Loma 11:17 - Amazwi Yakwe Leza 2013

¹⁷ Misambo imwi ya muolivi uno antu yalema yene yaputulwa, nga pa viposi vya misambo iyo palematikwa misambo ya muolivi uwamu mpanga. Mwe Akulukuwa mukoline wa misambo ya muolivi uwamu mpanga ino yalematikweko, nga ndakai mwati mukumako kukupolelelwa kwakuya vilundwa ku Ayuda.

Loma 11:17 ပူးပေါင်းရင်းမြစ်များ

Masamu 52:8

Lelo nemo nayasile wa muti umuolivi, ukakulila pipi ni ng'anda yakwe Leza. Nataila umu kutemwa kwakwe Leza ukwa pe.

Ezaya 27:11

Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.

Ezaya 6:13

Nanti umu mpanga mwasyala umuntu wenga pa antu ikumi lyonga, nawe kwene ndamulovezya kumwi. Wene alasyala sile wa cisiki ca muoko cino yacentula.” (Cisiki cico cilaya wa cimanyililo cakutandikila cipya cipya uku antu yakwe Leza.)

Yelemiya 11:16

Apa mpiti nemo natazile njama ukuti umuolivi umwi uvunde amafwa nupya uno wakopoka ni viseekwa umwisika ivisuma. Lelo apilelo pene namalepuka sile wa nkuwa. Namaoca amafwa alembe nu kukontola ni nsala zyonsi zyakweo.

Yona 1:16

Apa kulola vii alendo yalya yoopa Yawe, nga yapela impolelwa kuli Yawe nu kulapa imilapo kunoli iyakumutumikila.

Zakaliya 4:3

Mumbali yakweco kuliko imiolivi iili, onga imbali yuze uze nao imbali yuze.”

Mateo 21:43

“Caleka namunena vino isyuko lya kuya mu Wene wakwe Leza lilapokwa kufuma kunomuli nu kupelwa ku antu yauze, yano alacita milimo ino akalonda.” [

Yoane 15:1

“Nene mutingi wa cumi na Tata ali mulimi.

Yoane 15:2

Tata akasisya misambo yonsi muli nene ino isyaseeka vizao, nga yonsi ino ikaseeka, yene akaitungwila kuti izifiwe nu kuseeka vizao vingi.

Yoane 15:6

Wino wensi asyaikala munondi wene alasumbwa wa musambo nu kunyala. Antu yakakolonganika misambo ndi vino uu, yaisumba mu moto, muno ikapya.

Milimo 2:39

Pano ulayo uno Leza walavile uli pali mwemwe na pa ana inu, na pali yano yonsi ali kutali, yano Umwene Leza witu alaama kunoli.”

Loma 11:24

Mwe Akulukuwa mukoline wa musambo wa muolivi uwamu mpanga uno waputulwa, nga lyene ulematikwa ku muolivi uwalemwa nu muntu. Ayuda nao yakoline wa muolivi uwalemwa nu muntu. Cili cangupale cuze kuti Leza alematike misambo ii iyaputulwa ku cimuti kuno yaputwilwe.

Galatiya 2:15

Mu cumi sweswe Ayuda kucivyalilwa nga tusi “Akulukuwa yakaifya,” ndi vino yakaamwa.

Efeso 3:6

Nkama ii, iyakuti Ilandwe Lisuma lyapali Klistu lyalenga kuti Akulukuwa yakume ku malayo yano Leza walavile Ayuda. Nupya Leza wazumilizye Akulukuwa kuya vilundwa vya mwili onga.

Malango 8:8

Impanga iya uzombozi wa ngano na baale, na matingi, ni misamvu, ni viseekwa vya pomegeleneti, na mafuta ya miolivi, nga nu uci.

Kolose 2:13

Pa nsita imwi mwemo mwali afwe ku mupasi pamulandu wa maifyo, inu na pamulandu wakuti mwemo mwali atasilamulwa mu myenzo inu, mwali Akulukuwa aula Masunde. Lelo Leza waleka kuti Klistu amucite kuya aumi, lilyo lino watwelezile maifyo itu yonsi.

Umbwilo 11:4

Yakambone yaa yaili yene ili miti iili ya miolivi nga ni vyakutekapo inyali viili ivyaya ku nkolelo ya Mwene uwateeka insi yonsi.