Loma 11:1 - Amazwi Yakwe Leza 2013

¹ Lyene nuzye, uzye Leza wafutatila antu yakwe? Awe, cumi kwene citangaya vivyo. Pano nani kwene nene mwina Izlaeli, wamu mupanda wakwe Abulaamu, nupya nene uwamu mutundu wakwe Benjamini.

Loma 11:1 ပူးပေါင်းရင်းမြစ်များ

2 Yamwene 23:27

Yawe ali pakuvwanga ati, “Nenini antu aku Yuda, pasi pano nasya njacite vino nacisile aina Izlaeli. Nasya njatazyele nu kutazyela Yelusalemu, umusumba uno ne mweneco naisolwela, kumwi ni Ng'anda kwene ii ikulu. Mumo muno natiile amuno antu yalampepela mwenemo.”

Masamu 77:7

“Uzye Yawe amankananga lyonsi? Uzye atalaswilizya ukundolekesya pe luse luse?

Masamu 94:14

We Yawe, utange utazyele antu yako, utange usumbe antu ali yakwako mpo.

Oseya 9:17

“Leza wane alakana antu kwene yayo pamulandu wakuti yakana ukumuyela. Yalalulumba sile pakasi ka nko zyuze.”

Luka 20:16

Aliza akome alimi yao, nu kupeela icalo ca matingi ku alimi yauze.” Lino antu yuvwile cii, yavwanga yati, “Citanga ciye vii awe!”

Milimo 22:3

“Nene Muyuda, uwavyalilwe mu Taliso muzi uwamu Kilikya, lelo nakulila kuno mu Yelusalemu. Gamalieli uwali kasambilizya wane. Nasambilile ningo masunde ya vikolwe vitu, nupya naipela cuze kuli Leza ndi vino mwensi mukacita, mwemuno muli pano ilelo.

Milimo 26:4

“Ayuda yonsi yamanya vino nikala ukutandika ku wance wane. Yamanya na vino umi wane waya, inkolelo mu mpanga ya kumwitu nga nu mu Yelusalemu.

Loma 11:11

Lyene nkuuzya nti, uzye ukupempezyoka kwa Ayuda ukwakuti yapone kwaula kukatuka? Awe cumi kwene citangaya vivyo! Lelo pamulandu wa kwifya kwa Ayuda, kutuulwa kwaya ku Akulukuwa kuti Ayuda yayazuwila.

Loma 3:4

Mucumi citangaya! Lelo Leza wene akalanda vya cumi. Nanti angala antu yonsi yaya antumpu. Cili wakwe vino calembwa mu malembelo cati, “We Leza, leka antu yamanye ukuti vino ukalanda ivya cumi, nu kuti ukayasinda ndi yakulolwesya mulandu.”

Loma 9:3

Pano ningatemwa kuti intipwilwe pamulandu wao, mpaatulwe na kuli Klistu.

2 Kolinto 11:22

Uzye yene Ayebulai? Nani kwene avino ndi. Uzye yene aina Izlaeli? Nani kwene avino ndi. Uzye yene amu mupanda wakwe Abulaamu? Nani kwene avino ndi.

Filipi 3:5

Nemo nasilamwilwe lino nali na manda cinani (8) akuvyalwa, nupya nafuma mu luko lwa Izlaeli mu mutundu wakwe Benjamini. Mukuvyalwa, nene Muyebulai. Wa Mufaliseo, nemo nayelanga Masunde yakwe Mose ndi vino yaya. Lom 11:1

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.