakulondolola vino vikulandwa, pakuti iuvi lyonsi lyazwiwe.

1 Kolinto 7:15

Lelo nanti cingaya vivyo, wenga wino atataila akulonda kuti yatane na wiyo ali mwina Klistu, lekini cicitike vivyo kwene. Lino caya vivyo, ndi wenga munoyali mwina Klistu, cingaya a iya nanti muci, wene umuntungwa kucita cico. Leza wamwama kuti mwikale mu mutende.

1 Kolinto 8:1

Muli kalata wino mwandembile mwanguzizye pamulandu ni vyakulya vino vyapeelwa mpolelwa ku tuluwi. Cacumi, swensi kwene tumanyile pa cintu cii. Lelo kumanya kwene kuu, kukatulenga kuitutumula pamulandu witu sweisikulu, lino kutemwa kwene kukatulenga kwazwa yauze.

2 Kolinto 12:19

Limwi mukwelenganya ukuti lyonsi lii swemo twezyanga kuicingilila sweisikulu pa manso inu. Awe! Swemo tukalanda ndi vino Klistu akalonda kuti twalanda pa manso yakwe Leza. Yakundwe itu, vyonsi vino tukacita ivyakuti vimwazwe.

2 Kolinto 13:11

Ndakai, inane, nkuti tukateni! Mupikintike kuya afumaluke. Uvwini kupapata kwane. Ezyini kuzumilizyanya nga nu kwikala mu mutende pakasi kinu. Leza ali ntulo ya kutemwa nu mutende, aye namwe.

Efeso 4:12

Lyene antu yakwe yalasambilila kutumikila nga nu mwili wakwe Klistu nao ukomeleke.

Efeso 4:29

Mutaomvya mazwi akucisa. Lelo omvini mazwi asuma akwazwa, mazwi akakuula nu kupeela vikulondekwa, pakuti vino mukulanda viye vyakwazwa yao akumuvwa.

1 Timoti 1:4

Uyanene kuti yate kulanda vilai ni mitande itali ya mazina ya vikolwe, vivyo vikaleta sile vikanza. Vii visyaazwa kuomba mulimo wakwe Leza, uno ukaombwa mu utailo.

2 Timoti 2:22

Fumako ku matunko yano ance yakaponelamo, nupya uwalwisya kucita vyawololoke, kuya nu utailo, kutemwa, nga nu mutende. Wacita cii pamwi na yao aswepa myenzo, nupya yano akalenga Mwene kuti ayazwe.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

1 Petulo 3:11

Wene alinzile kuzenzuka ku viipe, atandike kucita visuma. Nupya alinzile kucita vya kuleta mutende nu mwenzo wakwe onsi.