Loma 13:8 - Amazwi Yakwe Leza 2013

⁸ Mutaya na nkongole ku muntu ali wensi suka sile kutemwana. Pano wino wensi uwatemwa umuze ala wayela vyalembwa mu mpapulo zyakwe Mose.

Loma 13:8 ပူးပေါင်းရင်းမြစ်များ

Mateo 7:12

“Acino vintu vyonsi vino mukasi kuti antu yamucitile namwe kwene avino mwayacitila. Pano avino Masunde yakwe Mose nu usambilizyo wakwe yakasema vikalanda.

Yoane 13:34

Ndakai namupeela isunde lipya lyakuti mwatemwana. Ndi vino nani namutemwa, avino namwe mulinzile kutemwana.

Loma 13:10

Umwi ndi watemwa umuze ale wene atalamucitila ciipe. Caleka kutemwa kuli kuyela Masunde.

Loma 13:7

Mupele uteko vyonsi vino muli nu kupeela, kuli kuti musonko wa mwili nu musonko wa vintu vino mwakwata, nupya mwafukila yakateeka yonsi nu kuyacindika.

Galatiya 5:14

Pano Masunde yonsi iimikwa mwi lamulo lii likati, “Uwatemwa umuzo ndi vino waitemwa.”

Kolose 3:14

Na pa vintu vii vyonsi mulundepo ukutemwa kukakundanya vintu vyonsi pamwi mukulemana kumalilike.

1 Timoti 1:5

Pano twimilila pa kunena antu kukwata kutemwa kuno kukafuma mu mwenzo uswepe, nu kwelenganya kusuma nu utailo uwa mpomvu.

Yakobo 2:8

Ndi mukuyela Isunde lya Wene ilyaya mu malembelo likati, “Uwatemwa umuzo ndi vino waitemwa.” Ale mukucita ningo.

1 Yoane 3:10

Uu uli upusano apaswe, uwaya pakasi ka ana yakwe Leza nga na ana yakwe Ciwa. Muntu wensi asyacita visuma nanti kutemwa mwina wakwe wene asi mwana wakwe Leza.