Loma 10:14 - Amazwi Yakwe Leza 2013

¹⁴ Uzye lyene yangamulenga uli kuti ayazwe ndi yatamutaile? Uzye yangamutaila uli ndi yatuvwa ilandwe lya pali aliwe? Uzye yanguvwa uli ilandwe lya pali aliwe ndi kusi wakuti akosole?

Loma 10:14 ပူးပေါင်းရင်းမြစ်များ

Yona 1:16

Apa kulola vii alendo yalya yoopa Yawe, nga yapela impolelwa kuli Yawe nu kulapa imilapo kunoli iyakumutumikila.

Yona 1:5

Yonsi ali pa lwendo umu combo yuvwile intete nga cila muntu apepa kuli leza wakwe. Lyene yasumbila iviya muli yemba kuti icombo cangupale. Lelo walanga Yona wataingila mu muputule wa pansi mu combo, mumo muno waile alambalala nga akasula utulo.

Mateo 20:7

Nao yamwasuka yati, ‘Pano kusi umwi wakutulemba incito.’ Nawe ayanena ati, ‘Namwe kwene yangini mukaomba mu calo cane ca matingi.’

Yoane 20:31

Lelo vii vyalemvilwe kuti mutaile vino Yesu ali Katuula, Mwana wakwe Leza, nga nu mukutaila munoli muye nu umi wape.

Yoane 9:36

Muntu nawe aasuka ati, “Mwene, unene umuntu wiyo kuti nani mutaile!”

Milimo 19:2

ayauzya ati, “Uzye mwapokelile Mupasi Wamuzilo lino mwataile?” Nao Yaasuka yati, “Tutatala tuvwa ukuti kwaya Mupasi Wamuzilo.”

Milimo 8:31

Mutungwi nawe ati, “Uzye ningamanya uli, suka umwi wandondolwela?” Alino anena Filipo ati kwela mwi celeta wikale pamwi nani.

Loma 1:5

Kupitila muli Klistu amuno Leza wampeela isyuko lyakuya mutumwa pakuti ntungulule antu amu nko zyonsi kuti yataile nu kuyela Leza na kuti Klistu acindikwe.

Efeso 2:17

Acino Klistu wizile akosola Ilandwe Lisuma ilya mutende kuli mwe Akulukuwa, mwe muno mwali kutali na Leza. Nupya wizile akosola Ilandwe Lisuma ilya mutende kuli swe Ayuda swe muno twali na Leza.

Efeso 4:21

Mwemo muvwa vya pali aliwe. Acino wa alondezi yakwe, mwemo mwasambiliziwe cumi icaya muli Klistu.

Malango 30:13

Nupya lisi ku mbalama yuze yakwe yemba cakuti mungalanda muti, ‘Uzye aweni amalamba yemba kuti akatuletele, kuti tulyuvwe nu kuliyela?’

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Tito 1:3

Lino insita yafisile Leza, Katuula witu, wasokolwile cii ku antu kupitila mwi landwe lyakwe. Leza uwandasike mulimo uu. Nani nkakosola pa kuyela ilamulo lyakwe.

Ayebulai 11:6

Kusi umwi angazanzya Leza kwaula kukwata utailo. Pano wino wensi akaiza kuli Leza alinzile ataile ukuti Leza akuno waya nupya akalambula yao akamulondalonda.

Yakobo 5:15

Ndi yataila lino yapepa ale mulwale alapoziwa. Mwene alamukatusya, nga nu kumwelela maifyo yano wacita.