Loma 11:20 - Amazwi Yakwe Leza 2013

²⁰ Cii ica cumi. Yene yaputwilwe pano yatataile. Lelo mwemo muli mu cifulo caiko pano mwataila. Acino mutaitumika pali cii. Lelo muye ni ntete.

Loma 11:20 ပူးပေါင်းရင်းမြစ်များ

2 Milandu 20:20

Lyene antu kwene yayo iyazyuka katondotondo nu kulungama ku mutengo wakwe Tekoa. Lino yakufuma, Yeosafati aimilila pa mulyango ati, “Tuini tuvwe swe antu aku Yuda na swensi swe ikazi amu Yelusalemu. Tailini Yawe Leza winu, nupya musipe. Tailini yakasema yakwe alino muli nu kucimvya.”

Masamu 138:6

We Yawe, nanti angala wacindama vivyo, lelo ukalolekesya pali yao aicefya, avilumba nayo yatange yafisame kunuli.

Mapinda 28:14

Wiyo akaopa Yawe insita zyonsi uwa longo. Lelo wiyo akaumalala umwenzo, alaponela umu ntazi.

Mapinda 28:26

Wiyo uwataila umu mano yakwe umweneco, wene iciwelewele. Lelo wiyo akalondela ivya antu yamano, alapusuka.

Ezaya 2:11

Akuno uli uwanda umwi umu pipi, uno antu avilumba yalafusiwa amanso yao, uwanda uno ivilumba vyao vilasila. Awewe wenga sile we Yawe, wemuno ulacindamikwa mu wanda ulya.

Ezaya 2:17

Ali wanda uno ivilumba vya muntu ali wensi na munyele alamukangoka. Mu wanda ulya ali lino wewe wenga mpo we Yawe yalakulumbanya.

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Ezaya 7:9

Impanga yakwe Efulemu yaluta Samaliya, nga Samaliya atalusile umwene Peka. Ndi mutakomile mu utailo winu, cumi mutalazizimizya.’”

Habakuku 2:4

Uu uli usemo: Yakacita ya viipe yalalowa, l lelo yakacita ya visuma yalaya nu umi. Yonsi akacita vyaololoke yalaya nu umi pano yene acumi kuli Leza.

Zefaniya 3:11

Pa wanda kwene uo mwe antu yane mutalaya ni nsonyi pa vintu vino mwacita umu kunsangukila. Pano nemo ndafumya antu yonsi acilumba. Nupya mutalasya muituumike apa mwamba wane uwamuzilo.

Luka 18:14

Yesu avwanga ati, “Namunena nati, kasonkisya waswilile ukwakwe uwakaele pa manso yakwe Leza. Lelo Mufaliseo waswilile ukwakwe na maifyo yakwe. Pano wensi akaikuzya wene alacefiwa, na wino wensi akaicefya wene alakuziwa.”

Milimo 18:6

Lino yamukana nu kulanda viipe pali aliwe, wene akunta lukungu ku vizwalo vyakwe kuti ayalange vino wapaluka kunoyali, nga ayanena ati, “Ndi mwalowa, ale umulandu winu mweisikulu! Usi mulandu wane. Ukufuma ndakai namaya ku Akulukuwa.”

Loma 11:18

Caleka mutalinzile kusuula yao aputwilwe wa misambo ilya. Uzye pacani mungaitutumika? Mwemo mwemwe misambo. Mwemo musyatungilila misisi. Lelo misisi ikatungilila mwemwe.

Loma 11:21

Ndi Leza atacisile celelezi pa Ayuda, yao akoline wa misambo ya civyalilwa ya muti, uzye lyene atangacita cili conga kuli mwemwe?

Loma 12:16

Mwasakamalana, mutaitumika lelo mwazumila ukuombela na antu yasilesile. Mutailola kuya a mano.

Loma 12:3

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

Loma 3:3

Nanti angala yamwi munoyali yatali akutailwa, uzye kuntaya akutailwa ukungalanga ukuti Leza nawe ataya uwakutailwa?

