Loma 13:11 - Amazwi Yakwe Leza 2013

¹¹ Mulinzile kucita cii, pano mwati mumanya vino kasita kati kafika kakuti muzyuke mu tulo. Pano uwanda lino tulatuulwa wati upalama kuluta lino twatandike kutaila.

Loma 13:11 ပူးပေါင်းရင်းမြစ်များ

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Yona 1:6

Ciinda wa combo aya kunoli, nga amunena ati, “Uzye ungakasula uli? Katuka upepe kuli leza wako! Limwi amatusumbako amano kuti lyene tutaundwa.”

Mateo 16:3

Alino katondo, mwiyulu ndi mwaenza, kuya ni cipupu, mwemo mukati, ‘Imvula imatonya pano mwiyulu mwaenza nu kufutika.’ Mwemo lino mukaceceta iyulu, mukalanda vino muza ulaya, lelo mutangamanya vikucitika ndakai!

Luka 21:28

Lino vintu vii vilatandika kucitika, mukimilile nu kwinula imitwe inu, pano kutuulwa kwinu kwati kupalama.”

1 Kolinto 10:11

Vintu vii vyonsi vyacitikile vikolwe vitu kuti ciye ukusokwa, nupya vyalemvilwe kuti viye vyakutusambilizya swe muno tukulolela mpelelekezyo yakwe vyonsi.

1 Kolinto 15:34

Zinzimukini mu mano nupya tini kwifya. Nkumunena vino ica nsonyi kunomuli pa kuzana ukuti yamwi munomuli yatamanya Leza ningo.

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

Yakobo 5:8

Namwe kwene mulinzile kuteeka myenzo. Lekini kupaalila kwinu kutanenuka, pano wanda wa kwiza kwa Mwene wati upalama.

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

2 Petulo 3:11

Vintu vii vilasunguluka mu musango kwene uu, uzye mwemo mulinzile kuya antu amusango cii? Umi winu ulinzile kuya wamuzilo nupya muipelesye ku kutumikila Leza,

2 Petulo 3:9

Leza atazingota pa kucita cino walaya, ndi vino yamwi yakaelenganya. Lelo Wene akateeka mwenzo kunomuli, pamulandu wakuti wene asyalonda kuti muntu umwi akononwe. Wene akalonda kuti antu yonsi yazenzuke.

1 Yoane 2:18

Mwe ana yane impela ili pipi! Mwanenyilwe ukuti mwanisi wakwe Klistu aliza. Ndakai anisi aingi yakwe Klistu yaloleka mpiti. Acino twati tumanya vino impela ili pipi.

Umbwilo 1:3

Walongo umuntu wiyo akawelenga lupapulo luu, walongo umuntu wino akauvwa ku mazwi yaa ausemo nu kuyela vino vyalembwa mu lupapulo luu! Pano insita yatipalama lino vintu vii vyonsi vilacitika.

Umbwilo 22:10

Alino anena ati, “Utafisa mazwi yaa ausemo uwamu lupapulo luu, pano insita yati palama lino vii vyonsi vilacitika.

Umbwilo 22:12

Yesu akuti, “Uvwini!” Nkwiza zuwa! “Ndiza ni vilambu vyakupeela cila muntu kulingana na vino waomba.

Umbwilo 22:20

Wino akupeela umboni wakwe kuli vii vyonsi akuti, “Endi! Nkwiza zuwa!” Ameni! Iza Mwene Yesu!