Loma 11:22 - Amazwi Yakwe Leza 2013

²² Pali cii, twalola vino Leza uwa luse nupya umukali. Wene umukali ku antu yano akapona, lelo kuli mwemwe uwa luse ndi mwatwalilila mu vintu vikalenga kuti aye nu luse. Pano limwi namwe kwene mungaputulwa.

Loma 11:22 ပူးပေါင်းရင်းမြစ်များ

Masamu 31:19

Iye mwe, we Yawe vino usuma wako wakula, uno ukacitila yayo akukwatila icoopo! Ala kwene icakuzunguka uku muntu ali wensi, apakulola vino wemo ukacitila yao akutaila, yano yakaiza umu kuzina kunuli.

Ezaya 66:14

Lino mwemo mwaca mumalola ivintu vii imyenzo inu ilasansamuka. Mulakwatisya amaka nu mutende. Alino lyene mulasininkizya ukuti fwandi mu cumi anene nkaazwa yano yamfukilila nupya nu kuti nkavunukila anisi yane.

Ezekelo 18:24

“Lelo umuntu musuma ndi wata kuzifya, watandika nu kwifya, amacita ni vintu iviipisye ivikacita antu aipe, uzye umuntu wiyo angaya nu umi? Awe foo. Ni visuma vyonsi vino wacita yatange yaviusye. Angafwila pa utalami wakwe na pa viipe vino wacita.

Ezekelo 3:20

“Umuntu umwi umusuma ndi watandika ukucita vimwi iviipe, alino nani namuteya iciteyo, ala nawe kwene alafwa ndi cakuti wemo utamucelwile kweneko. Umuntu wiyo alafwila pa uyi wakwe, nani ntaliusya ni visuma vino wene wacisile, lelo wemo ulakumpwilapo umulandu pa mfwa yakwe.

Luka 8:15

Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Yoane 15:2

Tata akasisya misambo yonsi muli nene ino isyaseeka vizao, nga yonsi ino ikaseeka, yene akaitungwila kuti izifiwe nu kuseeka vizao vingi.

Yoane 8:31

Caleka Yesu anena yao amutaile ati, “Ndi mukuyela mazwi yane, mu cumi ale mwemwe alondezi yane.

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Loma 11:21

Ndi Leza atacisile celelezi pa Ayuda, yao akoline wa misambo ya civyalilwa ya muti, uzye lyene atangacita cili conga kuli mwemwe?

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

1 Kolinto 15:2

Mulatuulwa ni Landwe Lisuma kwene lii ndi mukuyela mazwi yakwe Leza yano nakosozile kunomuli, ndi cisi vivyo ale mwazumila pa silesile.

Galatiya 6:9

Acino mutatonta mu kwazwana. Pano ndi musikutonta, lyene muli nu kupelwa cilambu lino nsita ilafika.

1 Tesalonika 3:5

Uli mulandu uno natumile Timoti. Naposiwe kulolela. Caleka namutumile kuti aiize alondelezye nu kumanya ningo vya pa utailo winu. Cumi kwene nemo napaalile ukuti Ciwa atatunsile mwemwe nu kulenga mulimo witu kuya uwasilesile.

1 Tesalonika 3:8

Pasi pano mu cumi tuli nu umi ndi cakuti mwemo mwimilila ndii mu umi winu mu Mwene.

Ayebulai 10:23

Lekini tulemasye kulanda pa upaalilo witu kwaula kutonta, pano tukutaila ukuti Leza alafikilizya ulayo wakwe.

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.

Umbwilo 2:5

Elenganya pa kupona kuno wapona. Zenzuka nu kucita vino wacisile nkolelo. Ndi utazenzwike, ndiza kunuli nu kufumya cakutekapo nyali mu ncende yakweco.