Loma 14:14 - Amazwi Yakwe Leza 2013

¹⁴ Mu kuilundanya nu Mwene Yesu Klistu, nasininkizya vino Leza wacita vyakulya vyonsi kuya visanguluke. Lelo ndi ukwelenganya ukuti vyakulya vimwi ivikowele, ale lyene kunuli ivikowele.

Loma 14:14 ပူးပေါင်းရင်းမြစ်များ

Mako 7:2

Yalola kuti alondezi yakwe yamwi yalyanga ni minwe ya mifitalila.

Milimo 10:28

Alino ayanena ati, “Mwemo mweisikulu mwamanya ningo vino Muyuda, ukulingana ni mipepele yakwe, atazumiliziwa ukulanda nanti ukuminkana na Akulukuwa. Lelo Leza watandanga vino ntalinzile nataka umuntu umwi ukuti wakowela nanti atasanguluka.

Loma 14:2

Muntu umwi akaelenganya vino angalya cilyo cili consi, lelo umuntu muze wino atali akome mu utailo akalya sile musalu.

Loma 14:20

Mutaleka indya inu yonone mulimo wakwe Leza. Vyakulya vyonsi vilinzile kuliwa, lelo caya ukuluvyanya lino mwalenga auzo ukwifya pamulandu wa vyakulya vino mukalya.

Loma 14:23

Lelo ndi akutwisika pali vino akalya, ale ali nu mulandu pano micitile yakwe isi pa utailo. Na consi cisi pa utailo ala iifyo.

1 Kolinto 10:25

Nanti cingaya vivyo, mwemwe antungwa kulya cintu cili consi cikakaziwa mwi sokoni lya nyama, kwaula kuuzya iuzyo nanti lyonga pakuti mutasakamika myenzo inu.

1 Kolinto 8:10

Ndi cali umuntu akweti mwenzo uutonte wakulola we muno ukweti “Kumanya” ukulya vyapeelwa impolelwa ku tuluwi, uzye cii citalamukomelezya kulya vyakulya vyapeelwa impolelwa ku tuluwi?

1 Kolinto 8:7

Lelo asi yonsi amanya cumi cii. Antu yamwi aingi mu kukula kwao yataila vino tuluwi twaya nu umi. Caleka lino yakulya vyakulya vya musango uu, yene ala yacili yakwelenganya vino yakulya vyakulya vyapeelwa ku tuluwi. Myenzo yao yatonta, nupya yakoweziwa.

1 Timoti 4:4

Vintu vyonsi vino Leza waumvile ivisuma. Kusi cimwi cino umuntu angakana ndi capokelelwa ni ntaizyo kuli Leza.

Tito 1:15

Vintu vyonsi ivisanguluke kuli yao akwata myenzo isanguluke. Lelo kusi cimwi icisanguluke kuli yao akowela nupya atataila. Yene yakwata kwelengenya kukowele ni myenzo yao yakowela.