Loma 14:10 - Amazwi Yakwe Leza 2013

¹⁰ Uzye wemo we muno ukalya sile musalu, pacani ukupingula munyonko akalya cilyo cili consi? Nawe we muno ukalya cilyo cili consi, uzye pacani ukasausya munyonko? Swensi kwene tulimilila pa manso yakwe Leza kuti atupingule.

Loma 14:10 ပူးပေါင်းရင်းမြစ်များ

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

Kasambilizya 12:14

Endi, Leza alatupingula pa vintu vyonsi vino tukacita, cisi cimwi viye ivisuma nanti iviipe, nanti ivintu ivyacitwa mu nkama.

Mateo 7:1

“Mutapingula auzo, kuti namwe Leza atakamupingule.

Luka 18:9

Yesu aumila antu yamwi mulumbe, yano aitailanga vino yene yali aololoke nupya asulanga auze onsi. Ayanena ati,

Luka 23:11

Lyene Helodi na asilika yakwe yatumfya Yesu nu kumusaalula. Alino lyene yamuzwika umwingila uyembe cuze, yamuswilizya kuli Pilato.

Yoane 5:22

Pano Tata asyapingula umuntu ali wensi. Lelo wapela Mwana insambu yonsi yakupingula,

Milimo 10:42

Wene watupile ilamulo kuti twakosola ilandwe ku antu, nga nu kupeela umboni vino wene ali wino Leza wasonta kuya kapingula wa antu, aumi na afwe kwene.

Milimo 17:31

Pano wimika uwanda uno alapingwilapo antu yonsi amu nsi mu wololoke ukupitila muli wino wasola. Wapela icisininkizyo pali wensi pakuzyukula umuntu wilya kufuma ku afwe!”

Milimo 4:11

Yesu ali wino malembelo yakati, ‘Iwe lino mwe yakakuula mwakanyile lyene lyacisilwe iwe lya pitungi lya ng'anda.’

Loma 2:16

Acino kulingana ni Landwe Lisuma lino nkakosola, avino cilaya na pa Wanda uno Leza alapingula antu kupitila muli Klistu Yesu pa vya nkama vyamu myenzo yao.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.