Loma 12:13 - Amazwi Yakwe Leza 2013

¹³ Mwakumbusuka aina inu yano yulilwa, nga nu kuzengela alendo mu mang'anda inu.

Loma 12:13 ပူးပေါင်းရင်းမြစ်များ

2 Samueli 17:29

nu uci ni ziya lisase, ni mfwele, nu lwambu lwi ziya nga avipeela kuli Davidi na antu yakwe kuti yalye. Yene yamanyile ukuti Davidi na antu yakwe yamauvwa inzala nu lusala, nga nu kutonta mu lwanga.

2 Yamwene 4:10

Leka fwandi tumukuulile akamuputule apapela ya ng'anda yi paala lipapatale, apano tumwikile umusanzi, ni tebulo, nu mupando, nga twikemo ni lampi. Ali muno aiza akwikala lilyo lyonsi lino watutandalila.”

Masamu 41:1

Walongo umuntu wiyo akasakamala mupina nu mulanda, Yawe nawe alamukulula uwanda wa ntazi.

Mapinda 31:20

Akakonzolola ikasa lyakwe nu kupeela uku alanda, nga na kuli yao akulondekwa ukwazwiliziwa.

Mateo 25:35

Pano nali ni nzala namwe mwampile vyakulya. Nali nu lusala namwe mwampile manzi. Nali mwenyi namwe mwanzengile.

Milimo 10:4

Nawe alolekesya mungeli, auvwa intete amunena ati, “Musambazi kuli cii?” Mungeli aasuka ati, “Leza watazangila mu mapepo yako nga nu wila uno ukapeela ku apina.

Milimo 4:35

yaleta nu kuzipela ku atumwa, nga nao yankanya kuli cila muntu kulingana nu kuulilwa.

Loma 12:8

Ndi twapelwa uwila wa kukomelezya yauze, mu cumi tulinzile kuyakomelezya. Wino wensi akwankana na auze vintu vino akweti, mu cumi alinzile apeele kwaula kuitemwa. Wino wensi ali pa utunguluzi, mu cumi alinzile aombesye ningo. Wino wensi akucitila auze milimo ya luse, mu cumi alinzile acita ni nsansa.

1 Kolinto 16:15

Inane, mwamanya vino Sitefano pamwi na amu ng'anda yakwe ayano yatandike kuya aina Klistu a nkolelo mu mpanga ya Akaya nupya yaipela aisikulu ku kuomba vyonsi vino yangacita pamulandu wa antu yakwe Leza. Inane, nkumupapata,

2 Kolinto 9:1

Citakulondekwa kuti mulembele pamulandu wa kwazwa kuno mwapanga kupeela ku antu yakwe Leza amu Yudeya.

2 Kolinto 9:12

Pano kutumikila kwinu kuu kusyaazwa sile antu yakwe Leza, lelo kukalenga kuti antu aingi yataizye Leza.

Galatiya 6:10

Caleka tulinzile kucita visuma ku muntu wensi vino tungacita nu kuluta kuli yao ali alondezi yakwe Klistu.

1 Timoti 3:2

Intunguluzi yamwi uvi italinzile kutungwa kayi. Wene alinzile kukwata muci wenga sile, nu kuya mutekele, wa mano, wa mucinzi, akasunga aenyi ningo mu ng'anda yakwe. Wene alinzile kuya mukampuke ku kusambilizya.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

Tito 1:8

Wene alinzile kuya kacita wa milimo ya luse, kapokelela wa enyi, nupya uwatemwa kucita visuma. Wene alinzile kuikanya, nu kucita vilungame, alinzile kuya uwamuzilo nupya musundike.

Tito 3:14

Antu itu yalinzile kusambilila kuomvya insita zyao mu kucita visuma. Yene yalinzile kucitila antu visuma yano alingine kwazwiwa. Lyene antu itu yatalikala mwa ukasu.

Filimoni 1:7

We mwinane mukundwe, kutemwa kuno wakwata kwatuletela luzango lukulu nu ukomelezyo cuze! Wemo wasansamusya myenzo ya antu yakwe Leza onsi.

Ayebulai 13:16

Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.

Ayebulai 13:2

Mwaiusya kuzengela aenyi mu mang'anda inu. Kwali antu yamwi yano acisile vikwene nu kuzengela angeli kwaula kumanya.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

1 Petulo 4:9

Mwazengelana mu mang'anda inu kwaula kuilizyanya.

1 Yoane 3:17

Muntu ndi akweti cuma nupya walola mwina wakwe wataulilwa, lelo wakomya umwenzo nu kuntazwa mwina wakwe, uzye wene angavwanga uli ukuti watemwa Leza?

3 Yoane 1:5

We mukundwe, wemo wewe wacumi mu mulimo uno ukaombela aina Klistu yauzo, nanti yene yali ainamasi.