Loma 11:2 - Amazwi Yakwe Leza 2013

² Leza atafutatila antu yakwe yano wasolwile kufuma ku utandiko wa uumbo. Uzye mutakwiusya vino calembwa mu malembelo ukuti Eliya wailizyanyizye kuli Leza pamulandu wa ina Izlaeli ati,

Loma 11:2 ပူးပေါင်းရင်းမြစ်များ

Utandiko 44:15

Yosefu ayuzya ati, “Uzye cani cino mwatimucita? Uzye mutamanyile kuti umuntu wino ali mwene akateeka ndi vino nene angamanya kupitila mu kusapola, ivintu vino antu yakucita mu umfisolo?”

Neemiya 9:30

Apa myaka iingi ala wayatekelela. Wayatezela nu kuyaceula ukupitila muli yakasema, lelo yene yatange yakuvwe nanti panono. Fwandi ali cino wasuka waleka anisi yao yayacimvya.

Masamu 94:14

We Yawe, utange utazyele antu yako, utange usumbe antu ali yakwako mpo.

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Yelemiya 31:37

“Apakusumba uluko lonsi lwa ina Izlaeli apamulandu wa vintu vyonsi vino lwacita, suka sile namanye amayulu yatala yapimwa, na pa simpwa insi yonsi napo patala papimwa.” Ivyalanda Yawe.

Mpendwa 16:15

Lyene Mose asoka cuze, nga anena Yawe ati, “Suula ivya wila wao. Ntatala nifya umwi panoyali nupya ntatala nayatolela nanti a punda wenga.”

Mako 12:26

Pamulandu wakuzyukuka kwa afwe, uzye mutawelenga mu lupapulo lwakwe Mose pamulandu wa kupya kwa cimpuza? Muu, amuno calembwa ukuti Leza watile kuli Mose, ‘Nene Leza wakwe Abulaamu na wakwe Isaki na Yakobo.’

Luka 4:1

Yesu awela kufuma ku luzi lwa Yodani, ala azuziwemo na Mupasi Wamuzilo. Lyene Mupasi Wamuzilo amutungulula ku lwanga,

Yoane 4:11

Umwanaci ati, “Musambazi nga vino wemo utakweti cakusembela, nga ni cifula naco icizike, uzye lyene manzi kwene yayo akapeela umi umayafumya kwi?

Milimo 13:48

Lino Akulukuwa yuvwa cii, yazanga nu kutasya ilandwe lya Mwene. Na yao yonsi yano Leza wasolwile kuti yaye nu umi wape, yataila mu Mwene.

Milimo 15:18

Vii avino Mwene wavwanga, wino walenzile kuti vii vimanyike kufuma ku mpiti.’”

Milimo 3:17

“Acino ndakai, inane, natimanya vino mwemo pamwi ni ntunguluzi zinu mwacisile cii pamulandu wa kuntamanya kwinu.

Milimo 7:40

Caleka vinena Aaloni viti, ‘Tupangile yaleza akuti yatutungulula. Tutamanyile cati cicitika ku muntu wilya Mose, uwatutungulwile kufuma mu Eguputo.’

Loma 6:16

Na limwi mutamanyile vino ndi mwaipela mweisikulu kuya azya yakuyela umuntu umwi, ala mu cumi mwemwe azya yakwe wino mukayela. Acino ndi mwaipela ku maifyo ale mumaya azya ya maifyo, na maifyo yakaleta imfwa. Ndi mwaipela ku kuyela Leza, ale kuyela kwinu kumamulenga mwikale umi wakucita vyawololoke pa manso yakwe.

Loma 9:23

Leza wacita cii pa kulanga lulumbi lwakwe lukulu kunotuli, swe muno watuyela mizu nu kutusolola kuti tukume ku lulumbi lwakwe lukulu,

Loma 9:6

Nemo ntakulanda ukuti, Leza waposiwa kufikilizya ulayo wakwe, pano asi onsi amu mutundu wa ina Izlaeli ali antu yakwe Leza mucumi.

1 Kolinto 6:2

Uzye mutamanya ukuti antu yakwe Leza yalapingula antu amuno nsi? Endi, ndi cakuti mulapingula antu amuno nsi, uzye mwemo mutangapingula tumilandu tunono?

1 Kolinto 8:3

Lelo Leza wene asyatwisika umuntu wino wamutemwa.

Filipi 1:22

Lelo kwikala muno nsi ndi kungaleka mbombe milimo isuma iingi, lyene ntamanyile ningo cino ningasolola.

Ayebulai 1:1

Ku mpiti Leza wavwanzile ku vikolwe vitu umu nzila zipusanepusane na maila avule kupitila muli yakasema.

1 Petulo 1:2

Mwemo Leza Tata wamusolwile kuti muye antu yakwe, nga nu Mupasi wakwe wamucita kuya amuzilo kuti mwayela Yesu Klistu na kuti mwaswefiwa nu wazi wakwe. Leza aye ni cikuku kunomuli, nupya amupeele mutende uvule cuze.