Loma 14:13 - Amazwi Yakwe Leza 2013

¹³ Caleka lyene tute kupingulana. Lelo mu cifulo cakwe cii, tulinzile kuntacita cingalenga munyonko aponele mu kwifya.

Loma 14:13 ပူးပေါင်းရင်းမြစ်များ

2 Samueli 12:14

Lelo kwene nanti ciye vivyo, umwana wako wene alinzile ukufwa pano wemo wacisile imisuli kuli Yawe.”

Ezaya 57:14

Yawe walanda wati, “Lekini antu yane yaweluluke kunondi. Panzini umuseo ukalamba. Mu uzifye, mufumyemo na vyonsi vino vingayacilikila inzila.”

Ezekelo 14:3

“We mwana wa muntu, antu yaa yatiyika imyenzo yao ku tuluwi twao, nu kwika amanso yao pa vintu vyuze vyakupumika kweneko. Uzye yene yakwelenganya ukuti nemo ndayaasuka lino yanguzya?

Aina Levi 19:14

Utatipwila cipuuli nanti kwika icintu cimwi cakupumikako ku nkolelo ya mpafu. Waoopa Leza. Nene indi Yawe Leza wako.

Mateo 16:23

Lelo Yesu aseleuka, asinkola Petulo ati, “Fuma pano, Ciwa! Kunondi ukoline wa cisiki mu nzila, pano amelenganyo yako yatafumile kuli Leza, lelo auntunze.”

Mateo 18:7

Kalanda ku antu mu nsi pamulandu wa vintu vino vikalenga antu ukwifya. Pano ukwifya kumayangako lyonsi, lelo kalanda ku muntu wino akulenga kuti antu yaifya.

Mateo 7:1

“Mutapingula auzo, kuti namwe Leza atakamupingule.

Luka 12:57

“Uzye pacani mwemo musisolola kucita cisuma?

Luka 17:2

Cazipila umuntu wiyo kumunyepelela iwe lyakusiila likulu mu nsingo nu kumusumbila muli yemba, kuluta kuti aleke wenga uwamu ana anono kwifya.

Loma 11:9

Na Davidi wavwanga ati, “Lekini vimulo vyao viye ulukose lwakuyateya pakuti yapone nga yavunukwe.

Loma 14:10

Uzye wemo we muno ukalya sile musalu, pacani ukupingula munyonko akalya cilyo cili consi? Nawe we muno ukalya cilyo cili consi, uzye pacani ukasausya munyonko? Swensi kwene tulimilila pa manso yakwe Leza kuti atupingule.

Loma 14:3

Muntu akalya cili consi atalinzile kusula wino akasola vyakulya, vivyo kwene na akalya musalu atapingula akalya cili consi pano avino Leza wamuzengela.

Loma 14:4

Uzye wewe weni uwakupingula muomvi wa muntu umwi? Musambazi wakwe aliwe alinzile kulola ndi akuomba ningo nanti akuposiwa. Wene alaomba ningo, pano Mwene waya na maka akuti aleke aombe ningo.

Loma 16:17

Nkumupapata mwe inane, mucenjele kuli yao akapatukanya iuvi nu kuvulunganya utailo wa antu pa kuntacita vintu vino mwensi mwasambiliziwe. Fuminiko kunoyali, muyasoloke.

1 Kolinto 10:32

Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

1 Kolinto 11:13

Muipingule mweisikulu ndi cilinzile kuti mwanaci apepa kuli Leza pa ukongano wa mapepo, kwaula kuvimba cimwi ku mutwe wakwe.

2 Kolinto 5:14

Kutemwa kwakwe Klistu ukukatupindulula pano twamanya kwaula kutwisika kuti muntu wenga wafwilile antu onsi, lyene swensi kwene twakuma ku mfwa yakwe.

2 Kolinto 6:3

Swemo tusyakulonda umwi azane kuluvyanya mu mulimo witu, acino tukwezya na maka kuntaleta intazi.

Filipi 1:10

pakuti lyene mwamanya kusolola ivili visuma kuti mukazanwe asanguluke aula mulandu pa Wanda wa kwiza kwakwe Klistu.

1 Timoti 5:14

Acino nemo ningatemwa ukuti yamukamfwilwa acili akazyana, yatwalwe, yavyala ana, yasunga mang'anda yao ningo, pakuti yataleka anisi itu yalanda viipe pali sweswe.

Yakobo 2:4

ale lyene muli nu mulandu wakucita upinguzi uno wimikwa pa kwelenganya kwipe.

Yakobo 4:11

Mutapelana milandu, inane. Wino wensi akapeela mwina Klistu muze mulandu nanti kumupingula, ala wene akusula masunde nu kwezya kuyapingula.

1 Yoane 2:10

Wino wensi akatemwa umwina wakwe wene ali mu luswepo, nupya munoli musi cimwi icingalenga umuntu umwi kwifya.

Umbwilo 2:14

Lelo nkuilizyanya pa vintu vimwi vinono. Munomuli mwaya yamwi akayela usambilizyo wakwe Balamu, wino uwasambilizye Balaki ivya kutungulula aina Izlaeli mu kwifya apa kuyaongola kuti yalya ivyakulya ivyapeelwanga ku tuluwi, nga na kuti yalongozya.