Loma 11:33 - Amazwi Yakwe Leza 2013

³³ Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?

Loma 11:33 ပူးပေါင်းရင်းမြစ်များ

Esita 2:22

Lelo Modekai auvwa amapange yao nga alandila namwene Esita. Esita nawe aya alandila umusambazi Aasuwelo vino Modekai wamunenyile.

Yobo 10:13

Awe fwandi lyene alino namanya ukuti ivintu vyonsi vii, wavisunzile sile umu mwenzo wako wa nkama.

Yobo 15:8

Uzye uvwikisya manye amapange yakwe Leza, nanti limwi wewe uli wamano ukuluta antu yonsi?

Yobo 23:14

Pano umwisikulu wamanya vino alancitila, ndi muno amapange yakwe avule yayelile.

Yobo 26:14

Vyonsi vivyo, atumwi tumwi sile apa vintu nyanya vino vikalanga amaka yakwe Leza. Tukauvwa sile tunono umu kutotoza sile. Lelo ukuuza kwa kupangalansya kwakwe aweni angakwiluka?”

Yobo 33:13

Uzye pacani cino ukunenolela Leza, apakukana kwasuka?

Yobo 37:19

We, ukulonda tuvwange vyani pali Leza? Swemo amano yatala yacepa, ivyakulunda penepo, pasi.

Yobo 37:23

Wacila yonsi pyu uku maka nu ulungami. Ulungami wakwe wakula wakwe cimwi nu lufyengo mutaya.

Yobo 5:9

Swemo tutangatezya ivintu ivikulu vino Leza akacita, nanti ukupenda ivinjelengwe vyakwe.

Yobo 9:10

Tungaposiwa ukuvwa ukulu wa vintu vino Leza wacita. Ivipezya amano vino wacita, tutangakumamo uku vipenda.

Masamu 139:6

Amano yako pali nene, akuzunguka nupya nkaposiwa ukutezya, yakulisya intange nkumemo.

Masamu 145:3

Yawe wene umukulu nupya uwakulumbanya wakwe cimwi, ukulu wakwe kusi angautezya.

Masamu 36:6

Ulungami wako waya uzyantile wa myamba itali yakwe Leza. Imipingwile yako, nayo yaya wa kuzika kwakwe yemba. We Yawe, awewe ukawaka antu ni nyama kwene.

Masamu 40:5

We Yawe, Leza wane, ala vino watucitila ivyakuzunguka ivivule, Vino wemo watuteyanyizizya pasi pa wingi. Icacumi pasi nanta wenga uwaya wakwe wewe! Nga cakuti nati nkandande vyonsi pano vyapela, awe cumi ntange nkume mwenemo, pano vyavula wakwe cimwi.

Masamu 77:19

Wapisile muli yemba, walamba yemba mukalamba umuzike wakwe cimwi ni ngazo muno walyatanga zisi zyakuloleka nanti panono.

Masamu 92:5

Yemwe! Ivintu nu ukulu vino wemo ukacita, we Yawe! Ukwelenganya kwako kwazika wakwe cimwi!

Masamu 97:2

Amakumbi ni mfinzi vyamulilizya. Icumi nu ulungi ivikatungililila icilimba cakwe.

Mapinda 25:2

Ukufisa umulandu ucindami wakwe Leza, ukulola umulandu luse luse, ali ucindami wakwe yamwene.

Mapinda 25:3

We muntu utange umanye ivikwelenganya umwene uwamu mpanga. Imyelenganyizizye yakwe, yaluta amano itu, wakwe vino iyulu lyasanzuka, nanti ndi vino yemba wazika.

Kasambilizya 3:11

Wene wika akasita kayane pa cintu consi. Watupeela ukulonda ukumanya ivintu iviliza, lelo atatupela ukumanya kumalilike ukwakumanyikisya vino wene akacita.

Kasambilizya 7:24

Uzye umuntu angamanya uli usenulo wa umi? Icintu cii icizike, nupya swemo tutangacuvwa. Icikome, icitale swe antu tutange tucuvwe.

Kasambilizya 8:17

Lelo utange uvwikisye vino Leza akacita. Nanti ungezya na maka yonsi, utange uzane. Antu yamano yakaitunga ukumanya, lelo mucumi yatamanya.

Ezaya 28:29

Amano akuombela vivyo vyonsi wafumya kuli Yawe Wamaka yonsi. Vino Leza wateyanya ivyamano yatupu nupya vikaomba ningo insita zyonsi!

Ezaya 40:28

Uzye fwandi mwemo mutamanya? Uzye mwemo mutuvwapo? Ala Yawe ali Leza wa pee, aliwe waumba insi yonsi. Wene asitonta foo na maka yakwe yasicepa awe! Umuntu wene angaposiwa ukupima amano yakwe pano yapelela.

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

Loma 9:23

Leza wacita cii pa kulanga lulumbi lwakwe lukulu kunotuli, swe muno watuyela mizu nu kutusolola kuti tukume ku lulumbi lwakwe lukulu,

1 Kolinto 2:10

Lelo Leza wasokolola nkama yakwe kunotuli kupitila muli Mupasi Wamuzilo. Mupasi Wamuzilo wamanya vyonsi, vizike vya mapange yakwe Leza.

Efeso 1:7

Pano Klistu wakomilwe pakuti wazi wakwe uye impolelwa yakutulenga kuya antungwa, cii cikusenula vino ndakai maifyo itu yelelwa. Klistu wacisile cii pamulandu wakuti Leza wali ni

Efeso 2:7

Wene wacisile cii kuti mu myaka ikwiza alange ukama wa cikuku cakwe uiyele uno waya mu kutemwa kuno watulanga muli Klistu Yesu.

Efeso 3:10

Lyene Leza angaomvya iuvi kuti lilange maka ni ntunguluzi zya mwiyulu ukuti Leza wakwata mano aingi aiyele.

Efeso 3:16

Nkalenga ukuti Leza, kulingana nu kucindama kwa ukama wa cikuku cakwe, amukomye na Mupasi wakwe kuti muye akomeleke mu myenzo.

Efeso 3:18

Nkupepa kuti mwemo nga na antu yakwe Leza yonsi yamanyikisye kutemwa kuu vino kwasalala nu kutalimpa nu kusanzama nga nu kuzika.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.