1 Kolinto 10:12

Wino wensi akwelenganya ukuti aimi nu kuzyansya, wene alinzile kutekela kuti atapona.

1 Kolinto 15:1

Inane, nkansi kumwiusya pamulandu wi Landwe Lisuma lino nakosozile kunomuli. Mwemo mwalipokelile, nga nu utailo winu iukomeleka.

1 Kolinto 16:13

Pempulini nu kukomeleka mu utailo, posyini, muye na maka.

2 Kolinto 1:24

Swemo tusi angalizi pa utailo winu akumunena vino mungataila. Tukuomba pamwi namwe kuti muye a nsansa, pano utailo winu ukome.

2 Kolinto 10:5

nga ni citutumusi cino cikalenga kuti muntu ali wensi atamanya Leza. Swemo tukaongola melenganyo ya antu nu kulenga kuti yayela Klistu.

Filipi 2:12

Caleka, mwe yakundwe yane, ndi vino mwayelanga nene lino nali pamwi namwe, lyene calondekwa ukuti ndakai lino nsi namwe mwayela kuluta. Twalililini kuomba mu coopo nu kuzakaza kuti mufikilizye ufyusi winu,

Kolose 2:7

Ikini misisi munoli, nu kuleka kuti wene aye mufula wa umi winu. Muye akomeleke mu utailo winu, wakwe vino mwasambiliziwe. Nupya mulinzile kutaizya cuze.

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

Ayebulai 3:12

Mwe inane, cenjelini kuti umwi uwa munomuli ataya nu mwenzo uwiipe uwa kuntataila, nu kufutatila Leza wa umi.

Ayebulai 3:19

Lyene twalola vino yene yaposiwe kwingila mu kupuza kuku pano yatakweti utailo.

Ayebulai 4:11

Lekini lyene tucite consi cino tungacita kuti twingile mu kupuza kuku, pakuti kutaya umwi munotuli uwakuposiwa ndi vino cali kuli yaya pamulandu wa kuntataila kwao.

Ayebulai 4:6

Nalikwene Leza wateyanya kuti antu yamwi yalingila mu kupuza kwakwe. Lelo auvwile Ilandwe Lisuma nkolelo yatingile pamulandu wakuntayela.

Yakobo 2:19

Uzye wataila ukuti kwaya sile Leza wenga? Cisuma! Mipasi yankota nayo kwene yataila, nupya ikaoopa nu kuzakaza.

Yakobo 4:6

Lelo cikuku cino Leza akatukwatila cene ica maka kuluta. Cili ndi vino malembelo yakati, “Leza akakanya umuntu wensi uwa cilumba, lelo akaya ni cikuku ku muntu uwaicefya.”

1 Petulo 1:17

Lino mukupepa mukaama Leza muti, “Tata.” Wene ataya na kasoozi. Lelo akapingula antu yonsi kulingana na vino cila muntu wacita. Acino lyene mwacindika Leza lino mucikweti umi muno nsi.

1 Petulo 5:12

Siluvano uwangazwilizye kulemba kalata wii, nupya nkuti wene umwina witu uwakutailwa muli Klistu. Nemo nkulonda kumukomelezya nu kupeela umboni uwakuti cikuku cakwe Leza kunomuli ica cumi. Komelekini muno cili.

1 Petulo 5:9

Mukome mu utailo winu nu kukanya Ciwa, pano mumanyile ukuti mu nsi yonsi antu ataila wakwe mwemwe, yakupita mu macuzi amusango uli onga.

Umbwilo 18:7

Mucuzyini nu kuleka anyunguluka cuze kulingana nu lulumbi nu wikazi wapapela uno umwisikulu waipile. Pano wene akutwalilila kuinena ati, ‘Ntenzi pano, ne namwene! Nemo insi mukamfwilwa, ntalatala ndosye!’

Umbwilo 3:17

Wemo ukulanda uti, ‘Nene mukama nupya nikala ningo. Ntulilwa cimwi.’ Lelo utamanya vino wewe mucuzi nupya mulanda! Wewe mupina, wemo wewe mpafu nupya uli tupu.